News Continuous Bureau | Mumbai
WhatsApp તેના અબજો વપરાશકર્તાઓ માટે પેઈડ સર્વિસ શરૂ કરવાની તૈયારી કરી રહ્યું છે. એન્ડ્રોઇડ ઓથોરિટીના રિપોર્ટ અનુસાર, WhatsApp ના નવા બીટા વર્ઝન 2.26.3.9 માં એડ-ફ્રી સબ્સ્ક્રિપ્શન મોડલના કોડ જોવા મળ્યા છે. આનો અર્થ એ છે કે ભવિષ્યમાં WhatsApp સંપૂર્ણપણે મફત નહીં રહે, ખાસ કરીને તે લોકો માટે જેઓ જાહેરાતો વિના એપ વાપરવા માંગે છે.
સ્ટેટસ જોવા માટે જોવી પડશે જાહેરાતો?
રિપોર્ટ મુજબ, મેટા હવે યુટ્યુબ જેવું મોડલ અપનાવી રહ્યું છે.
એડ-ફ્રી અનુભવ: જો તમારે તમારા કોન્ટેક્ટ્સના સ્ટેટસ કોઈપણ જાહેરાત વગર જોવા હોય, તો તમારે નક્કી કરેલી ફી ચૂકવવી પડશે.
ફ્રી યુઝર્સ: જે લોકો પૈસા નહીં ચૂકવે, તેમણે કોઈનું સ્ટેટસ જોતા પહેલા અથવા જોતી વખતે ટૂંકી વિજ્ઞાપન (Ads) જોવી પડશે. આ ફીચર અત્યારે ટ્રાયલ વર્ઝનમાં છે અને મેટા તેને મોનિટાઈઝ કરવા માટે ગંભીરતાથી કામ કરી રહ્યું છે.
મેટા કેમ લાવી રહ્યું છે આ બદલાવ?
ફેસબુક અને ઇન્સ્ટાગ્રામ પર પહેલેથી જ સબ્સ્ક્રિપ્શન મોડલ ઉપલબ્ધ છે. WhatsApp ના ભારતમાં અંદાજે ૮૦ કરોડ અને વિશ્વભરમાં ૨.૮ અબજ વપરાશકર્તાઓ છે. અત્યાર સુધી WhatsApp બિઝનેસ એપીઆઈ દ્વારા કમાણી કરતું હતું, પરંતુ હવે મેટા સામાન્ય યુઝર્સ પાસેથી પણ રેવન્યુ મેળવવા માંગે છે જેથી એપ ચલાવવાનો ખર્ચ કાઢી શકાય.
આ સમાચાર પણ વાંચો : Gold, Silver Prices Today: ચાંદીના ભાવે તોડ્યા તમામ રેકોર્ડ! એક જ દિવસમાં ₹૨૩,૦૦૦ સુધીનો વધારો; અમદાવાદ-મુંબઈના ઝવેરી બજારમાં ખળભળાટ
શું બધી સેવાઓ પેઈડ થઈ જશે?
હજુ સુધી સત્તાવાર રીતે પુષ્ટિ કરવામાં આવી નથી કે મેસેજિંગ સુવિધા માટે પણ ચાર્જ લાગશે કે નહીં. હાલમાં આ પેઈડ મોડલ માત્ર સ્ટેટસ અને ચેનલ વ્યુઝ માટે હોવાનું જણાય છે. નોંધનીય છે કે ૨૦૦૯માં જ્યારે WhatsApp લોન્ચ થયું હતું ત્યારે પ્રથમ વર્ષ મફત હતું અને ત્યારબાદ વાર્ષિક ચાર્જ લેવાની વાત હતી, પરંતુ બાદમાં તે ફ્રી કરી દેવામાં આવ્યું હતું. હવે વર્ષો પછી ફરીથી સબ્સ્ક્રિપ્શનની વાત સામે આવી છે.
