News Continuous Bureau | Mumbai
Why Jeans Have Tiny Pocket આજના આધુનિક યુગમાં જીન્સ એ દરેક વ્યક્તિના વોર્ડરોબનો એક અનિવાર્ય ભાગ બની ગયું છે. પછી તે પુરુષ હોય કે મહિલા, દરેક વ્યક્તિ નિયમિતપણે જીન્સ પહેરે છે. પરંતુ શું તમે ક્યારેય ધ્યાન આપ્યું છે કે જીન્સના જમણી બાજુના આગળના પોકેટની ઉપર એક નાનકડું ચોરસ ખિસ્સું પણ હોય છે? મોટાભાગના લોકો તેને ફેશન ડિઝાઇન માને છે અથવા તો તેમાં સિક્કા, બસની ટિકિટ કે માઉથ ફ્રેશનર જેવી નાની વસ્તુઓ રાખે છે. પરંતુ તમને જાણીને નવાઈ લાગશે કે આ નાનકડા ખિસ્સાને ખાસ વૈજ્ઞાનિક અને ઐતિહાસિક કારણોસર બનાવવામાં આવ્યું હતું, જેનો ઈતિહાસ ૧૫૦ વર્ષ કરતાં પણ વધુ જૂનો છે.
Why Jeans Have Tiny Pocket:૧૯મી સદીના મજૂરો અને કાઉબોય માટે લીવાઈસ કંપનીએ કર્યું હતું ખાસ ઇનોવેશન
આ નાનકડા ખિસ્સાનો ઈતિહાસ વર્ષ ૧૮૭૩ સાથે જોડાયેલો છે. જ્યારે દુનિયાની પ્રખ્યાત ડેનિમ બ્રાન્ડ લીવાઈસના સ્થાપક લેવી સ્ટ્રોસ અને જેકોબ ડેવિસે જીન્સની પેટન્ટ કરાવી હતી, ત્યારે તેમણે ખાસ હેતુથી આ ખિસ્સું ઉમેર્યું હતું. ૧૯મી સદીમાં અમેરિકામાં ખાણોમાં કામ કરતા મજૂરો, રેલવે કર્મચારીઓ અને કાઉબોય મોટા પ્રમાણમાં જીન્સ પહેરતા હતા. તે જમાનામાં કાંડા ઘડિયાળ એટલે કે રિસ્ટ વોચ નહોતી, પણ સાંકળવાળી નાની પોકેટ વોચનો ઉપયોગ થતો હતો. મજૂરો કામ કરતી વખતે પોતાની કિંમતી ઘડિયાળ સુરક્ષિત રાખી શકે અને તે નીચે પડીને તૂટી ન જાય તે માટે જીન્સમાં આ ખાસ જગ્યા બનાવવામાં આવી હતી.
Why Jeans Have Tiny Pocket:લીવાઈસના ઓફિશિયલ બ્લોગમાં ‘વોચ પોકેટ’ તરીકે થઈ છે સત્તાવાર પુષ્ટિ
ઘણા લોકો આ નાનકડા સ્લોટને ‘કોઈન પોકેટ’ અથવા ટિકિટ પોકેટ તરીકે ઓળખે છે, પરંતુ લીવાઈસ કંપનીના ઓફિશિયલ બ્લોગ અને ઈતિહાસકારોના જણાવ્યા અનુસાર તેનું અસલી નામ ‘વોચ પોકેટ’ છે. શરૂઆતના સમયમાં જ્યારે ઓવરઓલ્સ જીન્સ બનાવવામાં આવતા, ત્યારે તેમાં માત્ર એક જ પાછળનું ખિસ્સું, બે આગળના ખિસ્સા અને આ એક નાનું વોચ પોકેટ એમ કુલ ચાર ખિસ્સા જ થતા હતા. આજના સમયમાં પોકેટ વોચનો ઉપયોગ સંપૂર્ણપણે બંધ થઈ ગયો હોવા છતાં, કંપનીઓએ જીન્સની ક્લાસિકલ ડિઝાઇન અને તેની વિન્ટેજ ઓળખ જાળવી રાખવા માટે આ ખિસ્સું બનાવવાનું ચાલુ રાખ્યું છે.
Why Jeans Have Tiny Pocket: ખિસ્સાના ખૂણા પર લગાવવામાં આવતી તાંબાની ખીલીઓ પાછળનું પણ છે મોટું કારણ
જીન્સના આ નાનકડા ખિસ્સાની આસપાસ તમે તાંબાના નાના રાઉન્ડ બટન જેવી ખીલીઓ પણ જોઈ હશે, જેને ફેશનની ભાષામાં ‘રિવેટ્સ’ કહેવામાં આવે છે. આ રિવેટ્સ પણ માત્ર શો-પીસ માટે નથી લગાવવામાં આવતા. ભૂતકાળમાં જ્યારે મજૂરો ભારે સાધનો ખિસ્સામાં રાખતા ત્યારે તેના સાંધા અને સિલાઈ ખૂબ જ ઝડપથી ફાટી જતા હતા. આ સમસ્યાના ઉકેલ માટે દરજી જેકોબ ડેવિસે ખિસ્સાના નબળા ખૂણાઓ પર તાંબાના રિવેટ્સ ઠોકવાનો આઈડિયા રજૂ કર્યો હતો. આ નાનકડા ઇનોવેશનને કારણે જીન્સ એટલું મજબૂત બની ગયું કે તે વર્ષો સુધી ફાટતું નહોતું અને આજે પણ તમામ બ્રાન્ડ્સ આ પરંપરાગત ડિઝાઇન ફોલો કરે છે.
👉 આ સમાચાર વાચો:
RBI SGB New Tranche Closed 2026 સોનાના રોકાણકારોને મોટો ઝટકો, સરકારે બમ્પર કમાણી કરાવતી આ ગોલ્ડ સ્કીમ હંમેશા માટે બંધ કરી;
