News Continuous Bureau | Mumbai
Brown Lipstick: 90ના દાયકામાં બ્રાઉન લિપસ્ટિકના શેડ્સ ખૂબ જ પસંદ કરવામાં આવતા હતા, કારણ કે તે બોલ્ડ અને રિચ લુક આપવાનું કામ કરે છે. લિપસ્ટિક માત્ર એક પ્રોડક્ટ નથી, પરંતુ તે તમારા આખા મેકઅપને કમ્પલીટ કરે છે. બ્રાઉન કલરની ખાસિયત તેની નેચરલ બ્યુટીમાં છે. લાઈટ હોય કે ડાર્ક, બ્રાઉનનો દરેક શેડ તમારી સુંદરતામાં ચાર ચાંદ લગાવી શકે છે. જો તમે પણ તમારી મેકઅપ કિટમાં બ્રાઉન શેડ સામેલ કરવા માંગો છો, તો તમારી સ્કિન ટોન (Skin Tone) મુજબ સાચો શેડ પસંદ કરવો અનિવાર્ય છે.લિપસ્ટિકના શેડ્સ તમારા અંડરટોન (Undertone) પર ઘણો આધાર રાખે છે. જો તમારી નસો લીલી દેખાય છે, તો તમે ‘વોર્મ અંડરટોન’ ધરાવો છો અને જો તે વાદળી કે જાંબલી દેખાય છે, તો તમે ‘કૂલ અંડરટોન’ ધરાવો છો. આ બાબતને ધ્યાનમાં રાખીને બ્રાઉન લિપસ્ટિકની પસંદગી કરવી જોઈએ જેથી ચહેરો વધુ ખીલેલો લાગે.
સ્કિન ટોન મુજબના લોકપ્રિય બ્રાઉન શેડ્સ
ટેરાકોટા (Terracotta): આ શેડમાં માટી જેવો કુદરતી રંગ અને સહેજ ઓરેન્જ કે રેડ ટચ હોય છે. જે યુવતીઓની સ્કિન ‘મીડિયમ’ (Medium Skin Tone) છે તેમના માટે આ બેસ્ટ છે.
ટાઉપે (Taupe): આ ગ્રે-ઈશ બ્રાઉન કલર છે. ‘કૂલ અંડરટોન’ વાળી યુવતીઓ માટે આ મોર્ડન લુક આપે છે.
કેરેમલ બ્રાઉન (Caramel Brown): આ શેડમાં ગોલ્ડન ટચ હોય છે. બ્રાઈટ અથવા ફેર સ્કિન ટોન પર આ શેડ ખૂબ જ સુંદર લાગે છે.
મોચા બ્રાઉન (Mocha Brown): આ ડીપ કોફી કલર છે. આ શેડ સાવલી (Dusky) થી લઈને ગોરી સ્કિન પર કોન્ટ્રાસ્ટ લુક આપવા માટે પરફેક્ટ છે.
ચોકલેટ બ્રાઉન (Chocolate Brown): કોકોઆ બીન્સ જેવો આ ડાર્ક શેડ સાવલી સ્કિન ટોન પર કમાલનો લાગે છે અને મખમલી લુક આપે છે.
કેવી રીતે પસંદ કરશો તમારી પરફેક્ટ બ્રાઉન લિપસ્ટિક?
જો તમારી સ્કિન ઘણી વધારે બ્રાઈટ (Fair) છે, તો તમારે ગુલાબી અથવા પીચ અંડરટોનવાળા બ્રાઉન શેડ્સ પસંદ કરવા જોઈએ, જેમ કે ‘રોઝવૂડ બેજ’ અથવા ‘પીચી ન્યૂડ બ્રાઉન’. ખૂબ જ ગોરી સ્કિન વાળી યુવતીઓએ વધુ પડતા ડાર્ક ચોકલેટ કે ગ્રે ટોનથી બચવું જોઈએ, કારણ કે તે ચહેરા પર અજીબ દેખાઈ શકે છે. વોર્મ અંડરટોન માટે કેરેમલ અથવા પીચ-બ્રાઉન શેડ્સ હમેશા સુરક્ષિત પસંદગી છે.
ફિનિશિંગ પણ છે મહત્વનું
હેલ્ધી અને એટ્રેક્ટિવ લુક માટે લિપસ્ટિકના ફોર્મ્યુલા પર ધ્યાન આપો. જો તમને મેટ (Matte) પસંદ હોય, તો ‘ફ્લેટ મેટ’ ના બદલે ‘સોફ્ટ-મેટ’ ફોર્મ્યુલા પસંદ કરો. તેનાથી હોઠ ડ્રાય નથી લાગતા અને લુક ફ્રેશ રહે છે. જો તમારે ગ્લોસી લુક જોઈએ છે, તો ‘સેટિન’ અથવા ‘ક્રીમી’ ફિનિશ પસંદ કરી શકો છો. યોગ્ય શેડ અને ફિનિશિંગ સાથે તમે કોઈપણ પ્રસંગે તમારી નેચરલ બ્યુટીને નિખારી શકો છો.
