Site icon News Continuous Bureau | Mumbai

Zohrab Mamdani: અમેરિકાની ચૂંટણીમાં ભારતીયોનો દબદબો: ઝોહરાન મમદાની ઉપરાંત આ ભારતીયો એ પણ જીતનો ઝંડો લહેરાવ્યો

ઝોહરાન મમદાનીએ ન્યૂયોર્કના પ્રથમ દક્ષિણ એશિયન મુસ્લિમ મેયર બની ઇતિહાસ રચ્યો; વર્જિનિયામાં ગઝાલા હાશ્મી લેફ્ટનન્ટ ગવર્નર બન્યા અને જેજે સિંહે હાઉસ સીટ જીતી.

Zohrab Mamdani અમેરિકાની ચૂંટણીમાં ભારતીયોનો દબદબો ઝોહરાન મમદાની ઉપરાંત

Zohrab Mamdani અમેરિકાની ચૂંટણીમાં ભારતીયોનો દબદબો ઝોહરાન મમદાની ઉપરાંત

News Continuous Bureau | Mumbai
Zohrab Mamdani અમેરિકાની ચૂંટણીઓમાં ભારતીય મૂળના ઉમેદવારોનો દબદબો જોવા મળ્યો છે. ન્યૂયોર્કના મેયર પદની ચૂંટણીમાં ભારતીય મૂળના મુસ્લિમ ડેમોક્રેટ ઝોહરાન મમદાનીએ ઐતિહાસિક વિજય મેળવ્યો છે. તેઓ અમેરિકાના પ્રથમ દક્ષિણ એશિયન મુસ્લિમ મેયર બન્યા છે. મમદાનીએ પૂર્વ ગવર્નર એન્ડ્રુ કુઓમો અને રિપબ્લિકન કર્ટીસ સ્લીવાને હરાવ્યા છે. આ સાથે જ, ભારતીય મૂળના અન્ય બે ઉમેદવારો, ગઝાલા હાશ્મી અને જેજે સિંહે પણ વર્જિનિયામાં મહત્ત્વપૂર્ણ બેઠકો પર જીત મેળવીને ભારતીય સમુદાયનું ગૌરવ વધાર્યું છે.

ન્યૂયોર્કમાં ઝોહરાન મમદાનીનો ઐતિહાસિક વિજય

ભારતીય મૂળના મુસ્લિમ ડેમોક્રેટ ઝોહરાન મમદાનીએ (34 વર્ષ) ન્યૂયોર્કના મેયર પદ પર ઐતિહાસિક જીત મેળવીને ઇતિહાસ રચ્યો છે. તેમણે અમેરિકાના સૌથી ધનિક શહેરના મેયર પદ પર બેસનારા પ્રથમ દક્ષિણ એશિયન અને મુસ્લિમ વ્યક્તિ બનીને એક નવો રેકોર્ડ બનાવ્યો છે. મમદાનીએ ચૂંટણીમાં 948,202 વોટ (50.6%) મેળવ્યા હતા, જ્યારે તેમના મુખ્ય હરીફ એન્ડ્રુ કુઓમોને 776,547 વોટ (41.3%) મળ્યા હતા. કુઓમો એક સ્વતંત્ર ઉમેદવાર તરીકે લડ્યા હતા અને ચૂંટણીના એક દિવસ પહેલા તેમને પૂર્વ રાષ્ટ્રપતિ ટ્રમ્પનો ટેકો પણ મળ્યો હતો, તેમ છતાં મમદાનીની જીત સરળ રહી. ન્યૂયોર્ક સિટી ચૂંટણી બોર્ડના જણાવ્યા અનુસાર, 1969 પછી પહેલીવાર આ ચૂંટણીમાં બે મિલિયન (20 લાખ)થી વધુ વોટ પડ્યા હતા.

Join Our WhatsApp Channel

વર્જિનિયામાં ગઝાલા હાશ્મીની મોટી સફળતા

ન્યૂયોર્ક ઉપરાંત, વર્જિનિયામાં પણ ભારતીય મૂળના ઉમેદવારોનો વિજય જોવા મળ્યો છે. ભારતીય મૂળના ડેમોક્રેટ ગઝાલા હાશ્મીએ રિપબ્લિકન જૉન રીડને હરાવીને વર્જિનિયાના લેફ્ટનન્ટ ગવર્નરનું પદ જીત્યું છે. હાશ્મી વર્જિનિયા સેનેટમાં સેવા આપનારી પ્રથમ મુસ્લિમ અને પ્રથમ દક્ષિણ એશિયન અમેરિકન છે, જેઓ 15મા સેનેટોરિયલ ડિસ્ટ્રિક્ટનું પ્રતિનિધિત્વ કરે છે. ગઝાલા હાશ્મીએ 2019માં રાજકારણમાં પ્રવેશ કર્યો અને રિપબ્લિકન પાર્ટીના કબજાવાળી સ્ટેટ સેનેટની બેઠક જીતી હતી. પાંચ વર્ષ બાદ, 2024માં તેમને સેનેટ શિક્ષણ અને સ્વાસ્થ્ય સમિતિના અધ્યક્ષ તરીકે નિયુક્ત કરવામાં આવ્યા હતા, જે પ્રજનન સ્વતંત્રતા અને જાહેર શિક્ષણ જેવી મહત્ત્વપૂર્ણ નીતિઓ માટે એક મહત્ત્વનું નેતૃત્વ પદ છે.

આ સમાચાર પણ વાંચો : Zohran Mamdani ટ્રમ્પની આશાઓ પર ફર્યું પાણી, ઝોહરાન મમદાનીએ જીતી ન્યૂયોર્કની

 જેજે સિંહે પણ લહેરાવ્યો જીતનો પરચમ

વર્જિનિયામાં ભારતીય મૂળના જેજે સિંહએ પણ હાઉસ ઓફ ડેલિગેટ્સ ડિસ્ટ્રિક્ટ 26માંથી ચૂંટણી લડીને જીત હાંસલ કરી છે. આ જિલ્લો મુખ્યત્વે ઉત્તરીય વર્જિનિયામાં આવેલો છે. જેજે સિંહનો જન્મ ઉત્તરીય વર્જિનિયામાં એક પંજાબી શીખ પરિવારમાં થયો હતો અને તેમનો ઉછેર ફેયરફેક્સ સ્ટેશનમાં થયો હતો. તેમના માતા-પિતા 1970ના દાયકામાં ભારતથી આ વિસ્તારમાં સ્થાયી થયા હતા. તેમના પિતા અમર જીત સિંહનો જન્મ બ્રિટિશ ભારત (હાલના પાકિસ્તાન)ના પંજાબ પ્રાંતના ફૈસલાબાદમાં થયો હતો અને ભારતના ભાગલા પછી તેઓ ભારતના હરિયાણા આવી ગયા હતા. આ જીત અમેરિકામાં ભારતીય-અમેરિકન સમુદાયના વધતા પ્રભાવને દર્શાવે છે.

 

Russian Missile Enters Poland Airspace વિશ્વયુદ્ધના ભણકારા? યુક્રેન પર છોડેલી રશિયાની મિસાઈલ પોલેન્ડ પહોંચી; નાટો દેશોમાં એલર્ટ..
Donald Trump Fall Asleep Xi Jinping Speech શી જિનપિંગના ભાષણ દરમિયાન ટ્રમ્પ ઊંઘી ગયા હોવાનો વીડિયો વાયરલ વ્હાઈટ હાઉસે આપી સ્પષ્ટતા!
S Jaishankar on Japanese Business Leaders ‘ભૂતકાળ ભૂલીને ભારત અંગેની તસવીર અપડેટ કરો’ ટોક્યોમાં જાપાની ઉદ્યોગપતિઓને એસ. જયશંકરની અપીલ!
Pakistan Minister India Visit Congress Slams Modi Govt પાકિસ્તાની મંત્રીના ભારત પ્રવાસ પર રાજકીય ઘમાસાણ કોંગ્રેસે કેન્દ્ર સરકાર પર સાધ્યું નિશાન, કહ્યું ‘ધમકી આપનારને આમંત્રણ આપ્યું’
Exit mobile version