News Continuous Bureau | Mumbai
Shani Dev Puja Vidhi: હિન્દુ ધર્મમાં શનિવારનો દિવસ ભગવાન શનિદેવને સમર્પિત કરવામાં આવ્યો છે. સામાન્ય રીતે લોકો શનિદેવના નામથી ગભરાતા હોય છે, પરંતુ વાસ્તવમાં તેઓ કર્મફળ દાતા છે. તેઓ વ્યક્તિના સારા-નરસા કર્મોના આધારે ન્યાય કરે છે. જોકે, એક પ્રશ્ન હંમેશા થાય છે કે અન્ય દેવી-દેવતાઓની જેમ શનિદેવની મૂર્તિ કે તસ્વીર ઘરમાં કેમ નથી રાખવામાં આવતી? જ્યોતિષશાસ્ત્ર અને પુરાણોમાં આ અંગે ચોક્કસ કારણો આપવામાં આવ્યા છે.
શનિદેવની મૂર્તિ ઘરમાં નહીં રાખવાનું કારણ
પૌરાણિક કથાઓ અનુસાર, શનિદેવને તેમની પત્ની દ્વારા એક શ્રાપ મળ્યો હતો કે તેઓ જેની પણ સામે જોશે, તેનું અશુભ થશે. શનિદેવની દ્રષ્ટિમાં ભારે તીવ્રતા અને નકારાત્મક પ્રભાવ હોવાનું માનવામાં આવે છે. આથી જ ઘરમાં તેમની મૂર્તિ સ્થાપિત કરવામાં આવતી નથી, જેથી તેમની સીધી દ્રષ્ટિ પરિવારના સભ્યો પર ન પડે. મંદિરમાં પણ પૂજા કરતી વખતે શનિદેવની આંખોમાં જોવાને બદલે તેમના ચરણોના દર્શન કરવાની સલાહ આપવામાં આવે છે.
આ સમાચાર પણ વાંચો : Epstein Files: એપસ્ટીન ફાઇલ્સ : 30 લાખ પાનાના દસ્તાવેજોમાં મસ્ક, ટ્રમ્પ અને બિલ ગેટ્સના નામથી ખળભળાટ
મૂર્તિ વગર ઘરે કેવી રીતે કરવી પૂજા?
જો તમે ઘરે શનિદેવની પૂજા કરવા માંગતા હોવ, તો ભગવાન હનુમાનજીની છબી સામે તેમનું સ્મરણ કરી શકાય છે. શનિદેવ હનુમાનજીના ભક્તો પર હંમેશા દયાળુ રહે છે. શનિવારે સાંજે ઘરના મંદિરમાં સરસવના તેલનોદીવો પ્રગટાવવો જોઈએ. આ ઉપરાંત કાળા તલ અને કાળી અડદની દાળ અર્પણ કરવાથી શનિદેવ પ્રસન્ન થાય છે. શનિદેવના મંત્રોનો જાપ પણ માનસિક શાંતિ અને આશીર્વાદ અપાવે છે.
શનિવારે આ બાબતોનું રાખો ખાસ ધ્યાન
શનિદેવને પ્રસન્ન કરવા માટે ગરીબોને કાળા વસ્ત્રો અથવા ભોજનનું દાનકરવું ખૂબ જ શુભ માનવામાં આવે છે. જો કોઈ વ્યક્તિ પર શનિની સાડાસાતી કે ઢૈય્યા ચાલતી હોય, તો તેમણે પીપળાના ઝાડ નીચે તેલનો દીવો કરવો જોઈએ. આ દિવસે લોખંડની વસ્તુઓ કે તેલની ખરીદી કરવાનું ટાળવું જોઈએ. શનિદેવ શિસ્તનાઆગ્રહી છે, તેથી જે લોકો પ્રામાણિકતાથી કાર્ય કરે છે તેમના પર તેમની કૃપા હંમેશા રહે છે.
