News Continuous Bureau | Mumbai
US Navy plane : અમેરિકન મિલિટરી ઈન્ટેલિજન્સ પ્લેન દરિયામાં પડીને ક્રેશ થયું છે. વાસ્તવમાં પ્લેન રનવેથી આગળ નીકળીને દરિયામાં પડી ગયું હતું. આ ઘટના સોમવારે બપોરે હોનોલુલુથી 10 માઈલ દૂર યુએસ મરીન બેઝ પર બની હતી. વિમાનમાં સવાર તમામ 9 લોકોને બોટ દ્વારા કિનારે બચાવી લેવાયા હતા. તે યુએસ નેવીનું P-8A એરક્રાફ્ટ હતું, જે લેન્ડિંગ ચૂકી ગયું અને સમુદ્રમાં પડી ગયું.
પ્લેન પડ્યું ત્યારે પડી રહ્યો હતો ભારે વરસાદ
જ્યારે પ્લેન દરિયામાં પડ્યું ત્યારે ભારે વરસાદ પડી રહ્યો હતો. વીડિયોમાં દેખાઈ રહ્યું છે કે કેવી રીતે વિશાળ વિમાન કનેઓહે ખાડીમાં કિનારાની નજીક તરી રહ્યું છે. આ અકસ્માત થતાં જ રેસ્ક્યુ ટીમને મદદ માટે દોડવું પડ્યું હતું. ખાસ વાત એ હતી કે રાહત અને બચાવ ટીમના સભ્યોએ વિમાનમાં સવાર તમામ 9 લોકોને બોટ દ્વારા કિનારે લાવીને બચાવ્યા હતા.
A US Navy plane skidded off the runway and ended up in the Pacific Ocean in Hawaii.
According to preliminary information, the Boeing P8 Poseidon pilot overshot the runway. This happened at a US Marine Corps military base. There were nine people on board. They received minor… pic.twitter.com/ijJlBMjhpV
— yalnız kurt (@MApodogan) November 21, 2023
ગુપ્ત માહિતી એકત્ર કરવા માટે વપરાય છે પ્લેન
P-8A પોસાઇડનનો ઉપયોગ ઘણીવાર સબમરીન પર દેખરેખ રાખવા અને હુમલો કરવા માટે થાય છે. આ ઉપરાંત, તેનો ઉપયોગ જાસૂસી અને ગુપ્ત માહિતી એકત્ર કરવા માટે પણ થાય છે. આ એરક્રાફ્ટ બોઇંગ દ્વારા વિકસાવવામાં આવ્યું છે.
આ સમાચાર પણ વાંચો : IMPS glitch : UCO બેંકે IMPSની સમસ્યા બાદ રૂ. 649 કરોડની કરી વસૂલાત, હાલ પણ રૂ.171 કરોડ અટવાયા
કેટલી કિંમત?
P-8 એરક્રાફ્ટના ઘણા પ્રકારો છે, દરેક વેરિઅન્ટ બોઇંગ ડિફેન્સ, સ્પેસ અને સિક્યુરિટી દ્વારા વિકસાવવામાં આવ્યા છે. P-8 એરક્રાફ્ટની સરેરાશ કિંમત 150 મિલિયન ડોલર છે.
