News Continuous Bureau | Mumbai
Aloe Vera Gel: એલોવેરા જેલ ત્વચા માટે વર્ષોથી ઉપયોગી માનવામાં આવે છે. રાત્રે સૂતા પહેલા ચહેરા પર એલોવેરા જેલ લગાવવાથી ત્વચાની રંગત સુધરે છે, દાગ-ધબ્બા દૂર થાય છે અને ચમક વધે છે. જો તમે દરરોજ રાત્રે ફેસવોશ કર્યા પછી ચહેરા પર શુદ્ધ અને કેમિકલ ફ્રી એલોવેરા જેલ લગાવો તો થોડા જ દિવસોમાં ત્વચામાં પોઝિટિવ ફેરફાર જોવા મળશે.
ચહેરાની રંગત સુધારવા માટે અસરકારક
એલોવેરા જેલમાં રહેલા પોષક તત્વો ત્વચાની ડીપ ક્લીનિંગ કરે છે. નિયમિત ઉપયોગથી ડલ સ્કિન દૂર થાય છે અને ચહેરા પર નેચરલ ગ્લો આવે છે. ખાસ કરીને જે લોકો ત્વચાની રંગતથી પરેશાન છે, તેઓ માટે આ જેલ ખૂબ જ લાભદાયક છે.
દાગ-ધબ્બા અને ખીલ થી મુક્તિ
એલોવેરા જેલમાં રહેલા ઔષધીય ગુણો દાગ-ધબ્બા અને ખીલ ની સમસ્યાને દૂર કરવામાં મદદ કરે છે. તે ત્વચાની ટેનિંગ દૂર કરે છે અને ચહેરાને સાફ અને સ્વસ્થ બનાવે છે. નિયમિત ઉપયોગથી ત્વચાની સમસ્યાઓમાં નોંધપાત્ર ઘટાડો થાય છે.
આ સમાચાર પણ વાંચો : Ayurvedic Potli: આયુર્વેદિક પોટલીથી વાળની વૃદ્ધિ માં થશે વધારો, જાણો તેને બનાવવાની રીત
ત્વચા માટે છે એક વરદાન
એલોવેરા જેલમાં વિટામિન E, એન્ટિઓક્સિડન્ટ્સ (Antioxidants) અને અન્ય પોષક તત્વો હોય છે જે ત્વચાને હાઈડ્રેટ કરે છે, ફાઇન લાઈન્સ અને કરચલી ને ઘટાડે છે. તે ત્વચાની જલન અને ખંજવાળ જેવી સમસ્યાઓમાં પણ રાહત આપે છે. શ્રેષ્ઠ પરિણામ માટે ફ્રેશ અને કેમિકલ ફ્રી જેલનો ઉપયોગ કરવો જોઈએ.
(Disclaimer : અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
