News Continuous Bureau | Mumbai
કુનો નેશનલ પાર્કમાંથી છેલ્લા પાંચ દિવસથી બહાર નીકળેલા નર ચિતા ઓબાનને આખરે પાર્કમાં પરત લાવવામાં આવ્યો છે. રહેણાંક વિસ્તારમાં ચિત્તા જવાનો ભય હતો, ત્યારબાદ કુનો મેનેજમેન્ટે ડોકટરો અને સાઉથ આફ્રિકાની ટીમની મદદથી તેને પકડીને પાર્કમાં લવાયો. જ્યારે ચિત્તા ઓબાન શિવપુરીના જંગલ તરફ આગળ વધી રહ્યો હતો ત્યારે કુનોના મેનેજમેન્ટે તેને પકડી લીધો હતો. જોકે માદા ચિતા આશા હજુ પણ ઉદ્યાનની બહાર છે, જેના પર વન વિભાગના કર્મચારીઓ નજર રાખી રહ્યા છે.
આ સમાચાર પણ વાંચો: Nigeria Shooting: બંદૂકધારીઓએ નાઈજીરિયામાં જાહેરમાં અંધાધૂંધ ફાયરિંગ કર્યું, આટલા લોકોના થયા મોત..
કુનો નેશનલ પાર્કની મેનેજમેન્ટ ટીમ તરફથી પ્રાપ્ત માહિતી અનુસાર, ચિતા ઓબાનને શાંત કરવા માટે પ્રથમ ઘેરાબંધી કરવામાં આવી. પછી ચિતો એ જ દિશામાં દોડ્યો જ્યાં ટીમ તેને શાંત કરવા ઊભી હતી. પછી ઈન્જેક્શન લઈને ઉભેલી ટીમે તેને ઈન્જેક્શન આપીને બેભાન કર્યો ચિત્તા બેભાન થતાની સાથે જ ડોક્ટરોની ટીમ પહેલા તેની પાસે પહોંચી અને તેની તપાસ કરી, ત્યારબાદ તેની આંખ પર પટ્ટી બાંધીને ટીપાં નાખવામાં આવ્યા. આ સાથે તેમને ઓક્સિજન પણ આપવામાં આવ્યો જેથી તેમને શ્વાસ લેવામાં કોઈ તકલીફ ન પડે.
ઉલ્લેખનીય છે કે, 17 સપ્ટેમ્બરે નામીબિયાથી 8 ચિત્તા લાવવામાં આવ્યા હતા. વડા પ્રધાન નરેન્દ્ર મોદીએ તેમને જંગલમાં છોડ્યા હતા. તાજેતરમાં, દક્ષિણ આફ્રિકાથી 12 ચિત્તાઓનો બીજો બેચ કુનો લાવવામાં આવ્યો હતો.