કારની સામે જંગલી હાથીને જોઈને બ્રાહ્મણો કરવા લાગ્યા મંત્રનો જાપ, આગળ શું થયું? જુઓ આ વીડિયોમાં..

જો તમે પગપાળા, બાઇક કે કારમાં જઈ રહ્યા હોવ અને અચાનક સામેથી હાથી આવી જાય તો તમે શું કરશો? તમે ડરથી ભાગવાનું શરૂ કરી શકો દેશો. પરંતુ જો બ્રાહ્મણો કારમાં બેઠા હોય તો તેમની પ્રતિક્રિયા શું હશે, જરા વિચારો. સોશિયલ મીડિયા પર એવો જ એક વીડિયો વાયરલ થઈ રહ્યો છે. વીડિયો શેર કરતા IPS ઓફિસર રુપિન શર્માએ લખ્યું, ‘જ્યારે કારમાં બેઠેલા બ્રાહ્મણોની સામે જંગલી હાથી આવ્યો.’ વીડિયોમાં જોવા મળી રહ્યું છે કે જ્યારે ડ્રાઈવરે વાહન રોક્યું ત્યારે હાથી લગભગ 200 મીટર દૂર હતો. થોડીવાર રોકાયા બાદ ડ્રાઈવરે ઝડપભેર ભાગવાનો પ્રયાસ કર્યો પરંતુ હાથી તેની સામે આવવા લાગ્યો. મહિલાઓ ગભરાઈ ગઈ પરંતુ કારમાં બેઠેલા કેટલાક બ્રાહ્મણો ગણેશજીની સ્તુતિ કરવા લાગ્યા. આ પછી જે થયું તે તમને આશ્ચર્યચકિત કરશે.

કારમાં મહિલાઓ પણ બેઠી હતી. પાછળ બેઠેલા એક વ્યક્તિએ કદાચ હાથીને આપવા ડ્રાઈવરને કેળા આપ્યા. સ્ત્રીઓનો અવાજ વધવા લાગ્યો. જ્યારે હાથી કારની બરાબર સામે આવ્યો, ત્યારે મહિલાઓએ ‘કૃષ્ણાય વાસુદેવાય…’ ના મંત્ર બોલવા લાગી. જ્યારે હાથી ઝડપથી નજીક આવવા લાગ્યો, ત્યારે કારમાં બેઠેલા બધા બ્રાહ્મણો એક જ મંત્રનો પાઠ કરવા લાગ્યા. ડ્રાઈવર ધીમે ધીમે કારને પાછળ કરી રહ્યો હતો અને હાથી આગળ આવી રહ્યો હતો. કારમાં મંત્રનો અવાજ ગુંજવા લાગ્યો. એ પછી જાણે એક ચમત્કાર થયો. રસ્તો રોકીને ઊભેલો હાથી અચાનક કારની આગળથી દૂર ખસી ગયો અને રસ્તાની જમણી બાજુએ ઉભો રહી ગયો. આ પછી કાર આગળ વધવા લાગી, મહિલાઓ અને બાળકોએ તાળીઓ પાડી. જોકે બહારનું દ્રશ્ય તમને હંફાવી દેશે. 1.38 મિનિટે હાથી તેની સૂંઢ ઉંચી કરતો જોવા મળે છે જાણે કે તે બ્રાહ્મણોનું અભિવાદન કરી રહ્યો હોય.

આ સમાચાર પણ વાંચો : ઉત્તર મુંબઈ ભાજપના આ સાંસદને ‘સંસદ રત્ન એવોર્ડ’થી કરાયા સન્માનિત..