Site icon News Continuous Bureau | Mumbai

Pav Bhaji Recipe: એકદમ સરળ પદ્ધતિથી બનાવો ટેસ્ટફૂલ બજાર જેવી પાઉં ભાજી, ઝડપથી નોંધી લો રેસિપી

પાઉભાજી એક એવી રેસીપી છે જે નાના અને મોટા બધાને તેનો સ્વાદ જીભ પર હોય છે. અહીં એક સરળ રીત સાથે પાઉભાજી બનવતા શીખએ...

Pav Bhaji Recipe

Pav Bhaji Recipe

News Continuous Bureau | Mumbai 

પાઉભાજી એક એવી રેસીપી છે જે નાના અને મોટા બધાને તેનો સ્વાદ જીભ પર હોય છે. અહીં એક સરળ રીત સાથે પાઉભાજી બનવતા શીખએ, આ પાઉભાજીની રેસીપી(Pav Bhaji Recipe) વાંચીને ઘરે જ એક્દમ બહાર જેવીજ ભાજી બનાવી શકો છો. ખરેખર આ રીતે બનાવેલી ભાજી ખૂબ જ ટેસ્ટી બને છે. તો આવો જાણીએ પાઉંભાજીની રેસિપી….

 

Join Our WhatsApp Channel

પાઉભાજી બનાવવા માટે ની સામગ્રી 

  • તાઝા પાવ – ૧ પેકેટ
  • ૧૦૦ ગ્રામ જેટલા કાપેલા કેપ્સીકમ
  • ૧૦૦ ગ્રામ જેટલા કાપેલા ગાજર
  • ૧૦૦ ગ્રામ જેટલું ફ્લાવર
  • ૧૦૦ ગ્રામ જેટલા લીલા વટાણા
  • ૧૫૦ ગ્રામ જેટલા બટેટા
  • ૧૦૦ ગ્રામ જેટલા રીંગણા
  • ૧૫૦ ગ્રામ જેટલી કાપેલી કોબી
  •  માખણ અથવા દેશી ધી- બે મોટી ચમચી
  •  પાઉભાજી મસાલા ૨ નાની ચમચી (ગરમ મસાલો)
  •  મીઠું સ્વાદ અનુસાર

 

ભાજી વઘારવા માટે ની સામગ્રી

  • ૧૦૦ ગ્રામ જેટલી લીલી ડુંગળી
  • ૨૦૦ ગ્રામ જેટલા ટામેટાની કટરમાં કાપી લેવાના
  •  ૧૦૦ ગ્રામ જેટલી આદુ-મરચા-લસણની પેસ્ટ
  •  ૧ નંગ જીણી કાપેલી સુકી ડુંગળી
  •  ફોલેલા લીલા વટાણા તે તમારી પસંદ પ્રમાણે ઓછા વધુ નાખી શકો છો.
  • તમે તમારી પસંદ પ્રમાણે ના શાકભાજી  ઓછા વધુ કરી શકો છો.
  • નોર્મલ આપણે ભાજી બનાવતા હોઈએ તેમાં પહેલા બધા જ શાકભાજીને બાફી લેતા હોઈએ છીએ પરંતુ અહીં આપણે ભાજી એક અલગ રીતે બનાવવાના છીએ.

પાઉભાજી બનાવવાની રીત 

– સૌપ્રથમ ગેસ ઉપર એક કુકર મુકીશું. હવે કુકરમાં આપણે એક ચમચી ઘી ઉમેરીશું. ઘી ગરમ થાય એટલે તેમાં અડધી ચમચી આખું જીરૂ ઉમેરીશું. સાથે ચપટી હિંગ ઉમેરી શું અને હવે તેમાં કાપેલા બધા જ શાકભાજી(vegetables) ઉમેરી તેને બે મિનિટ સાંતળી લઈશું.બે મિનીટ તળાઈ જાય એટલે તેમાં થોડો ગરમ મસાલા પાવડર અડધી ચમચી મીઠું નાખી સારી રીતે મિક્સ કરી લેવાનું.હવે તેમાં એક ગ્લાસ જેટલું જ પાણી નાંખી મિક્સ કરી ઢાંકણ બંધ કરી ને ૩-૪ વિસલ કરી લેવાના આપણે વધારે પાણી નથી નાખવાનું શાકભાજી ને આપણે વરાળથી જ બાફવા ની છે.

 

– નોર્મલ ભાજીમાં આપણે બાફવામાં વધારે પાણી નાખતા હોઈએ છીએ જેથી કરીને શાકભાજી માં પાણી ચડી જાય છે અને ભાજી નો ટેસ્ટ પણ બરાબર બેસતો નથી આથી પાણી અહીં આપણે સાવ ઓછુ જ નાખવાનું છે. હવે શાકભાજી બફાઈ ત્યાં સુધીમાં આપણે ભાજી વઘારવાની સામગ્રી તૈયાર કરી લેવાની. કૂકરમાં ત્રણ થી ચાર વિસ્તાર થઈ જાય અને કુકરમાંથી પ્રેશર એની જાતે જ નીકળી જાય પછી કુકર નું ઢાંકણ ખોલી  લેવાનું અને ભાજી(Bhaji) ચેપવા નું જે મોલ્ડ આવે તેના મદદથી બાફેલા શાકભાજીને સરસ રીતે મેશ કરી લેવાના.

 

– સરસ રીતે(simple Recipe) મેશ થઈ જાય એટલે ભાજી બનાવવા માટે ગેસ ઉપર એક પેન મૂકવાનું અને તેમાં તમારે જેટલી ભાજી બનાવવાની હોય એટલા પ્રમાણમાં  તેલ ગરમ કરવા મૂકવાનું. ભાજી બનાવવા માટે નોર્મલ શાક કરતાં થોડા વધારે તેલ ની જરૂર પડે છે. હવે તેલ ગરમ થાય એટલે તેમાં ચપટી હિંગ ઉમેરવાની અને પછી તેમાં લીલા વટાણા ઉમેરી ઉપર ઢાંકણ ઢાંકી દેવાનું જેથી કરીને વટાણા ઉડીને બહાર ના આવે અને થોડીવાર પછી ઢાંકણ હટાવી દેવાનું અને તેમાં આદુ-મરચા-લસણની પેસ્ટ અને જીણી સમારેલી ડુંગળી ઉમેરી તેને સાંતળી લેવાનું.

 

– થોડું સાંતળી પછી  તેમાં લીલી સમારેલી ડુંગળી ઉમેરી દેવાની અને તેને પણ થોડી સાંતળી લેવાની અને હવે તેમાં ટામેટા ઉમેરી બધું જ સરસ રીતે સાંતળી લેવાનું. તેલ છૂટું પડવા લાગે એટલે તેમાં સ્વાદ પ્રમાણે મીઠું 2 ચમચી લાલ મરચું પાવડર ૧ ચમચી કાશ્મીરી લાલ મરચું પાવડર ૧-૨ ચમચી પાવભાજી મસાલો(pav bhaji masala) તમે વધારે કે ઓછો નાખી શકો છો ૧/૨ ચમચી જેટલો ગરમ મસાલો નાખી સારી રીતે મિક્સ કરી લેવાનું.

 

– હવે તેમાં અડધી ચમચી જેટલી ખાંડ ઉમેરી શું જેથી કરીને જે ભાજી નો ટેસ્ટ છે તે એકદમ સરસ બેલેન્સ થઈ જશે. ભાજી ની કોન્ટીટી પ્રમાણે ખાંડ ઉમેરવાની ભાજી ઓછી હોય તો ચપટી ખાંડ નાખવાની તેનાથી ભાજી નો ટેસ્ટ  સ્વીટ નહીં થાય પરંતુ સરસ બેલેન્સ થઈ જશે. હવે બાફેલા મેશ કરેલા શાકભાજી આપણે ગ્રેવીમાં ઉમેરી દઈએ અને સરસ ગ્રેવી સાથે મિક્સ કરી લઈએ અને હવે ૮ થી ૧૦ મિનિટ ધીમા ગેસ ઉપર ચડવા દઈશું. હવે ૮ થી ૧૦ મિનિટ પછી તૈયાર થયેલી ભાજી ને સર્વિંગ(serving) પ્લેટમાં કાઢી લઈએ.

 

– તો રેડી છે આપણી એકદમ નવી રીતે ટેસ્ટી એવી પાવભાજી(pav bhaji) ની ભાજી રેસિપી.

 

આ સમાચાર પણ વાંચોઃ Birthday Special: આજે તબ્બુનો જન્મદિવસ, દૂધથી સ્નાન કરવાનો નવાબી શોખ રાખે છે અભિનેત્રી
Sugar Free Amla Jam Recipe બજારના કેમિકલવાળા જામ ભૂલી જશો! ઘરે જ બનાવો હેલ્ધી શુગરફ્રી આમળાનો જામ, બાળકો પણ હોંશેહોંશે ખાશે
Winter Soup Recipes શિયાળાની સાંજે બનાવો આ 5 પ્રકારના વેજીટેબલ સૂપ સ્વાદની સાથે મળશે આરોગ્ય
Moongdal Palak Chilla Recipe હેલ્ધી નાસ્તા માટે બેસ્ટ વિકલ્પ પ્રોટીનથી ભરપૂર મૂંગદાળપાલક ચીલા, જાણો ઘરે સરળતાથી બનાવવાની સંપૂર્ણ રીત અને ફાયદા
Matar Malai Recipe ઘરે જ માણો રેસ્ટોરન્ટ જેવો સ્વાદ લીલા વટાણામાંથી બનાવો ક્રીમી મટર મલાઈ, જાણો સરળ રીત..
Exit mobile version