News Continuous Bureau | Mumbai
અમેરિકા અને બાંગ્લાદેશ વચ્ચે એક મહત્વપૂર્ણ ટ્રેડ ડીલ પર હસ્તાક્ષર કરવામાં આવ્યા છે. આ નવા કરાર મુજબ, બાંગ્લાદેશથી અમેરિકા જતી ચીજવસ્તુઓ પર હવે ૧૯% ટેરિફ લાગશે, જે પહેલા ૨૦% હતો. જોકે, આ ડીલમાં સૌથી મોટો વળાંક ટેક્સટાઇલ સેક્ટરમાં આવ્યો છે. ડોનાલ્ડ ટ્રમ્પે બાંગ્લાદેશ માટે ‘ઝીરો ટેરિફ’ ની સુવિધા આપી છે, જે ભારતની ટેક્સટાઇલ ઇન્ડસ્ટ્રી માટે ખતરાની ઘંટડી સમાન છે.
શું છે ટ્રમ્પની ‘ઝીરો ટેરિફ’ ગેમ?
નવા કરાર હેઠળ, જો બાંગ્લાદેશ અમેરિકન કપાસ (Cotton) અને સિન્થેટિક ફાઈબરનો ઉપયોગ કરીને કપડાં બનાવે છે અને તેને અમેરિકા નિકાસ કરે છે, તો તેના પર કોઈ ટેક્સ એટલે કે ‘ઝીરો’ ટેરિફ લાગશે. બીજી તરફ, ભારત માટે તાજેતરની ડીલમાં આ ટેક્સ ઘટાડીને ૧૮% કરવામાં આવ્યો છે. આનો અર્થ એ થયો કે અમેરિકાના બજારમાં બાંગ્લાદેશી કપડાં ભારતીય કપડાં કરતા ૧૮% સસ્તા મળશે, જેના કારણે અમેરિકન કંપનીઓ ભારતને બદલે બાંગ્લાદેશ પાસેથી ખરીદી કરવાનું પસંદ કરશે.
આ સમાચાર પણ વાંચો : Supriya Sule daughter: શરદ પવારના ઘરે વાગશે શરણાઈ: સુપ્રિયા સુલેની દીકરી રેવતીના લગ્ન નક્કી, જાણો કોણ છે પવાર પરિવારના જમાઈ સારંગ લાખાણી
કપાસની ખરીદીમાં મામૂલી તફાવત છતાં ભારતને નુકસાન
આશ્ચર્યની વાત એ છે કે ભારત અમેરિકા પાસેથી ૨૦૦ મિલિયન ડોલરનું કપાસ ખરીદે છે, જ્યારે બાંગ્લાદેશ ૨૫૦ મિલિયન ડોલરની ખરીદી કરે છે. માત્ર ૫૦ મિલિયન ડોલરના તફાવત છતાં ભારતને ૧૮% વધુ ટેક્સનો બોજ સહન કરવો પડી રહ્યો છે. આ નવી ડીલથી ભારતનો જૂનો ટેક્સ ફાયદો ખતમ થઈ ગયો છે અને બાંગ્લાદેશને ડ્યુટી-ફ્રી એટલે કે ટેક્સ વગર માલ વેચવાની મોટી તક મળી ગઈ છે.
ભારત પર ૫૦૦ અબજ ડોલરની શરત અને બાંગ્લાદેશને છૂટ
રિપોર્ટ મુજબ, ટ્રમ્પે બાંગ્લાદેશ સાથેની ડીલમાં કોઈ આકરી શરતો રાખી નથી, જ્યારે ભારત સાથેની ડીલમાં શરત મૂકી છે કે આગામી કેટલાક વર્ષોમાં ભારતે અમેરિકા પાસેથી ૫૦૦ અબજ ડોલરનો સામાન ખરીદવો પડશે. આમ, એક તરફ ભારત પર મોટો આર્થિક બોજ લાદવામાં આવ્યો છે અને બીજી તરફ ટેક્સટાઇલ જેવા મહત્વના ક્ષેત્રમાં બાંગ્લાદેશને વધુ ફાયદો કરાવી આપીને ભારતને પછડાટ આપી છે. આનાથી ભારતીય કપડાં ઉદ્યોગની નિકાસ અને સ્પર્ધાત્મકતા પર માઠી અસર પડી શકે છે.
