News Continuous Bureau | Mumbai
HTTPS Security Risk eMudhra ભારતની અગ્રણી સર્ટિફાઈંગ ઓથોરિટી eMudhra સાથે જોડાયેલા તાજેતરના સુરક્ષા વિવાદે ડિજિટલ વિશ્વમાં ખળભળાટ મચાવ્યો છે, જેના કારણે બ્રાઉઝર પર દેખાતા ગ્રીન લોક અને HTTPS પ્રોટોકોલની વિશ્વસનીયતા પર ગંભીર સવાલો ઊભા થયા છે.
HTTPS Security Risk eMudhra – ડિજિટલ સર્ટિફિકેટ વિવાદ અને HTTPS નો ભ્રમ
ઈન્ટરનેટ વપરાશકર્તાઓને વર્ષોથી એવી સલાહ આપવામાં આવતી રહી છે કે કોઈપણ વેબસાઇટ પર બેંકિંગ વ્યવહાર કે ઓનલાઇન શોપિંગ કરતી વખતે યુઆરએલ (URL) માં HTTPS અને પેડલોક એટલે કે તાળાનું ચિહ્ન (Padlock Icon) અવશ્ય જોવું. પરંતુ eMudhra સાથે જોડાયેલી સુરક્ષા ક્ષતિ (Security Flaw) ની વિગતો સામે આવ્યા બાદ આ ધારણા ખોટી સાબિત થઈ છે. ડિજિટલ સહી અને સર્ટિફિકેટ આપનારી અધિકૃત એજન્સી દ્વારા જારી કરાયેલા SSL/TLS સર્ટિફિકેટ્સમાં ગંભીર ખામીઓ સર્જાતાં સાયબર ગઠિયાઓ માટે નકલી કે ફિશિંગ પોર્ટલ્સને પણ લીગલ અને વેરિફાઈડ (Verified Website) દર્શાવવું સરળ બન્યું છે. આ બનાવથી કરોડો વપરાશકર્તાઓની ડિજિટલ સુરક્ષા સામે નવું જોખમ ઊભું થયું છે.
HTTPS Security Risk eMudhra – ઓનલાઇન બેંકિંગ અને શોપિંગમાં કેવી રીતે થાય છે છેતરપિંડી
આ ટેકનિકલ ખામીનો સીધો ફાયદો ઉઠાવીને હેકર્સ બેંકો, પેમેન્ટ ગેટવે અને ઈ-કોમર્સ પ્લેટફોર્મ્સની હૂબહૂ ક્લોન એટલે કે સ્પૂફ વેબસાઈટ (Spoofed Websites) તૈયાર કરી રહ્યા છે. જ્યારે કોઈ સામાન્ય ગ્રાહક આવી સાઈટ ઓપન કરે છે ત્યારે બ્રાઉઝર તેને ‘કનેક્શન સિક્યોર’ (Connection Secure) તરીકે દર્શાવે છે. સુરક્ષિત સમજીને યુઝર્સ જ્યારે નેટ બેંકિંગ લોગિન, પાસવર્ડ, ક્રેડિટ કાર્ડ વિગતો કે ઓટીપી (OTP) દાખલ કરે છે, ત્યારે તે સંવેદનશીલ માહિતી સીધી સાયબર અપરાધીઓના સર્વર પર પહોંચી જાય છે. આ ડેટા ચોરી (Data Breach) ના કારણે ગણતરીની મિનિટોમાં ખાતામાંથી પૈસા ઉપડી જવા અને નાણાકીય નુકસાન થવાની ઘટનાઓ વધી શકે છે.
HTTPS Security Risk eMudhra – ઓનલાઇન ફ્રોડથી બચવા માટે જરૂરી સાવચેતીઓ
સાયબર નિષ્ણાતોનું કહેવું છે કે હવે માત્ર HTTPS પ્રોટોકોલ (Hypertext Transfer Protocol Secure) જોઈને સુરક્ષાનો નિર્ણય લઈ શકાય નહીં, કારણ કે તે માત્ર કનેક્શન એન્ક્રિપ્ટેડ છે તે દર્શાવે છે, વેબસાઇટ અસલી છે કે નકલી તેની ગેરંટી આપતું નથી. વપરાશકર્તાઓએ કોઈપણ શંકાસ્પદ લિંક પર ક્લિક કરવાનું ટાળવું જોઈએ અને હંમેશાં ઓફિશિયલ યુઆરએલ જાતે ટાઈપ કરીને જ સાઈટ ખોલવી જોઈએ. આ ઉપરાંત પોતાના એકાઉન્ટ્સમાં ટુ-ફેક્ટર ઓથેન્ટિકેશન (Two-Factor Authentication – 2FA) સક્રિય રાખવું અને બેંકિંગ વ્યવહારો માટે સત્તાવાર મોબાઇલ એપ્સનો જ ઉપયોગ કરવો હિતાવહ છે જેથી સાયબર ફ્રોડનો શિકાર બનવાથી બચી શકાય.
👉 આ સમાચાર વાચો:
Har Ki Pauri Dry ગંગા મૈયાના નામે આ કેવો અનાદર? હર કી પૌડી સુકાતાં જ સામે આવ્યું શરમજનક સત્ય નદીના પટમાં કચરાના ઢગલા જોઈ ભક્તો પણ સ્તબ્ધ!
