Site icon News Continuous Bureau | Mumbai

USIsrael Tension। અમેરિકા કંગાલ થવાના આરે? ઇઝરાયેલ પાછળ ટ્રમ્પ સરકારે અબજોની મિસાઇલો વાપરી નાખી, પેન્ટાગોનનો રિપોર્ટ લીક થતા હલચલ!

USIsrael Tension। 'વોશિંગ્ટન પોસ્ટ' ના ચોંકાવનારા અહેવાલ મુજબ, ઈરાનના હુમલા સામે ઈઝરાયેલને સુરક્ષા આપવા જતાં અમેરિકાએ તેના અડધાથી વધુ આધુનિક મિસાઈલ ઈન્ટરસેપ્ટર વાપરી નાખ્યા છે.

USIsrael Tension। અમેરિકા કંગાલ થવાના આરે? ઇઝરાયેલ પાછળ ટ્રમ્પ સરકારે અબજોની મિસાઇલો વાપરી નાખી, પેન્ટાગોનનો રિપોર્ટ લીક થતા હલચલ!

USIsrael Tension। અમેરિકા કંગાલ થવાના આરે? ઇઝરાયેલ પાછળ ટ્રમ્પ સરકારે અબજોની મિસાઇલો વાપરી નાખી, પેન્ટાગોનનો રિપોર્ટ લીક થતા હલચલ!

 

News Continuous Bureau | Mumbai

Join Our WhatsApp Channel

USIsrael Tension। ઈરાન અને ઈઝરાયેલ વચ્ચે તાજેતરમાં થયેલા ભયાનક યુદ્ધના પરિણામો હવે અમેરિકા માટે ચિંતાનો વિષય બન્યા છે. ઈઝરાયેલના સંરક્ષણ માટે અમેરિકાએ પોતાની પૂરેપૂરી સૈન્ય તાકાત ઝોંકી દીધી હતી, પરંતુ હવે તેનું બહુ મોટું નુકસાન ખુદ અમેરિકાએ વેઠવું પડી રહ્યું છે. ‘વોશિંગ્ટન પોસ્ટ’ ના એક નવા અને ચોંકાવનારા અહેવાલ અનુસાર, ઈઝરાયેલને ઈરાનની મિસાઈલોથી બચાવવાના ચક્કરમાં અમેરિકાના પોતાના સૌથી આધુનિક મિસાઈલ ઈન્ટરસેપ્ટરનો (હવામાં જ દુશ્મનની મિસાઈલનો નાશ કરનાર હથિયાર) આશરે અડધો સ્ટોક (ભંડાર) સંપૂર્ણપણે ખાલી થઈ ગયો છે. આ મોટા ખુલાસા બાદ અમેરિકાના સંરક્ષણ મંત્રાલય એટલે કે પેન્ટાગોનની (Pentagon) ચિંતામાં તોતિંગ વધારો થયો છે.

અમેરિકાએ બહાબ્યા અબજો ડોલરના હથિયારો, ઈઝરાયેલે ચાલાકી વાપરી

આ અહેવાલનો સીધો અર્થ એ છે કે ઈરાનના મિસાઈલ હુમલાઓનો સામનો કરવાનો સૌથી મોટો આર્થિક અને સૈન્ય બોજ અમેરિકાએ પોતાના ખભા પર ઉપાડ્યો હતો. જ્યારે ઈરાને ઈઝરાયેલ પર સેંકડો બેલિસ્ટિક મિસાઈલો દાગી, ત્યારે અમેરિકાએ પોતાના સૌથી શ્રેષ્ઠ અને મોંઘા હથિયારો પાણીની જેમ વાપર્યા હતા. રિપોર્ટ દર્શાવે છે કે અમેરિકાએ ૨૦૦ થી વધુ અદ્યતન ‘થાડ’ (THAAD) મિસાઈલ ઈન્ટરસેપ્ટર ફાયર કર્યા હતા. આ ઉપરાંત, પૂર્વી ભૂમધ્ય સમુદ્રમાં તૈનાત અમેરિકી નૌસેનાના યુદ્ધ જહાજો પરથી ૧૦૦ થી વધુ ‘સ્ટાન્ડર્ડ મિસાઈલ-૩’ (SM-3) અને ‘સ્ટાન્ડર્ડ મિસાઈલ-૬’ (SM-6) પણ દાગવામાં આવ્યા હતા. બીજી તરફ, ઈઝરાયેલે મોટી ચાલાકીથી પોતાના હથિયારો બચાવી રાખ્યા અને માત્ર ૧૦૦ થી પણ ઓછા ‘એરો’ ઈન્ટરસેપ્ટરનો ઉપયોગ કર્યો હતો.

હથિયારો ખૂટતાં જાપાન અને દક્ષિણ કોરિયા જેવા સાથી દેશોમાં ફફડાટ

અમેરિકાના હથિયારો આટલી ઝડપથી ખતમ થવાને કારણે તેના અન્ય એશિયાઈ સાથી દેશો, ખાસ કરીને જાપાન અને દક્ષિણ કોરિયામાં ભારે ડર અને બેચેનીનો માહોલ જોવા મળી રહ્યો છે. આ બંને દેશો ચીન અને ઉત્તર કોરિયાના કોઈપણ અણધાર્યા હુમલાથી બચવા માટે સંપૂર્ણપણે અમેરિકાની સૈન્ય સુરક્ષા છત્રી પર જ નિર્ભર છે. સંરક્ષણ નિષ્ણાતોનું કહેવું છે કે અમેરિકા પાસે હવે માંડ ૨૦૦ ‘થાડ’ ઈન્ટરસેપ્ટર બચ્યા છે અને હથિયાર બનાવતી કંપનીઓ એટલી ઝડપે નવો સ્ટોક તૈયાર કરી શકતી નથી. જો વિશ્વના અન્ય કોઈ ભાગમાં નવું યુદ્ધ ફાટી નીકળશે, તો અમેરિકા પોતાના બાકીના સાથી દેશોની રક્ષા કેવી રીતે કરશે તે એક મોટો સવાલ છે.

પેન્ટાગોનની સફાઈ અને ઈરાન પર ટ્રમ્પ પ્રશાસનની આકરી કાર્યવાહી

હથિયારોની આ ભારે અસંતુલન પર પેન્ટાગોનના મુખ્ય પ્રવક્તા સીન પાર્નેલે બંને દેશોનો બચાવ કરતા જણાવ્યું કે બેલિસ્ટિક મિસાઈલ ઈન્ટરસેપ્ટર એ અમારા વિશાળ સંરક્ષણ નેટવર્કનો માત્ર એક નાનો ભાગ છે. ‘ઓપરેશન એપિક ફ્યુરી’ દરમિયાન અમેરિકા અને ઈઝરાયેલે સંયુક્ત રીતે સુરક્ષાનો બોજ ઉઠાવ્યો છે. વોશિંગ્ટનમાં ઈઝરાયેલી દૂતાવાસે પણ તેને બંને દેશો વચ્ચેનું સર્વશ્રેષ્ઠ તાલમેલ ગણાવ્યું છે. આ બધાની વચ્ચે, રાષ્ટ્રપતિ ડોનાલ્ડ ટ્રમ્પના તેવર ઈરાન સામે વધુ કડક બન્યા છે. તેમણે સ્પષ્ટ કર્યું છે કે ઈરાનને કોઈપણ કિંમતે પરમાણુ હથિયાર બનાવવા દેવામાં આવશે નહીં. અમેરિકી કડક પ્રતિબંધોના કારણે ઈરાનને દરરોજ આશરે ૫૦ કરોડ ડોલરનું ભારે આર્થિક નુકસાન થઈ રહ્યું છે અને અમેરિકી નૌસેનાની મંજૂરી વિના કોઈ પણ વ્યાપારી જહાજ ઈરાનથી અવરજવર કરી શકતું નથી.

👉 આ સમાચાર વાચો:
PM Modi Cabinet Meeting। પીએમ મોદી એક્શન મોડમાં કેબિનેટ મંત્રીઓ સાથે સાડા ૪ કલાક સુધી મંથન, મિડલ ઈસ્ટ તણાવ વચ્ચે ભારતની સુરક્ષા પર મોટો પ્લાન તૈયાર

Russian Missile Enters Poland Airspace વિશ્વયુદ્ધના ભણકારા? યુક્રેન પર છોડેલી રશિયાની મિસાઈલ પોલેન્ડ પહોંચી; નાટો દેશોમાં એલર્ટ..
Donald Trump Fall Asleep Xi Jinping Speech શી જિનપિંગના ભાષણ દરમિયાન ટ્રમ્પ ઊંઘી ગયા હોવાનો વીડિયો વાયરલ વ્હાઈટ હાઉસે આપી સ્પષ્ટતા!
S Jaishankar on Japanese Business Leaders ‘ભૂતકાળ ભૂલીને ભારત અંગેની તસવીર અપડેટ કરો’ ટોક્યોમાં જાપાની ઉદ્યોગપતિઓને એસ. જયશંકરની અપીલ!
Bangladesh PM Targets India Over Sheikh Hasina પાડોશી દેશમાં અશાંતિ વચ્ચે બાંગ્લાદેશના PM તારિક રહેમાને ભારત પર કાઢ્યો બળાપો શેખ હસીનાનું નામ લઈને સાધ્યું નિશાન
Exit mobile version