News Continuous Bureau | Mumbai
કહેવાય છે કે કુદરત (Nature) આપણને જે જોઈએ છે તે આપે છે. દરેક ઋતુ (Season) પ્રમાણે અલગ-અલગ શાકભાજી મળે છે. ખાસ કરીને શિયાળા (winter season) ના દિવસોમાં આવા ઘણા શાકભાજી (Vegetables) હોય છે જે સ્વાસ્થ્ય (Health) માટે ફાયદાકારક હોય છે. શિયાળામાં લોકો મૂળા (radish)ખૂબ જ ટેસ્ટથી ખાય છે. મૂળા સ્વાસ્થ્યવર્ધક શાકભાજીમાંથી એક છે. મૂળામાં ઘણા ઔષધીય ગુણ છુપાયેલા છે. તે બીપી, સુગર અને કેન્સર જેવી અનેક બીમારીઓથી બચાવવામાં ઉપયોગી છે. ચાલો જાણીએ મૂળા ખાવાથી શું ફાયદા થાય છે.
કેન્સરનું જોખમ ઘટાડવું
મૂળામાં કેન્સર વિરોધી ગુણ હોય છે. મૂળા જેવા શાકભાજી ખાવાથી કેન્સરથી બચી શકાય છે. મૂળા જેવા ક્રુસિફેરસ શાકભાજીમાં એવા સંયોજનો હોય છે જે પાણીમાં ભળીને આઇસોથિયોસાઇનેટ્સમાં તૂટી જાય છે. આઇસોથિયોસાયનેટ્સ કેન્સરગ્રસ્ત ગાંઠો અને તેમની વૃદ્ધિને રોકવામાં મદદ કરે છે.
ડાયાબિટીસને નિયંત્રિત કરે છે
મૂળામાં રહેલા ગુણો બ્લડ સુગરને નિયંત્રિત કરે છે. મૂળામાં બાયોએક્ટિવ સંયોજનો હોય છે જે એડિપોનેક્ટીન નામના હોર્મોનને નિયંત્રિત કરે છે, જે ખાંડના સ્તરને નિયંત્રિત કરવા માટે જવાબદાર હોર્મોન છે. આ રીતે મૂળામાં રહેલા પોષક તત્વો ડાયાબિટીસને કંટ્રોલ કરવાનું કામ કરે છે.
હૃદય અને બ્લડ પ્રેશરમાં ફાયદાકારક છે
મૂળા પોટેશિયમનો સારો સ્ત્રોત છે, તે બ્લડ પ્રેશરને નિયંત્રિત કરવાનું કામ કરે છે. પોટેશિયમ હૃદયને યોગ્ય રીતે કામ કરવામાં પણ મદદ કરે છે. મૂળામાં એન્થોકયાનિન હોય છે જે રક્ત પરિભ્રમણ અને બ્લડ પ્રેશરને સુધારવાનું કામ કરે છે.
પાચન સુધારવા ફાયદાકારક છે
મૂળા પાચનમાં સુધારો કરે છે. મૂળામાં દ્રાવ્ય અને અદ્રાવ્ય ફાઇબર હોય છે, જે પાચન માટે ખૂબ ફાયદાકારક છે. ફાઈબર પાચનતંત્રને સ્વસ્થ રાખે છે. મૂળા ખાવાથી અપચો અને કબજિયાત થતું નથી.
(નોંધ: અહીં આપવામાં આવેલી માહિતી ઘરગથ્થુ ઉપચાર પધ્ધતી અને અન્ય માહિતી પર આધારિત છે. તેને અપનાવતા પહેલા, કૃપા કરીને તબીબી સલાહ લો.)
