ન્યુઝ કન્ટિન્યુઝ બ્યુરો,
મુંબઈ, 26 ફેબ્રુઆરી 2022,
શનિવાર,
રશિયાએ સતત ત્રીજા દિવસે યુક્રેન પર હુમલો ચાલુ રાખ્યો છે.
આ હુમલામાં રશિયા દ્વારા સેંકડો મિસાઈલો છોડવામાં આવી છે.
યુક્રેને કહ્યું કે તેમણે બે રશિયન સુખોઈ-35 એરક્રાફ્ટ, એક IL-76 ટ્રાન્સપોર્ટ પ્લેન અને એક હેલિકોપ્ટરને તોડી પાડ્યું છે.
યુક્રેનની સેનાનું કહેવું છે કે આ IL-76 ટ્રાન્સપોર્ટ પ્લેનમાં રશિયન પેરાટ્રૂપર્સ સવાર હતા.
આ ઉપરાંત તેમણે રશિયાનાં ઓછામાં ઓછા 80 ટેંક, 516 બખ્તરબંધ ગાડીઓ, 7 હેલિકોપ્ટર, 10 એરક્રાફ્ટ અને 20 ક્રુઝ મિસાઇલ નષ્ટ કરી છે.
