News Continuous Bureau | Mumbai
નવા વર્ષની શરૂઆત સાથે જ નવા સ્માર્ટફોનની લોન્ચિંગ તારીખ પણ સામે આવી રહી છે. હવે આપણને ઘણી બ્રાન્ડ્સના ફ્લેગશિપ ડિવાઇસ જોવા મળશે. આવી જ એક ફ્લેગશિપ સિરીઝ સેમસંગ ગેલેક્સી S23 છે, જેની ઘણા લોકો રાહ જોઈ રહ્યા છે. તેની લોન્ચિંગ તારીખને લઈને તમામ ચર્ચાઓ ચાલી રહી છે.
દરમિયાન, સીરીઝની ઓફિશિયલ લોન્ચિંગ ડેટ સામે આવી ગઈ છે. સેમસંગની ફ્લેગશિપ સિરીઝ 1 ફેબ્રુઆરીએ લોન્ચ થશે. આ માહિતી સેમસંગ કોલંબિયાની ઓફિશિયલ વેબસાઇટ પર લાઇવ થઈ ગઈ છે.
જો કે વેબસાઇટ પર વધુ માહિતી નથી. ટીઝરમાં ટ્રિપલ રિયર કેમેરા સેટઅપ બતાવવામાં આવ્યું છે. આ સીરીઝમાં પણ ગયા વર્ષની જેમ ત્રણ નવા સ્માર્ટફોન જોવા મળી શકે છે.
સેમસંગનો સૌથી મજબૂત ફોન આવતા મહિને લોન્ચ થશે
Galaxy Unpacked ઇવેન્ટ આવતા મહિનાની પહેલી તારીખે યોજાશે. છેલ્લા કેટલાક સમયથી આ સ્માર્ટફોન સીરીઝ સાથે જોડાયેલી વિગતો સતત લીક થઈ રહી છે. ટીઝરમાં બતાવવામાં આવેલ કેમેરા સેટઅપ.
તાજેતરમાં સેમસંગ ગેલેક્સી એસ23 અને ગેલેક્સી એસ23 અલ્ટ્રાના રેન્ડર જાહેર કરવામાં આવ્યા હતા. આ સ્માર્ટફોન કોટન ફ્લાવર, મિસ્ટલી લીલાક, બોટેનિક ગ્રીન અને ફેન્ટમ બ્લેક કલરમાં મળી શકે છે.
આ સમાચાર પણ વાંચો: ડાયાબિટીસના દર્દીઓએ રોજીંદા જીવનમાં અપનાવો આ 5 આદતો, ઓછી મહેનતે પણ બ્લડ સુગર કંટ્રોલમાં રહેશે
આ હોઇ શકે છે સ્પેશિફિકેશન
જો અહેવાલો પર વિશ્વાસ કરવામાં આવે તો આ સીરીઝમાં 200MP કેમેરા લેન્સ મળી શકે છે. જે સીરીઝના અલ્ટ્રા વેરિઅન્ટમાં આવશે. આ સિવાય S23 Plus અને S23માં 50MP મેઇન લેન્સ મળી શકે છે.
ત્રણેય સ્માર્ટફોનમાં Qualcomm Snapdragon 8 Gen 2 પ્રોસેસર આપવામાં આવી શકે છે. કંપની કેટલાક પ્રદેશોમાં Exynos પ્રોસેસર સાથે હેન્ડસેટ પણ લોન્ચ કરી શકે છે. સિરીઝની ડિઝાઈનમાં વધારે ફેરફાર કરવામાં આવશે નહીં. જો કે સેમસંગે આ ફિચર્સ અને ડિઝાઇન વિશે ઓફિશિયલ રીતે કોઈ માહિતી આપી નથી.
