News Continuous Bureau | Mumbai
Google Pay Alert :ગુગલ પે દેશમાં સૌથી લોકપ્રિય UPI પેમેન્ટ ( UPI payment ) એપ છે. આ એપ ભારતમાં સૌથી વધુ ઉપયોગમાં લેવાતી 5 UPI એપમાંથી ( UPI app ) એક છે. જો તમે પણ Google Pay એપનો ઉપયોગ કરો છો તો તમારા માટે આ સમાચાર વાંચવા ખૂબ જ જરૂરી છે. કારણ કે ગૂગલે પોતે જ તેના યુઝર્સ માટે કેટલીક ચેતવણીઓ જારી કરી છે.
Googleનું કહેવું છે કે તે શંકાસ્પદ વ્યવહારોને ઓળખવા માટે શ્રેષ્ઠ આર્ટિફિશિયલ ઇન્ટેલિજન્સ ટેક્નોલોજી અને છેતરપિંડી નિવારણ તકનીકનો ઉપયોગ કરે છે. કંપની ભલે તેનું કામ કરી રહી હોય, પરંતુ યુઝર્સ માટે સાવચેત રહેવું પણ જરૂરી છે. ગૂગલે તેની વેબસાઈટ પર ગૂગલ પે યુઝર્સ માટે કેટલીક મહત્વપૂર્ણ બાબતો કરવાનું કહ્યું છે.
આ બાબતો ધ્યાનમાં રાખો
જો તમે Google Payનો ઉપયોગ કરો છો, તો બધી સ્ક્રીન શેરિંગ ઍપ ( Screen sharing app ) બંધ કરો. ટ્રાન્ઝેકશન ( transaction ) કરતી વખતે ક્યારેય સ્ક્રીન શેરિંગ એપનો ઉપયોગ કરશો નહીં. ગૂગલનું કહેવું છે કે જો તે જરૂરી નથી, તો ગૂગલ પે યુઝર્સે તરત જ ફોનમાંથી આ એપ્સ હટાવી દેવી જોઈએ.
આ સમાચાર પણ વાંચો : New Rules For SIM : SIM કાર્ડના નવા નિયમ! આ તારીખથી થશે લાગૂ, ઉલ્લંઘન કરવા પર થશે 10 લાખ રૂપિયાનો દંડ
સ્ક્રીન શેરિંગ એપ્લિકેશન્સ શું છે?
સ્ક્રીન શેરિંગ એપ્સની મદદથી ફોનની સ્ક્રીન અન્ય લોકો સાથે શેર કરી શકાય છે. મતલબ કે તમારા ફોનની સ્ક્રીન પર શું ચાલી રહ્યું છે તે જાણી શકાય છે. સામાન્ય રીતે, સ્ક્રીન શેરિંગ એપ્લિકેશન્સનો ઉપયોગ ફોન, ટેબ્લેટ અથવા લેપટોપને દૂરસ્થ રીતે ઠીક કરવા માટે કરવામાં આવે છે, પરંતુ નવા ખુલાસાઓમાં દાવો કરવામાં આવ્યો છે કે સ્ક્રીન શેરિંગ એપ્લિકેશન્સની મદદથી ઑનલાઇન છેતરપિંડી કરી શકાય છે. તમને જણાવી દઈએ કે હાલમાં સ્ક્રીન શેર, AnyDesk અને TeamViewer જેવી સ્ક્રીન શેરિંગ એપ્સ ખૂબ જ લોકપ્રિય છે.
