News Continuous Bureau | Mumbai
USIran Peace Deal અમેરિકા અને ઈરાન વચ્ચેના લાંબા સંઘર્ષનો અંત આવવાની તૈયારીમાં છે, કારણ કે બંને દેશો 19 જૂન 2026 ના રોજ સ્વિટ્ઝર્લેન્ડમાં યુદ્ધવિરામ અને શાંતિ સમજૂતીના દસ્તાવેજો પર સત્તાવાર હસ્તાક્ષર કરવા જઈ રહ્યા છે.
US-Iran Peace Deal – શાંતિ સમજૂતીની મુખ્ય શરતો
14 જૂને થયેલી વર્ચ્યુઅલ સહમતિ બાદ હવે આ સમજૂતીને અંતિમ ઓપ આપવામાં આવ્યો છે. આ ડીલની સૌથી મહત્વની શરત તમામ મોરચે સૈન્ય કાર્યવાહીને તાત્કાલિક અને કાયમી ધોરણે રોકવાની છે. સૌથી વધુ રાહતના સમાચાર એ છે કે ઈરાને વૈશ્વિક વેપાર માટે અત્યંત મહત્વપૂર્ણ એવા હોર્મુઝ સ્ટ્રેટ (Hormuz Strait) ને તમામ દેશો માટે ખોલી દીધું છે, જેના કારણે આંતરરાષ્ટ્રીય બજારમાં ક્રૂડ ઓઈલના ભાવ 80 ડોલર પ્રતિ બેરલની નીચે આવી ગયા છે.
US-Iran Peace Deal – 300 અબજ ડોલરના ફંડનું આર્થિક ગણિત
આ સમજૂતીમાં ઈરાનના પુનઃનિર્માણ માટે 300 અબજ ડોલરના ફંડની ચર્ચાએ રાજકીય ગરમાવો વધાર્યો છે. ટ્રમ્પ વહીવટીતંત્રની વ્યૂહરચના મુજબ, આ આર્થિક બોજ અમેરિકાના ટેક્સપેયર્સને બદલે ખાડી દેશો (Gulf Countries) પર નાખવામાં આવે તેવી શક્યતા છે. અમેરિકાનું લક્ષ્ય છે કે તે શાંતિના દૂત તરીકે ઉભરી આવે અને તે સાથે જ પોતાની કંપનીઓ માટે ઈરાનના બજારમાં પ્રવેશવાનો માર્ગ પણ મોકળો કરે. આ ફંડ સીધું રોકડ સ્વરૂપે નહીં, પણ ઈન્ફ્રાસ્ટ્રક્ચર, એનર્જી અને ટ્રાન્સપોર્ટ પ્રોજેક્ટ્સમાં રોકાણ તરીકે વાપરવામાં આવશે.
US-Iran Peace Deal – રાજકીય અને ભવિષ્યના પડકારો
જોકે આ શાંતિ સમજૂતીથી યુદ્ધ થંભતું દેખાઈ રહ્યું છે, પરંતુ તેની સામે અનેક સવાલો પણ ઉભા થયા છે. અમેરિકી રિપબ્લિકન નેતાઓ દ્વારા ઈરાનને અપાતી આ આર્થિક રાહતનો વિરોધ થઈ રહ્યો છે, તો બીજી તરફ ખાડી દેશોમાં આ નવી આર્થિક જવાબદારીને લઈને ચિંતાનું મોજું ફરી વળ્યું છે. આ ઉપરાંત, લેબનાન મોરચે હજુ પણ તણાવ યથાવત છે. અંતિમ દસ્તાવેજો જાહેર થયા બાદ જ સ્પષ્ટ થશે કે આ સમજૂતી મધ્ય પૂર્વમાં લાંબાગાળાની સ્થિરતા લાવી શકશે કે કેમ.
👉 આ સમાચાર વાચો:
G7 Summit Updates G7 સમિટનું સમાપન લેબનાનમાં તાત્કાલિક યુદ્ધવિરામની માંગ, અમેરિકાઈરાન ડીલને ગણાવી ‘ગેમચેન્જર’
