News Continuous Bureau | Mumbai
Health : આજના ભાગદોડ ભર્યા જીવનમાં સ્વસ્થ ( Health News ) રહેવું એ કોઈ પરીક્ષાથી ઓછું ચિંતા ભર્યું નથી, કારણ કે પ્રદૂષિત હવામાન, કામનો સ્ટ્રેસ, સમયનો અભાવ, કસરતનો અભાવ વગેરેને કારણે અનેક લોકો વિવિધ રોગોથી પીડાતા હોય છે. આપણા શરીરનો દરેક ભાગ આપણા માટે મહત્વપૂર્ણ છે, જો આમાંથી કોઈ પણ અસરગ્રસ્ત થાય છે, તો તમારુ જીવવું મુશ્કેલ બની જાય છે, તેથી તંદુરસ્ત જીવન માટે તંદુરસ્ત જીવનશૈલી ખુબ આવશ્યક છે. લીવર તમારા શરીરમાં એક આવશ્યક અંગ છે, જે તમને ઘણી રીતે તંદુરસ્ત બનવામાં મદદ કરે છે. તે તમારા શરીરમાં અનેક મહત્વપૂર્ણ કાર્યો કરે છે, જેમાં લોહીમાંથી ઝેરી પદાર્થો દૂર કરવા, તેમજ પાચનક્રિયામાં મદદ કરવાનો સમાવેશ થાય છે. જો કે ઝડપથી બદલાતી લાઇફસ્ટાઇલના કારણે આપણું લીવર ખરાબ થવા લાગે છે. આને કહેવાય લીવર ડેમેજ, જેના નિશાન પણ તમારા ચહેરા પર દેખાય છે.
લીવર ( liver ) આપણા શરીરનું સૌથી મહત્વનું અંગ છે. તે તમારા શરીરમાં ઘણા મહત્વપૂર્ણ કાર્યો કરે છે, જે તમને તંદુરસ્ત બનાવવામાં મદદ કરે છે. આરોગ્ય નિષ્ણાતોના જણાવ્યા અનુસાર, લીવર એ પેટમાં એક મોટું અંગ છે જે લોહીને શુદ્ધ કરવા ઉપરાંત ઘણા મહત્વપૂર્ણ શારીરિક કાર્યો કરે છે. તેને ગ્રંથિ માનવામાં આવે છે, જે શરીર માટે જરૂરી રસાયણો ઉત્પન્ન કરે છે. આવી સ્થિતિમાં લિવરને હેલ્ધી રાખવું ખૂબ જરૂરી છે, પરંતુ હાલના સમયમાં ઝડપથી બદલાતી લાઇફસ્ટાઇલ અને જંક ફુડ ખાવાની ખોટી આદતોને કારણે લિવર વધુને વધુ બીમાર થઇ રહ્યું છે એટલે કે લિવરને ( Liver Disease ) નુકસાન થઇ રહ્યું છે.
Health : જ્યારે લીવરને નુકસાન થાય છે, ત્યારે તમારું શરીર આ સંબંધિત ઘણા સંકેતો મોકલે છે…
આ સિવાય કેટલાક રોગો તમારા લીવરને ( Liver Problems ) પણ નુકસાન પહોંચાડી શકે છે. આવી સ્થિતિમાં, સમયસર લીવરના રોગની શોધ કરવી ખુબ જ જરૂરી છે. લીવરને નુકસાન થવાથી ઘણી ગંભીર સમસ્યાઓ થઈ શકે છે. જ્યારે લીવરને નુકસાન થાય છે, ત્યારે તમારું શરીર આ સંબંધિત ઘણા સંકેતો મોકલે છે, જે લીવર સંબંધિત સમસ્યાઓને ઓળખીને જાણી શકાય છે. લીવર ડેમેજ થવાના કેટલાક સંકેતો માત્ર શરીરમાં જ નહીં પરંતુ તમારા ચહેરા પર પણ જોવા મળે છે.
આ સમાચાર પણ વાંચો : Mumbai Local Mega Block: રવિવારે બહાર ફરવા જવાનું આયોજન છે? તો વાંચો આ સમાચાર, રેલવેએ ત્રણેય લાઈન પર રાખ્યો છે મેગા બ્લોક.. કેટલીક લોકલ ટ્રેન થશે રદ્દ
ત્વચા પીળી થવીઃ લીવરના રોગનું સૌથી સ્પષ્ટ અને અગ્રણી લક્ષણ કમળો છે. ત્વચા અને આંખોમાં પીળાશ પડવી. તે લોહીમાં બિલીરૂબિનના સંચયને કારણે થાય છે, જે લીવરને નુકસાન પહોંચાડવાનો સંકેત છે.
લાલ હથેળીઓઃ હથેળીઓમાં લોહીનો પ્રવાહ વધવાને કારણે લીવરના રોગથી ત્વચા લાલ થઈ શકે છે. હાથની હથેળીમાં આ લક્ષણ સૌથી વધુ જોવા મળે છે.
સ્પાઇડર એન્જીઓમાઃ આ નાની રક્તવાહિનીઓ છે, જે કરોળિયાના પગને મળતી આવે છે, જે ત્વચાની સપાટીની નજીક જોવા મળે છે. તેઓ કરોળિયા જેવા દેખાય છે. જો લીવર ડેમેજ થાય તો એન્જીઓમા એટલે કે લાલથી જાંબુડિ રંગના નિશાન તમારી ત્વચા પર દેખાવા માંડે છે.
સોજોઃ લીવરને નુકસાન થવાથી શરીરમાં ખાસ કરીને ચહેરા પર પ્રવાહી જમા થઈ શકે છે. આને કારણે ખાસ કરીને ચહેરા અને આંખના ભાગમાં સોજો આવી શકે છે.
ખીલ અથવા ત્વચાની અન્ય સમસ્યાઓઃ લીવર રોગ શરીરના હોર્મોન બેલેન્સ અને ડિટોક્સિફિકેશન સિસ્ટમમાં દખલ કરી શકે છે, પરિણામે ત્વચાની સમસ્યાઓ જેવી કે ખરજવું અથવા ખીલ થાય છે.
ખંજવાળ આવવી અથવા ત્વચાના રંગમાં ફેરફારઃ લીવરને થતા નુકસાનને કારણે અન્ય ફેરફારો પણ થઈ શકે છે, જેમાં ખંજવાળ, ઉઝરડા અથવા તમારી ત્વચાના રંગમાં સામાન્ય ફેરફારોનો આમાં સમાવેશ થાય છે.
(Note: આ લેખમાં દર્શાવેલ પદ્ધતિઓ અને સૂચનોને અનુસરતા પહેલા, ડૉક્ટર અથવા સંબંધિત નિષ્ણાતની સલાહ લો.)
આ સમાચાર પણ વાંચો : Saturday Remedies : શનિવારે ભૂલથી પણ ન લાવો આ 5 વસ્તુઓ તમારા ઘરમાં; દરેક કામમાં વિઘ્ન આવશે, શનિ થશે નારાજ.. જાણો વિગતે…
