News Continuous Bureau | Mumbai
USIran War Update| ઈરાન અને અમેરિકા વચ્ચે છેલ્લા ઘણા સમયથી ચાલી રહેલા ભયંકર સૈન્ય તણાવ અને યુદ્ધની વચ્ચે સમગ્ર વિશ્વ માટે ખૂબ જ રાહતના અને મોટા ‘ગુડ ન્યૂઝ’ સામે આવી રહ્યા છે. બંને દેશો વચ્ચે યુદ્ધ વિરામ (સીઝફાયર) ને લઈને ચાલી રહેલી વાટાઘાટો હવે તેના અંતિમ તબક્કામાં પહોંચી ગઈ છે. સૂત્રોના જણાવ્યા અનુસાર, અમેરિકા અને ઈરાને એકબીજા સમક્ષ મૂકેલી મુખ્ય શરતો સ્વીકારી લીધી છે અને અમેરિકી રાષ્ટ્રપતિ ડોનાલ્ડ ટ્રમ્પ ગમે તે ક્ષણે આ ઐતિહાસિક શાંતિ કરારની સત્તાવાર જાહેરાત કરી શકે છે, જેના પર આખા વિશ્વની નજર ટકેલી છે.
૬૦ દિવસ બાદ ખુલશે હોર્મુજની ખાડી, ૩૦ દિવસમાં તમામ દરિયાઈ સુરૂંગો હટાવવા ઈરાન સહમત
અમેરિકા અને ઈરાન વચ્ચેના યુદ્ધના કારણે છેલ્લા ૬૦ દિવસથી વૈશ્વિક સ્તરે અત્યંત મહત્વપૂર્ણ ગણાતી હોર્મુજ ખાડી (Strait of Hormuz) સંપૂર્ણપણે બંધ હતી, જેના લીધે આંતરરાષ્ટ્રીય તેલ સપ્લાય ખોરવાતા આખી દુનિયા પરેશાન થઈ ગઈ હતી. હવે આ જળમાર્ગ આખરે ફરીથી ખોલવા માટે તૈયાર છે. આ પ્રસ્તાવિત કરાર મુજબ, અમેરિકાએ સ્પષ્ટ કર્યું છે કે ઈરાન હોર્મુજની ખાડીમાં કોઈ પણ પ્રકારનો ટેક્સ કે ટોલ વસૂલ કરી શકશે નહીં, જેના પર ઈરાને પોતાની સંમતિ દર્શાવી છે. આ ઉપરાંત, ઈરાને કરાર થયાના ૩૦ દિવસની અંદર આ જળમાર્ગમાં બિછાવેલી તમામ દરિયાઈ સુરૂંગો (લેન્ડમાઈન્સ) ને શોધીને નષ્ટ કરવી પડશે.
અમેરિકા હટાવશે તેલના કડક પ્રતિબંધો, ઈરાનનું ફ્રીઝ થયેલું ફંડ પણ પાછું મુક્ત કરાશે
આ ઐતિહાસિક શાંતિ કરારના બદલામાં અમેરિકા પણ ઈરાન પર લાદવામાં આવેલા તેલ વેપારના કડક પ્રતિબંધો હટાવવા માટે તૈયાર થયું છે. આ ઉપરાંત, અમેરિકા દ્વારા ઈરાનની જે અબજો ડોલરની સંપત્તિ અને બેંક ફંડ ફ્રીઝ (ગોઠવલેલા નિધિ) કરવામાં આવ્યા હતા, તે પ્રતિબંધો પણ હટાવી લેવામાં આવશે. આ ડીલ હેઠળ સૌથી મહત્વની શરત એ છે કે ઈરાન ભવિષ્યમાં ક્યારેય પણ અણ્વસ્ત્રો (ન્યુક્લિયર વેપન્સ) વિકસિત નહીં કરે. યુદ્ધ વિરામના આ સમયગાળા દરમિયાન, તેહરાન પાસે રહેલા સંવર્ધિત યુરેનિયમનો જથ્થો કઈ રીતે અને ક્યાં નષ્ટ કરવો તે અંગે બંને દેશો પરસ્પર સંમતિથી નિર્ણય લેશે.
પ્રસ્તાવિત કરારની બ્લુ પ્રિન્ટ ટ્રમ્પ સમક્ષ રજૂ, ટૂંક સમયમાં ગ્રીન સિગ્નલ
પ્રખ્યાત અમેરિકી મીડિયા હાઉસ એ એક વરિષ્ઠ અમેરિકન અધિકારીના હવાલાથી જણાવ્યું છે કે, અમેરિકા અને ઈરાન વચ્ચેના આ પ્રસ્તાવિત સમજૂતી કરાર (MoU) ની સંપૂર્ણ વિગતો રાષ્ટ્રપતિ ડોનાલ્ડ ટ્રમ્પ સમક્ષ રજૂ કરવામાં આવી છે. જોકે, ટ્રમ્પે હજુ સુધી આ કરારને સત્તાવાર મંજૂરી આપી નથી અને તેમણે જણાવ્યું છે કે, “આ શાંતિ પ્રસ્તાવ પર વિચાર કરવા માટે મને હજુ થોડા દિવસોનો સમય જોઈએ છે.” પરંતુ સૈન્ય સૂત્રોનું માનવું છે કે ડોનાલ્ડ ટ્રમ્પ ગમે તે ઘડીએ આ ડીલને ગ્રીન સિગ્નલ આપી શકે છે. ઈરાને અમેરિકાની મોટાભાગની કડક શરતો સ્વીકારી લીધી હોવાથી બંને દેશો યુદ્ધ વિરામની ખૂબ જ નજીક છે.
👉 આ સમાચાર વાચો:
Hardik Pandya Mumbai Indians। હાર્દિક પંડ્યાની કેપ્ટનશીપ જોખમમાં, મુંબઈ ઈન્ડિયન્સની ટીમમાં મોટા ફેરફારના સંકેત
