News Continuous Bureau | Mumbai
Meta vs Twitter : સોશિયલ મીડિયા પ્લેટફોર્મ ટ્વિટરની જેમ હવે ફેસબુકે પણ પેઇડ વેરિફિકેશન સર્વિસની જાહેરાત કરી છે. યુઝર્સેએ વેરિફાઈડ એકાઉન્ટ એટલે કે ફેસબુક અને ઈન્સ્ટાગ્રામ પર બ્લુ ટિક માટે પણ પેમેન્ટ કરવું પડશે. વેબ માટે તેની કિંમત $11.99 અને iOS માટે $14.99 નક્કી કરવામાં આવી છે. આ સર્વિસ સૌપ્રથમ ઓસ્ટ્રેલિયા અને ન્યુઝીલેન્ડમાં શરૂ કરવામાં આવશે. બાદમાં આ સર્વિસ અન્ય દેશોમાં પણ શરૂ થશે. આ સર્વિસ હેઠળ, એકાઉન્ટ વેરિફિકેશન સિવાય, યુઝર્સેને વિઝિબિલિટી અને પહોંચ વધારવા જેવા ફિચર્સ પણ મળશે.
ફેસબુકે આ જાહેરાત ટ્વિટરના નવા માલિક એલોન મસ્ક દ્વારા પેઇડ વેરિફિકેશન સર્વિસને ફરીથી શરૂ કર્યાના બે મહિના પછી કરી હતી. આ સર્વિસ ભારતમાં 8 ફેબ્રુઆરીના રોજ વેબ પર 650 રૂપિયા અને મોબાઇલ ડિવાઇસ પર 900 રૂપિયાની મંથલિ ફી સાથે ઉપલબ્ધ થઈ હતી. અહીં આપણે સમજીશું કે આ બંને પ્લેટફોર્મ પરની વેરિફિકેશન સર્વિસ વચ્ચે શું સમાનતા છે તેમજ તેમની વચ્ચે શું તફાવત છે.
વેરિફાઇડ બેજ
બંને કંપનીઓને એકાઉન્ટ વેરિફિકેશનથી ઘણી આશા છે. તાજેતરના વર્ષોમાં તે વિવાદનો વિષય પણ રહ્યો છે. મેટા વેરિફાઈડ સબ્સ્ક્રાઈબર્સ બ્લુ વેરિફાઈડ બેજ તેમજ ઇમ્પોસ્ટર ખાતા સામે વધારાની સુરક્ષા મેળવી શકશે. આ માટે, યુઝર્સ તેમના એકાઉન્ટને સરકારી ID વડે વેરિફાઈ કરી શકશે. આ ફિચર હાલમાં ફક્ત ઓછામાં ઓછા 18 વર્ષની વયના યુઝર્સે માટે જ ઉપલબ્ધ છે. બિઝનેસ હાલમાં આ બેજ માટે અરજી કરી શકતા નથી.
તમે તમારા ફેસબુક અને ઇન્સ્ટાગ્રામ એકાઉન્ટ બંનેને વેરિફાઇ શકશો. પરંતુ આ બંને માટે તમારે અલગ-અલગ પેમેન્ટ કરવું પડશે. બંને પ્લેટફોર્મ પર તમારું એકાઉન્ટ વેરિફાઇડ માટે તમારે દર મહિને ઓછામાં ઓછા $24 ચૂકવવા પડશે.
આ સમાચાર પણ વાંચો : રિલાયન્સ જિયોનો 240 રૂપિયાનો મજબૂત પ્લાન, 12 મહિના સિમ એક્ટિવ, SMS અને ડેટા પણ ફ્રી
મેટાએ કહ્યું કે જે લોકો પહેલાથી જ ફેસબુક અને ઇન્સ્ટાગ્રામ પર વેરિફાઈડ એકાઉન્ટ ધરાવે છે તેઓ કંઈપણ ચૂકવ્યા વિના આમ કરવાનું ચાલુ રાખી શકે છે. વધુમાં, કંપની ફેસબુક પ્રોફાઇલ્સ અને પેજને વેરિફિકેશન બેજ આપવાનું ચાલુ રાખશે જે જાહેર હિતમાં છે અને વેરિફિકેશન માપદંડને પૂર્ણ કરે છે.
વિઝિબિલિટી અને યુઝર્સની પહોંચ વધશે
સબસ્ક્રિપ્શન સર્વિસમાં બીજી એક ખાસ વાત એ છે કે કંપનીનું કહેવું છે કે આનાથી યુઝર્સની વિઝિબિલિટી અને પહોંચ વધશે. તે એટલા માટે કારણ કે કંપનીએ તેના AI-આધારિત સર્ચ એન્જિન દ્વારા ઓપરેટેડ, યુઝર્સ ફીડ્સ પર અલ્ગોરિધમિક કોન્ટેન્ટ રિકમેન્ડેશન પર વધુ ધ્યાન કેન્દ્રિત કરવાનું શરૂ કર્યું છે. મેટાએ જણાવ્યું હતું કે વધેલી વિજીબ્લીટી અર્થ એ છે કે યુઝર્સેને પ્લેટફોર્મ પર સર્ચ, કોમેન્ટ અને રિકમેન્ડેશન જેવી કેટલીક બાબતોમાં વધુ પ્રાધાન્ય આપવામાં આવશે. કન્ટેન્ટ ક્રિએટર્સ અને સોશિયલ મીડિયા ઇન્ફ્લુએન્શરને આ ફિચરનો બેનિફિટ મળશે. ટ્વિટરે એમ પણ કહ્યું છે કે તે સર્ચમાં ટ્વિટર બ્લુ સબ્સ્ક્રાઇબર્સની ટ્વીટ્સને પ્રાયોરિટી આપશે. વધુમાં, તેઓ જવાબો અને ઉલ્લેખો સહિત પ્લેટફોર્મ પર વાતચીતમાં ભાગ લઈ શકે છે.
ડાયરેક્ટ કસ્ટમર સપોર્ટ
કંપનીએ કહ્યું કે મેટા વેરિફાઈડ સબસ્ક્રાઈબર્સને કસ્ટમર સપોર્ટનો સીધું એક્સેસ મળશે. કંપનીએ કહ્યું કે એકાઉન્ટ સંબંધિત સામાન્ય સમસ્યાઓ માટે યુઝર્સે વાસ્તવિક વ્યક્તિનો સંપર્ક કરી શકશે. બીજી તરફ, ટ્વિટર સબ્સ્ક્રાઇબર્સને ફક્ત ટ્વિટર બ્લુ સબ્સ્ક્રાઇબર્સને જ સબ્સ્ક્રિપ્શન અથવા ફિચર્સ સંબંધિત સમસ્યાઓ માટે સમર્પિત સમર્થન મળશે. સબ્સ્ક્રાઇબર્સને એકાઉન્ટ સંબંધિત સમસ્યાઓ માટે ગ્રાહક સપોર્ટ માટે કોઈ પ્રાથમિકતા પ્રાપ્ત થશે નહીં. આટલું જ નહીં, ટ્વિટરે કહ્યું છે કે માત્ર બ્લુ સબસ્ક્રાઇબર્સ જ SMS આધારિત ટુ ફેક્ટર ઓથેન્ટિકેશનનો ઉપયોગ કરી શકશે.
આ સમાચાર પણ વાંચો : માર્ચમાં પીએમનો ગુજરાત પ્રવાસ, જી-20 બેઠકમાં હાજરી આપશે, ભારત-ઓસ્ટ્રેલિયાની મેચ નિહાળશે
પ્લેટફોર્મ પર જાહેરાત
મેટાએ સબ્સ્ક્રિપ્શન ધરાવતા લોકોને બતાવવામાં આવતી જાહેરાતોની સંખ્યા ઘટાડવા વિશે કશું કહ્યું નથી. આનો અર્થ એ છે કે યુઝર્સને જાહેરાતમાં કોઈ ડિસ્કાઉન્ટ નહીં મળે. બીજી તરફ ટ્વિટરે કહ્યું છે કે બ્લુ સબસ્ક્રાઈબર્સને તેમની હોમ ટાઈમલાઈન પર 50% ઓછી જાહેરાતો જોવા મળશે.
