News Continuous Bureau | Mumbai
US Tariff Cut। મધ્ય પૂર્વના દેશોમાં ચાલી રહેલા ભારે રાજદ્વારી અને સૈન્ય તણાવ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે વેપાર જગત માટે એક મોટો નિર્ણય લીધો છે. ટ્રમ્પે અમેરિકામાં આયાત થતા કેટલાક પસંદગીના કૃષિ ઉત્પાદનો અને ઔદ્યોગિક સાધનો પર લાગુ ટેરિફ (આયાત ડ્યુટી) માં મોટો ઘટાડો કરવાની જાહેરાત કરી છે. અત્યાર સુધી અમેરિકા દ્વારા આ તમામ વસ્તુઓ પર 25 ટકાના દરે ટેરિફ વસૂલવામાં આવતો હતો, જેને હવે ઘટાડીને 15 ટકા કરી દેવામાં આવ્યો છે. વ્હાઇટ હાઉસના જણાવ્યા અનુસાર, ટેરિફમાં કરાયેલો આ કામચલાઉ ઘટાડો આગામી વર્ષે ડિસેમ્બર 2027 સુધી લાગુ રહેશે.
ખેડૂતો અને ઉત્પાદકો માટે ઉત્પાદન ખર્ચ ઘટાડવા ટ્રમ્પ પ્રશાસનનો માસ્ટરપ્લાન
અમેરિકા સરકારના આ નિર્ણયનો મુખ્ય ઉદ્દેશ્ય સ્થાનિક મેન્યુફેક્ચરિંગ અને કૃષિ ઉત્પાદનને મજબૂત બનાવવાની સાથે આ સેક્ટર સાથે સંકળાયેલા વ્યવસાયો માટેનો ખર્ચ ઘટાડવાનો છે. આ ટેરિફ કટ કમ્બાઈન, હાર્વેસ્ટર અને અન્ય કૃષિ મશીનરી સહિત અનેક પ્રકારના ઔદ્યોગિક સાધનો પર લાગુ થશે. વ્હાઇટ હાઉસના સત્તાવાર નિવેદન અનુસાર, આંતરરાષ્ટ્રીય સ્તરે આયાત ડ્યુટી ઓછી થવાને કારણે અમેરિકાના ખેડૂતો અને કૃષિ ઉત્પાદકો ખૂબ જ ઓછી કિંમતે અદ્યતન ટેક્નોલોજી અને નવા ઉપકરણો ખરીદી શકશે, જે લાંબા ગાળે અમેરિકી અર્થતંત્રને મજબૂત બનાવશે.
યુએસ સ્ટીલ અને એલ્યુમિનિયમના વપરાશ પર વિદેશી કંપનીઓને મળશે વધારાની છૂટ
ડોનાલ્ડ ટ્રમ્પ પ્રશાસને સસ્તા ઈમ્પોર્ટની સાથે-સાથે અમેરિકાના સ્થાનિક સ્ટીલ અને એલ્યુમિનિયમના વધુ ઉપયોગને પ્રોત્સાહન આપવા માટે એક વધારાની પ્રોત્સાહક યોજનાની પણ જાહેરાત કરી છે. આ સ્કીમ હેઠળ જો કોઈ વિદેશી ઉત્પાદક કંપની તેના દ્વારા આયાત કરવામાં આવતા કેપિટલ ઇક્વિપમેન્ટમાં વજનના હિસાબે ઓછામાં ઓછું 85 ટકા અમેરિકી સ્ટીલ અથવા એલ્યુમિનિયમનો ઉપયોગ કરશે, તો તેને માત્ર 10 ટકાના સૌથી નીચા ટેરિફ રેટનો લાભ આપવામાં આવશે. આ આખી યોજના એવી રીતે તૈયાર કરાઈ છે જેથી કંપનીઓ પોતાની ઉત્પાદન ક્ષમતા વધારવા માટે વધુ રોકાણ કરે.
અમેરિકા સાથે મુક્ત વ્યાપાર કરાર ધરાવતા દેશોને જ મળશે લાભ, ભારત આ યાદીમાં નથી
અહેવાલો અનુસાર, અમેરિકા દ્વારા ટેરિફ કટની આ મોટી રાહત માત્ર એવા દેશોને જ આપવામાં આવી છે જે કંપનીઓ સાથે યુએસના વ્યાપાર કરારો (ટ્રેડ ડીલ) થયેલા છે. એટલે કે જે દેશો સાથે અમેરિકાના વેપાર કરારો છે ત્યાંથી આયાત થતા બુલડોઝર, ફોર્કલિફ્ટ અને ઔદ્યોગિક મશીનરી પર હવે 25 ટકાના બદલે 15 ટકા ટેરિફ લાગશે. જોકે, ભારતને આ વૈશ્વિક રાહતનો સીધો ફાયદો મળતો દેખાઈ રહ્યો નથી, કારણ કે હજુ સુધી ભારત અને અમેરિકા વચ્ચે આ પ્રકારની કોઈ મોટી ટ્રેડ ડીલ ફાઇનલ થઈ શકી નથી.
👉 આ સમાચાર વાચો:
Stock Market Update| રોકાણકારોના કરોડો રૂપિયા સ્વાહા! શેરબજારમાં અચાનક કેમ મચી ગઈ દોડધામ? આ ૪ કારણોએ વધાર્યું ટેન્શન
