News Continuous Bureau | Mumbai
Indian Auto Sector Growth કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે શુક્રવારે જણાવ્યું છે કે ભારતની વિકાસ યાત્રા અત્યારે પૂરઝડપે આગળ વધી રહી છે. તેમણે દેશના પેસેન્જર વ્હીકલ એટલે કે મુસાફર વાહન બજારના મજબૂત પ્રદર્શનનો ઉલ્લેખ કરતા કહ્યું કે, મે 2026ના મહિનામાં આ ક્ષેત્રમાં અસાધારણ અને શાનદાર વૃદ્ધિ નોંધાઈ છે. સોશિયલ મીડિયા પ્લેટફોર્મ એક્સ પર એક પોસ્ટ શેર કરીને કેન્દ્રીય મંત્રીએ માહિતી આપી કે મે મહિનામાં ભારતીય બજારમાં અંદાજે 4.4 લાખ કાર અને અન્ય મુસાફર વાહનોનું વેચાણ થયું છે, જે ગત વર્ષના સમાન ગાળાની સરખામણીએ 23 ટકા વધુ છે. વૈશ્વિક અનિશ્ચિતતાઓ વચ્ચે પણ આ આંકડા ગ્રાહકોની મજબૂત ખરીદશક્તિ દર્શાવે છે.
Indian Auto Sector Growth: મુખ્ય ઓટોમોબાઈલ કંપનીઓના નેતૃત્વમાં ગ્રાહકોનો ભરોસો વધ્યો
પીયૂષ ગોયલે ભારપૂર્વક જણાવ્યું હતું કે દેશના વાહન બજારમાં આવેલી આ તેજીમાં દેશની અગ્રણી વાહન ઉત્પાદક કંપનીઓ જેવી કે મારુતિ સુઝુકી ઈન્ડિયા, ટાટા મોટર્સ અને મહિન્દ્રા એન્ડ મહિન્દ્રાએ ખૂબ જ મહત્વની ભૂમિકા ભજવી છે. તેમણે ઉમેર્યું કે ભારતમાં બનેલા વાહનોની સતત વધી રહેલી માંગ એ વાત સાબિત કરે છે કે સ્થાનિક ઉત્પાદન ક્ષેત્ર પર દેશના ગ્રાહકોનો વિશ્વાસ સતત મજબૂત થઈ રહ્યો છે. આ પ્રગતિ દેશના મજબૂત ઓટોમોબાઈલ ઈકોસિસ્ટમને આભારી છે અને આ સફળતા દેશમાં ચાલી રહેલા વ્યાપક આર્થિક બદલાવ તરફ ઈશારો કરે છે.
Indian Auto Sector Growth: ‘મેક ઇન ઇન્ડિયા’ અભિયાનથી મેન્યુફેક્ચરિંગ સેક્ટરને બૂસ્ટ મળ્યું
કેન્દ્રીય મંત્રીએ ઓટોમોબાઈલ ક્ષેત્રની આ શાનદાર પ્રગતિને સરકારની નીતિઓ સાથે જોડી હતી. તેમણે કહ્યું કે કેન્દ્ર સરકારની મહત્વકાંક્ષી યોજના ‘મેક ઇન ઇન્ડિયા’એ દેશમાં મેન્યુફેક્ચરિંગ અને ઔદ્યોગિક ઉત્પાદનને પ્રોત્સાહન આપવામાં ખૂબ જ મહત્વનો ભાગ ભજવ્યો છે. સ્થાનિક સ્તરે વાહનોના પાર્ટ્સનું ઉત્પાદન વધવાથી અને ટેકનોલોજી આધુનિક થવાથી કંપનીઓ વૈશ્વિક સ્તરની કાર ભારતમાં જ તૈયાર કરી રહી છે, જેનો સીધો લાભ સ્થાનિક ગ્રાહકોને મળી રહ્યો છે અને રોજગારીની નવી તકો પણ ઉભી થઈ રહી છે.
Indian Auto Sector Growth: મારુતિ સુઝુકીએ નોંધાવ્યું અત્યાર સુધીનું સૌથી સર્વોચ્ચ માસિક વેચાણ
ચાલુ મહિનાની શરૂઆતમાં જાહેર થયેલા આંકડા મુજબ, દેશની સૌથી મોટી કાર ઉત્પાદક કંપની મારુતિ સુઝુકી ઈન્ડિયાએ મે મહિનામાં સ્થાનિક બજારમાં અત્યાર સુધીનું સૌથી વધુ માસિક વેચાણ નોંધાવીને નવો ઈતિહાસ રચ્યો છે. કંપનીએ મે મહિનામાં પોતાના ડીલરોને 1,90,337 પેસેન્જર વ્હીકલ્સ મોકલ્યા હતા. ઓટોમોબાઈલ ઉદ્યોગના અંદાજ અનુસાર, ગત વર્ષની સરખામણીએ મારુતિ સુઝુકીના વેચાણમાં 39.99 ટકાનો જંગી ઉછાળો આવ્યો છે. આ સાથે જ કંપનીએ એપ્રિલ મહિનામાં બનાવેલા 1,87,704 યુનિટના પોતાના જૂના રેકોર્ડને પણ સરળતાથી પાછળ છોડી દીધો છે.
👉 આ સમાચાર વાચો:
Russian Oil Production પુતિન ટેન્શનમાં! યુક્રેનના ડ્રોન હુમલાએ રશિયાની કમર તોડી, ક્રૂડ ઓઈલના ઉત્પાદનમાં મોટો ઘટાડો..
