News Continuous Bureau | Mumbai
Ketu Nakshatra Transit 2025: જ્યોતિષ શાસ્ત્ર અનુસાર, 6 જુલાઈ 2025ના રોજ કેતુ પૂર્વાફાલ્ગુની નક્ષત્રમાં પ્રવેશ કરશે. આ નક્ષત્ર પરિવર્તન ત્રણ રાશિઓ — વૃષભ, સિંહ અને તુલા માટે ખૂબ જ શુભ સાબિત થશે. આ સમયગાળા દરમિયાન આ રાશિના જાતકોને જીવનના વિવિધ ક્ષેત્રોમાં સકારાત્મક પરિણામો મળશે.
સિંહ રાશિ: આત્મવિશ્વાસ અને શાંતિનો સમય
સિંહ રાશિના જાતકોને કેતુના નક્ષત્ર પરિવર્તનથી મનની શાંતિ મળશે. નોકરીમાં પ્રમોશન અને આવકમાં વધારો થવાની શક્યતા છે. જમીન, મકાન કે વાહન ખરીદવાની ઈચ્છા પૂર્ણ થઈ શકે છે. આત્મવિશ્વાસમાં વધારો થશે અને જીવનમાં સ્થિરતા આવશે.
તુલા રાશિ: નવા કામની શરૂઆત અને ધર્મમાં રુચિ
તુલા રાશિના જાતકો માટે આ સમયગાળો નવા કામની શરૂઆત માટે અનુકૂળ છે. ધર્મ અને આધ્યાત્મિક પ્રવૃત્તિઓમાં રુચિ વધશે. જીવનસાથી સાથે યાત્રાના યોગ છે. આકસ્મિક ધન લાભની શક્યતા છે અને વ્યવસાયમાં વૃદ્ધિ થશે.
આ સમાચાર પણ વાંચો : Shani Vakri 2025: 13 જુલાઈથી 28 નવેમ્બર સુધી શનિની વક્રી સ્થિતિ, આ ત્રણ રાશિઓને મળશે ધન લાભ
વૃષભ રાશિ: અટકેલા કામો થશે પૂર્ણ
વૃષભ રાશિના જાતકો માટે આ સમયગાળો ભાગ્યશાળી રહેશે. અટકેલા નાણાં પાછા મળી શકે છે. કારકિર્દીમાં બઢતી ના યોગ છે. સ્પર્ધાત્મક પરીક્ષાઓ આપનારાઓને સફળતા મળી શકે છે. દાંપત્ય જીવનમાં સુખદ પળો આવશે અને આર્થિક સ્થિતિ મજબૂત બનશે.
(Disclaimer : અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
