News Continuous Bureau | Mumbai
5G vs 6G ભારતમાં 5G સર્વિસને આવ્યાને 4 વર્ષ થયા છે અને હવે ટેક કંપનીઓની નજર 6G ટેકનોલોજી પર ટકેલી છે. 6G થી સુપરફાસ્ટ સ્પીડ અને એડવાન્સ AI સપોર્ટ મળવાની આશા છે, પરંતુ નિષ્ણાતોના મતે 6G નું આગમન ટેલિકોમ કંપનીઓ માટે માત્ર આર્થિક જ નહીં, પરંતુ ટેકનિકલ પડકારો પણ લાવશે.
5G vs 6G – 5G જેવું સરળ નહીં હોય 6G નું શિફ્ટિંગ
જ્યારે આપણે 4G થી 5G પર ગયા હતા, ત્યારે મોટાભાગનું કામ સોફ્ટવેર અપડેટ દ્વારા થઈ શક્યું હતું. પરંતુ 6G માટે આ શક્ય નથી. નિષ્ણાતોના મતે 6G માટે સંપૂર્ણપણે નવા અને અત્યાધુનિક હાર્ડવેરની જરૂર પડશે. આજે AI એપ્સ અને કનેક્ટેડ ગેજેટ્સના વધતા દબાણને કારણે સિસ્ટમને મૂળભૂત સ્તરેથી અપગ્રેડ કરવી અનિવાર્ય છે.
5G vs 6G – શા માટે 6G બનશે ‘ખિસ્સા પર ભારે’?
નોકિયા અને એરિક્સન જેવી દિગ્ગજ કંપનીઓના મતે, 6G મુખ્યત્વે 7GHz સ્પેક્ટ્રમ બેન્ડ પર કામ કરશે, જે 5G કરતા અત્યંત મોંઘું છે. આ ઉપરાંત, 6G ની હાઈ-ફ્રિકવન્સી રેન્જ દિવાલોને પાર કરવામાં અને વધુ અંતર કાપવામાં સક્ષમ નથી. આ સમસ્યાને ઉકેલવા માટે કંપનીઓએ હજારો એડવાન્સ એન્ટેના અને વધારાના રેડિયો ઇક્વિપમેન્ટ્સ લગાવવા પડશે, જેનાથી ટેલિકોમ સેક્ટર પર રોકાણનો મોટો બોજ પડશે.
5G vs 6G – 5G નું ‘હોમવર્ક’ હજુ બાકી
6G ના સપનાને સાકાર કરવા માટે કંપનીઓએ પહેલા પોતાનું 5G ઇન્ફ્રાસ્ટ્રક્ચર મજબૂત કરવું પડશે. ભારતમાં રિલાયન્સ જિયો ‘સ્ટેન્ડઅલોન’ નેટવર્ક પર શિફ્ટ થઈ ચૂક્યું છે, જ્યારે અન્ય કંપનીઓ હજુ પણ આ પ્રક્રિયામાં છે. વિશ્વની ઘણી કંપનીઓ હજુ પણ જૂના આર્કિટેક્ચર પર નિર્ભર છે, જેમને 6G સુધી પહોંચતા પહેલા મોટા ફેરફારો કરવા પડશે. આમ, 6G ટેકનોલોજી માત્ર સ્પીડ નહીં, પણ ઈન્ફ્રાસ્ટ્રક્ચરના કાયાપલટની પણ માંગ કરે છે.
👉 આ સમાચાર વાચો:
NEET UG 2026 Exam Center Row નાગપુરના વિદ્યાર્થીને અબુ ધાબી કેન્દ્ર મળવાના વિવાદ પર NTA નો ખુલાસો, કહ્યું ફેરફાર વિદ્યાર્થીના લોગિનથી જ થયા હતા
