News Continuous Bureau | Mumbai
Trump’s Cuba Policy અમેરિકાના રાષ્ટ્રપતિ ડોનાલ્ડ ટ્રમ્પે હવે ક્યુબા મુદ્દે આકરા પાણીએ હોવાના સંકેત આપ્યા છે. એક ઈન્ટરવ્યુમાં ટ્રમ્પે જણાવ્યું હતું કે, ભવિષ્યમાં ક્યુબામાં અમેરિકી અભિયાન ચલાવવાની શક્યતાઓને નકારી શકાય નહીં. આ નિવેદન બાદ લૅટિન અમેરિકામાં અમેરિકાની વિદેશ નીતિ અને અમેરિકાક્યુબા વચ્ચેના સંબંધોમાં ભારે તણાવ જોવા મળી રહ્યો છે.
Trump’s Cuba Policy – શું ક્યુબામાં વેનેઝુએલા જેવું ઓપરેશન થશે?
એક મીડિયા રિપોર્ટ મુજબ, જ્યારે ટ્રમ્પને પૂછવામાં આવ્યું કે શું ક્યુબામાં સંભવિત અમેરિકી ઓપરેશન વેનેઝુએલા જેવું હોઈ શકે છે, ત્યારે તેમણે સ્પષ્ટ જવાબ આપતા કહ્યું, “સંભવ છે.” ટ્રમ્પે ભારપૂર્વક કહ્યું કે ક્યુબા અમેરિકાથી ભૌગોલિક રીતે ખૂબ નજીક છે, તેથી ત્યાંની સ્થિતિ અન્ય દેશો કરતા અલગ અને વ્યૂહાત્મક રીતે મહત્વપૂર્ણ છે. જોકે તેમણે એમ પણ ઉમેર્યું કે તેમની પ્રાથમિકતા શાંતિપૂર્ણ સત્તા પરિવર્તનની છે, પરંતુ લશ્કરી વિકલ્પો પર પણ ગંભીરતાથી વિચાર કરવામાં આવ્યો છે.
Trump’s Cuba Policy – ક્યુબા પર અમેરિકાનું સતત વધતું દબાણ
ટ્રમ્પ પ્રશાસન લાંબા સમયથી ક્યુબા પર આર્થિક અને રાજકીય દબાણ વધારી રહ્યું છે. અમેરિકાએ હવાના પર નવા પ્રતિબંધો લાદ્યા છે અને સ્પષ્ટ ચેતવણી આપી છે કે જો ક્યુબા એવા શસ્ત્રો મેળવવાનો પ્રયાસ કરશે જે અમેરિકી વિસ્તાર કે ગ્વાન્ટાનામો બે (Guantanamo Bay) માટે જોખમી બની શકે, તો તેના ગંભીર પરિણામો ભોગવવા પડશે. અહેવાલો મુજબ, ક્યુબામાં રાજકીય અસ્થિરતા અથવા કટોકટીના સમયે શું કરવું, તે અંગે વહીવટીતંત્રે પહેલેથી જ સૈન્ય અને કૂટનીતિક યોજનાઓ તૈયાર કરી રાખી છે.
Trump’s Cuba Policy – ઈરાન સાથે સરખામણી અને નિષ્ણાતોના મત
ટ્રમ્પે ક્યુબાના મામલાને ઈરાન અભિયાનથી અલગ ગણાવ્યું છે. તેમણે કહ્યું કે ઈરાનનું ઓપરેશન મોટું અને સંસાધન-સઘન હતું, જ્યારે ક્યુબાની ભૌગોલિક સ્થિતિ અમેરિકા માટે વધુ અનુકૂળ છે. બીજી તરફ, આંતરરાષ્ટ્રીય બાબતોના નિષ્ણાતો માને છે કે ટ્રમ્પની ક્યુબા વ્યૂહરચના ‘વેનેઝુએલા મોડલ’ જેવી છે, જેમાં આર્થિક દબાણ અને સૈન્ય સંકેતોનો ઉપયોગ થાય છે. જોકે, ક્યુબાની આંતરિક રાજકીય વ્યવસ્થા અને આંતરરાષ્ટ્રીય સહયોગીઓની સ્થિતિ વેનેઝુએલા કરતા ઘણી અલગ હોવાથી આ રણનીતિ કેટલી સફળ થશે તે જોવું રહ્યું.
👉 આ સમાચાર વાચો:
Mandatory Marathi Language Certificate મરાઠી ભાષાનું પ્રમાણપત્ર ફરજિયાત, આ તારીખ પછીપાલન ન કરનાર ચાલકો પર થશે કડક કાર્યવાહી.
