News Continuous Bureau | Mumbai
WhatsApp Feature WhatsAppએ iPhone યુઝર્સ માટે એક નવું ફીચર જારી કર્યું છે, જેની મદદથી યુઝર્સ એક જ એપ પર મલ્ટીપલ એકાઉન્ટ્સનો ઉપયોગ કરી શકશે. અત્યાર સુધી iPhone પર ડ્યુઅલ સિમ યુઝર્સ એક જ ફોનમાં બે સિમ ચલાવી શકતા ન હતા. તેના માટે તેમને WhatsApp બિઝનેસ એપનો સહારો લેવો પડતો હતો, જે ઘણું જટિલ કામ હતું.
iOS યુઝર્સને મળ્યો લાંબા સમયથી રાહ જોવાતો ઉપાય
WhatsAppએ એક નવું અપડેટ જારી કર્યું છે, જેના પછી iPhone યુઝર્સ એક જ ડિવાઇસમાં મલ્ટીપલ એકાઉન્ટ ચલાવી શકશે. આ અપડેટ iOS માટે જારી કરાયું છે, જે હાલમાં બીટા વર્ઝનમાં છે અને કેટલાક યુઝર્સને ટેસ્ટિંગ માટે આપવામાં આવ્યું છે. આની જાણકારી WhatsAppના આવનારા ફીચરને ટ્રેક કરનારા પ્લેટફોર્મ WAbetainfoએ આપી છે અને આ ફીચરનું નામ મલ્ટી એકાઉન્ટ છે. એન્ડ્રોઇડ યુઝર્સ પાસે આ ફીચર પહેલાથી જ છે.
એકાઉન્ટ સ્વિચિંગ અને સેટિંગ્સ થશે અલગ
WhatsAppએ હવે આ સમસ્યાનું નિરાકરણ લાવતા નવું ફીચર જારી કર્યું છે, જેનું નામ મલ્ટી એકાઉન્ટ છે. જોકે, હજી આ ટેસ્ટિંગમાં છે. આ iPhone યુઝર્સ માટે ટેસ્ટ કરવામાં આવી રહ્યું છે. નવા ફીચર હેઠળ યુઝર્સને એકાઉન્ટ લિસ્ટ મળશે, જેમાં તેઓ પોતાના એકાઉન્ટને એક નંબરથી બીજા નંબર પર સ્વિચ કરી શકશે. આ માટે સેટિંગ્સમાં એક ઓપ્શન અથવા પછી પ્રોફાઇલ આઇકન સાથે બટન આપવામાં આવી શકે છે.
આ સમાચાર પણ વાંચો : Vanahar Mahotsav: આવો અને માણો વનઆહારની મજા: સ્વતંત્ર્યવીર સાવરકર રાષ્ટ્રીય સ્મારકમાં 22 અને 23 નવેમ્બરે યોજાશે ‘વનઆહાર મહોત્સવ’
પહેલા બીજું એકાઉન્ટ કરવું પડશે એડ
જોકે, પહેલા યુઝર્સે સેટિંગ્સની અંદર આપેલા એકાઉન્ટમાં બીજો નંબર એડ કરવો પડશે. એકવાર લોગિન પ્રોસેસ કમ્પ્લીટ થયા પછી યુઝર્સ સરળતાથી બંને એકાઉન્ટ્સ વચ્ચે સ્વિચ કરી શકશે. WAbetainfoએ આવનારા ફીચરની ઇમેજ શેર કરી છે, જેમાં એકાઉન્ટ એડ કરવાની રીત પણ બતાવવામાં આવી છે. અહીં તે નંબરો પણ રજિસ્ટર્ડ કરી શકાય છે, જે આ પહેલા WhatsApp સાથે રજિસ્ટર્ડ નહોતા. WhatsAppમાં આવનારા મલ્ટી એકાઉન્ટ હેઠળ યુઝર્સની પસંદગીનું પણ ધ્યાન રાખવામાં આવશે. દરેક એકાઉન્ટની સેટિંગ્સ અલગ-અલગ હશે.
