News Continuous Bureau | Mumbai
Apple Price Hike જો તમે નવો આઇફોન (iPhone) અથવા એપલના અન્ય ગેજેટ્સ ખરીદવાનું વિચારી રહ્યા છો, તો તમારા માટે આ આંચકાજનક સમાચાર છે. એપલના સીઇઓ (CEO) ટિમ કુકે સંકેત આપ્યા છે કે કંપની આગામી સમયમાં પોતાના પ્રોડક્ટ્સની કિંમતોમાં વધારો કરી શકે છે. આર્ટિફિશિયલ ઇન્ટેલિજન્સ (AI) ના કારણે વૈશ્વિક સ્તરે મેમરી અને સ્ટોરેજ ચિપ્સના ભાવ સતત વધી રહ્યા હોવાથી કંપની પર દબાણ વધ્યું છે.
Apple Price Hike – હવે કિંમતોમાં વધારો ટાળવો મુશ્કેલ: ટિમ કુક
ટિમ કુકે ‘ધ વોલ સ્ટ્રીટ જર્નલ’ ને આપેલા એક ઇન્ટરવ્યુમાં જણાવ્યું છે કે, “દુર્ભાગ્યવશ પ્રોડક્ટ્સની કિંમતોમાં વધારો થવાથી બચી શકાય તેમ નથી. અમે સપ્લાયર્સ તરફથી વધી રહેલા ખર્ચને પહોંચી વળવા માટે તમામ પ્રયાસો કરી રહ્યા છીએ. અત્યાર સુધી અમે આ વધારાનો બોજ ગ્રાહકો પર નાખવાનું ટાળ્યું હતું, પરંતુ હવે આ પરિસ્થિતિને લાંબા સમય સુધી સંભાળવી મુશ્કેલ બની ગઈ છે.”
Apple Price Hike – કેમ મોંઘી થઈ રહી છે મેમરી અને સ્ટોરેજ ચિપ્સ?
અહેવાલો અનુસાર, હાલમાં વિશ્વભરમાં એઆઈ (AI) સંબંધિત ડેટા સેન્ટરોની માંગ ખૂબ ઝડપથી વધી રહી છે. આ વધતી માંગના કારણે મેમરી અને સ્ટોરેજ ચિપ્સની અછત સર્જાઈ છે અને ઇલેક્ટ્રોનિક્સ કંપનીઓ વચ્ચે આ ચિપ્સ મેળવવા માટે ભારે સ્પર્ધા ચાલી રહી છે. મર્યાદિત સપ્લાય અને અતિશય માંગને લીધે ચિપ્સના ભાવ આસમાને પહોંચી ગયા છે, જેની સીધી અસર એપલના ઉત્પાદન ખર્ચ પર પડી રહી છે.
Apple Price Hike – સપ્ટેમ્બરમાં ટિમ કુક છોડશે સીઇઓ પદ
કિંમતો ક્યારથી વધશે અને કયા કયા પ્રોડક્ટ્સ મોંઘા થશે, તેની સત્તાવાર સમયરેખા હજુ એપલ દ્વારા જાહેર કરવામાં આવી નથી. આ ઇન્ટરવ્યુ દરમિયાન ટિમ કુકે વધુ એક મોટો ખુલાસો કરતા જણાવ્યું કે, તેઓ આગામી સપ્ટેમ્બર મહિનામાં એપલના સીઇઓ પદની જવાબદારી જોન ટર્નસ (John Ternus) ને સોંપી દેશે. હવે એપલના ગ્રાહકોની નજર એ વાત પર ટકેલી છે કે કંપની કિંમતો વધારવા અંગે ક્યારે સત્તાવાર જાહેરાત કરે છે.
👉 આ સમાચાર વાચો:
Pakistan Hangor Submarine અરબી સમુદ્રમાં તણાવ ૧૯૭૧ પછી પાકિસ્તાને ભારત સામે રમ્યો સૌથી જોખમી દાવ, નેવી એલર્ટ પર!
