News Continuous Bureau | Mumbai
Donald Trump અમેરિકન રાષ્ટ્રપતિ ડોનાલ્ડ ટ્રમ્પને તેમની ખુશામત અને વખાણ સાંભળવા ખૂબ ગમે છે. તેમની આ ખાસિયતનો ફાયદો ઉઠાવીને તેમની પાસેથી મુશ્કેલ કામ પણ કરાવી શકાય છે. આ વાતનો ખુલાસો એક આંતરરાષ્ટ્રીય ટેલિફોન કોલની વાતચીત લીક થયા બાદ થયો છે.ટેલિફોન પર આ વાતચીત અમેરિકન રાષ્ટ્રપતિ ડોનાલ્ડ ટ્રમ્પના વિશેષ દૂત સ્ટીવ વિટકોફ અને રશિયન રાષ્ટ્રપતિ વ્લાદિમીર પુતિનના વિદેશ નીતિ સલાહકાર યુરી ઉષાકોવ વચ્ચે થઈ હતી.
વાતચીત લીક થતા સનસનાટી
એક આંતરરાષ્ટ્રીય ન્યૂઝ એજન્સી એ ફોન કોલનું ટ્રાન્સક્રિપ્ટ પ્રકાશિત કર્યું છે. આ કોલ વોટ્સએપ પર થયો હતો અને તેની ઓડિયો રેકોર્ડિંગ પ્રાપ્ત થઈ હતી. આ ખુલાસો યુક્રેન યુદ્ધને સમાપ્ત કરવા માટે ચાલી રહેલી શાંતિ વાટાઘાટોની વચ્ચે આવ્યો છે.આ વાતચીતમાં વિટકોફ યુરી ઉષાકોવને જણાવી રહ્યા છે કે ટ્રમ્પ પાસેથી કામ કરાવવા માટે તેમની ખુશામત બહુ કામની છે.
વાત શરૂ થતાં જ ટ્રમ્પની પ્રશંસા કરો
લીક થયેલા આ ટ્રાન્સક્રિપ્ટ મુજબ, યુરી ઉષાકોવે વિટકોફને પૂછ્યું હતું કે શું બંને નેતાઓ (ટ્રમ્પ-પુતિન) વચ્ચે ટેલિફોન કોલ ગોઠવી શકાય છે?ત્યારબાદ વિટકોફે યુરી ઉષાકોવને કહ્યું કે તેઓ રાષ્ટ્રપતિ પુતિનને કહે કે જ્યારે તેઓ ટ્રમ્પ સાથે વાત કરે, ત્યારે તેમના ખુલીને વખાણ કરે અને તેમને ગાઝાના શાંતિ નાયક અને વિશ્વશાંતિના નેતૃત્વકર્તા જાહેર કરે. આ કર્યા પછી જ પુતિન યુક્રેન યુદ્ધના સમાધાનનો રશિયન ફોર્મ્યુલા રજૂ કરે.
વિટકોફે ઉષાકોવને સૂચન આપ્યું: “પુતિન ટ્રમ્પને ગાઝા યુદ્ધવિરામ પર અભિનંદન આપે, કહે કે રશિયાએ તેને સમર્થન આપ્યું હતું, અને ટ્રમ્પને ‘શાંતિનો સાચો વ્યક્તિ’ જણાવે.”
વિટકોફે વધુમાં કહ્યું: “મેં રાષ્ટ્રપતિને કહ્યું કે રશિયન ફેડરેશન હંમેશાથી એક પીસ ડીલ ઇચ્છે છે. મુદ્દો એ છે કે આપણે બે દેશો છીએ જેમને સમજૂતી કરવામાં મુશ્કેલી પડી રહી છે.”
આ સમાચાર પણ વાંચો : S-400 Air Defense: ભારતની આકાશ રક્ષા મજબૂત થશે, રશિયા પાસેથી S-400 અને Su-57 પર મોટો નિર્ણય.
ટ્રમ્પ અને રશિયાની પ્રતિક્રિયા
જ્યારે આ વાતચીત સામે આવી, ત્યારે ટ્રમ્પે તેના પર કોઈ અસહજતા અનુભવી નહોતી. ટ્રમ્પે કહ્યું કે આ તો વાતચીતની ‘સ્ટાન્ડર્ડ રીત’ છે.બીજી તરફ, રશિયાએ કહ્યું કે ડોનાલ્ડ ટ્રમ્પ અને વ્લાદિમીર પુતિનના ટોચના સલાહકારો વચ્ચેના કોલ રેકોર્ડિંગનું લીક થવું એ યુક્રેન શાંતિ વાટાઘાટોને નબળી પાડવાનો એક ખોટો પ્રયાસ છે અને તે હાઇબ્રિડ વોરફેર જેવું છે.
