Site icon

વાછરડીનો શિકાર કરનાર સિંહને પ્રૌઢે હિંમતભેર લાકડી ફટકારી તગેડી દીધો

વંથલી વિસ્તારમાં અવારનવાર વન્યજીવો આવી ચડતા હોવાના બનાવ વચ્ચે ગઈકાલ બપોરે સિંહે એક વાછરડી તેમજ બકરા પર હુમલો કરી મારણ કરતા ખેડૂતોમાં ફફડાટની લાગણી ફેલાઈ ગઈ છે વાછરડીનો શિકાર કરતાં પ્રૌઢે આ સિંહને હિંમતભેર લાકડી ફટકારી ભગાવી મૂક્યો હતો

farmer Courageously struck the lion who hunted the heifer with a stick

વાછરડીનો શિકાર કરનાર સિંહને પ્રૌઢે હિંમતભેર લાકડી ફટકારી તગેડી દીધો

News Continuous Bureau | Mumbai

વંથલી વિસ્તારમાં અવારનવાર વન્યજીવો આવી ચડતા હોવાના બનાવ વચ્ચે ગઈકાલ બપોરે સિંહે એક વાછરડી તેમજ બકરા પર હુમલો કરી મારણ કરતા ખેડૂતોમાં ફફડાટની લાગણી ફેલાઈ ગઈ છે. વાછરડીનો શિકાર કરતાં પ્રૌઢે આ સિંહને હિંમતભેર લાકડી ફટકારી ભગાવી મૂક્યો હતો.

વંથલી તાલુકાના કણઝા ગામમાં રહેતા સેવાદાસ હરિયાણી ભોગવા વાળા કેડામાં ગાય ભેંસ ચરાવી રહ્યા હતા ત્યારે બપોરે એકાદ વાગ્યે બાવળની ઝાડીમાંથી એક સિંહ ત્યાં ચડી આવ્યો હતો અને અચાનક એક વાછરડી પર તેણે હુમલો કરી તેને મારી નાખી હતી. આથી સેવાદાસે સિંહને લાકડી મારતા તે ત્યાંથી ભાગી અને ત્યાં બાજુમાં બકરા ચરતા હોવાથી ત્યાં ગયો હતો અને ત્યાં એક બકરાનો શિકાર કર્યો હતો. આ દરમિયાન આજુબાજુના વિસ્તારમાંથી લોકો આવી જતા આ સિંહ થોડે દૂર બાવળની ઝાડી પાસે આવેલા એક ખાડામાં લપાઈને બેસી ગયો હતો. ત્યારબાદ ફોરેસ્ટ વિભાગને જાણ કરતા ફોરેસ્ટ વિભાગના આરએફઓ સૂત્રજા ની સુચનાથી બીટગાર્ડ સોંદરવા તેમજ સ્ટાફે કણઝાની સીમમાં જઈ આગળની કાર્યવાહી હાથ ધરી હતી. આ અંગે આરએફઓ સુત્રેજાએ જણાવ્યું હતું કણઝા ગામની આ ઘટનાની જાણ થતા સ્ટાફે પહોંચી કાર્યવાહી હાથ ધરી હતી આ સિંહની ઉંમર આશરે પાંચ થી નવ વર્ષનો છે તેને લોકેટ કરી જંગલ તરફ ખદેડવા તજવીજ હાથ ધરવામાં આવી છે.

Join Our WhatsApp Community

આ સમાચાર પણ વાંચો: Covid – 19, Corona News : કોવિડ-19નો પ્રકોપ વધ્યો, ભારતે ઉઠાવ્યું આ મોટું પગલું

Snowfall: પહાડો પર છવાઈ સફેદ ચાદર! હેમકુંડ સ્થિત લક્ષ્મણ મંદિર નો 1 ફૂટ બરફથી થયો શણગાર, જુઓ શાનદાર નજારો
Weather Alert: આજે ફરી બગડશે હવામાન, ભારે વરસાદ અને તેજ પવનોની આશંકા વચ્ચે આ વિસ્તારોમાં જારી કરાયું એલર્ટ
Pune heavy rain: પુણેમાં ભારે વરસાદ, શાળાઓ બંધ, ખડકવાસલા ડેમમાંથી પાણી છોડવામાં આવ્યું
Monsoon: ગુજરાતમાં મેઘરાજાની વરાળ, ડેમ રહે ભરાયા
Exit mobile version