News Continuous Bureau | Mumbai
US-Iran Tension: અમેરિકી નૌકાદળનું અત્યંત શક્તિશાળી યુદ્ધજહાજ USS અબ્રાહમ લિંકન પશ્ચિમ એશિયા (મિડલ ઈસ્ટ) ના દરિયામાં પહોંચી ગયું છે. આ એક ‘નિમિત્ઝ ક્લાસ’ નું પરમાણુ સંચાલિત એરક્રાફ્ટ કેરિયર છે, જે પોતાની સાથે ડઝનબંધ લડાયક વિમાનો અને વિનાશક મિસાઈલો લઈને ચાલે છે. અમેરિકી સેન્ટ્રલ કમાન્ડ (CENTCOM) એ પુષ્ટિ કરી છે કે આ કેરિયર સ્ટ્રાઈક ગ્રુપને ઈરાનની ગતિવિધિઓ પર નજર રાખવા માટે તૈનાત કરવામાં આવ્યું છે.
ડોનાલ્ડ ટ્રમ્પની ‘મેક્સિમમ પ્રેશર’ વ્યૂહરચના
રાષ્ટ્રપતિ ડોનાલ્ડ ટ્રમ્પે તાજેતરમાં આપેલા નિવેદનોમાં ઈરાન વિરુદ્ધ કડક વલણ અપનાવ્યું છે. અમેરિકી ઈન્ટેલિજન્સ રિપોર્ટ્સ મુજબ, ટ્રમ્પ પ્રશાસન ઈરાનના મુખ્ય સૈન્ય મથકો અને પરમાણુ કેન્દ્રો પર ‘સર્જિકલ સ્ટ્રાઈક’ અથવા મર્યાદિત હવાઈ હુમલાના વિકલ્પ પર વિચાર કરી રહ્યું છે. ટ્રમ્પનું માનવું છે કે ઈરાન પર દબાણ વધારીને જ તેને કાબૂમાં રાખી શકાય છે.
ઈરાનમાં હિંસા અને અમેરિકાની નારાજગી
ઈરાનમાં તાજેતરમાં મોંઘવારી અને સરકાર વિરોધી પ્રદર્શનોને ઈરાની સુરક્ષા દળોએ અત્યંત ક્રૂરતાપૂર્વક દબાવી દીધા છે. અહેવાલો મુજબ, આ દમનમાં ૩૦૦૦ થી વધુ લોકોના મોત થયા છે. ટ્રમ્પે ઈરાનને ચેતવણી આપતા કહ્યું હતું કે, “અમે ઈરાનને ખૂબ નજીકથી જોઈ રહ્યા છીએ. અમારી વિશાળ સેના તેની તરફ વધી રહી છે, અમે ઈચ્છીએ છીએ કે તેનો ઉપયોગ કરવાની જરૂર ન પડે, પણ અમે તૈયાર છીએ.”
આ સમાચાર પણ વાંચો : Mumbai: મુંબઈમાં પ્રજાસત્તાક પર્વની ઉજવણીમાં વિઘ્ન: ઘાટકોપરમાં તિરંગા રેલીમાં જૂથ અથડામણથી ખળભળાટ; જાણો શું હતો સમગ્ર વિવાદ
USS અબ્રાહમ લિંકન: સમુદ્રનું શક્તિશાળી સ્ટેશન
આ યુદ્ધજહાજની સાથે ત્રણ શક્તિશાળી વિનાશક જહાજો (Destroyers) પણ સામેલ છે:
USS ફ્રેન્ક ઈ પીટરસન જુનિયર
USS સ્પ્રાન્સ
USS માઈકલ મર્ફી આ આખો કાફલો એર ડિફેન્સ અને એન્ટી-શિપ મિસાઈલોથી સજ્જ છે, જે ઈરાનના મિસાઈલ હુમલાઓને હવામાં જ તોડી પાડવાની ક્ષમતા ધરાવે છે.
