News Continuous Bureau | Mumbai
Apple: એપલે વર્ષ 2008માં એપ સ્ટોરની ( App Store ) શરૂઆત કરી હતી. તે સમયથી અત્યાર સુધી કંપની પોતાની સુરક્ષા માટે હંમેશા લેટેસ્ટ ટેક્નોલોજીનો ઉપયોગ કરે છે. આ સુરક્ષાને કારણે કંપનીએ યુઝર્સના 7 બિલિયન યુએસ ડોલર બચાવ્યા છે. જો આપણે તેને ભારતીય રૂપિયામાં કન્વર્ટ કરીએ તો તે અંદાજે રૂ. 584 બિલિયન થાય છે.
Appleએ કહ્યું કે તેણે 2020 અને 2023 વચ્ચે ખતરનાક સાયબર છેતરપિંડીના ( cyber fraud ) વ્યવહારો અટકાવીને અબજો રૂપિયા બચાવ્યા છે. તેમાં એકલા 2023 માં 1.8 બિલિયન યુએસ ડોલર બચાવવાનો દાવો કરવામાં આવ્યો છે. એપલે ચોથા વાર્ષિક ફ્રોડ પ્રિવેન્શન એનાલિસિસમાં ( Fraud Prevention Analysis ) આ માહિતી શેર કરી છે. કંપનીએ તેના રિપોર્ટમાં ઘણી વધુ માહિતી જાહેર કરી છે.
Apple: એપલે 14 મિલિયન ચોરાયેલા ક્રેડિટ કાર્ડ્સને બ્લોક કર્યા છે અને 3.3 મિલિયન એકાઉન્ટ્સ ફ્રીઝ કરી દીધા છે..
કંપનીએ કહ્યું કે તેણે 14 મિલિયન ચોરાયેલા ક્રેડિટ કાર્ડ્સને બ્લોક કર્યા છે અને 3.3 મિલિયન એકાઉન્ટ્સ ફ્રીઝ કરી દીધા છે જે આ કાર્ડ્સનો ઉપયોગ કરી રહ્યા હતા. આ સિવાય કંપનીએ વર્ષ 2023માં 3.5 મિલિયન ચોરાયેલા ક્રેડિટ કાર્ડનો ઉપયોગ કરીને ખરીદી કરી રહેલા ટ્રાન્ઝેક્શન પણ અટકાવી દીધા છે. આ સમયગાળા દરમિયાન, તેણે આવા 1.1 મિલિયન એકાઉન્ટ્સ પર પણ પ્રતિબંધ મૂક્યો છે જે ચોરી કરાયેલ ક્રેડિટ કાર્ડ ( credit card )દ્વારા ખરીદી કરવાનો પ્રયાસ કરી રહ્યા હતા.
આ સમાચાર પણ વાંચો: Multibagger Stock: ચાર વર્ષમાં ₹1 લાખ 40 લાખમાં ફેરવાયા!.. આ દોઢ રૂપિયાના શેરે તેના રોકાણકારોને બનાવ્યા શ્રીમંત, આપ્યુ શાનદાર વળતર
એપલે પોતાના રિપોર્ટમાં કહ્યું છે કે, એપલ સ્ટોરના નિયમોને કારણે યુઝર્સ ( Apple Users ) સાથે છેતરપિંડીની ઘટનાઓ ઘટી રહી છે, કંપનીએ જણાવ્યું કે વર્ષ 2023માં તેણે લગભગ 374 મિલિયન ડેવલપર્સ અને કસ્ટમર એકાઉન્ટને સમાપ્ત કર્યા છે. છેતરપિંડીની સમસ્યાને કારણે લગભગ 91 હજાર ડેવલપર્સની નોંધણી પણ નકારી કાઢવામાં આવી છે. કંપનીએ વર્ષ 2023માં 1 લાખ 18 હજારથી વધુ એકાઉન્ટ્સને બ્લોક કરી દીધા હતા, જેથી તેઓ ફ્રોડ એપ્સ ડેવલપ ન કરી શકે.
