News Continuous Bureau | Mumbai
અમેરિકાના કોલોરાડોમાં રહેતી કૈયા એરાગોન માત્ર ૯ વર્ષની ઉંમરે જાતે જ એવા સુંદર કપડાં બનાવે છે કે જાેનારા સૌ કોઈ દંગ રહી જાય.ત્રીજા ધોરણમાં ભણતી કૈયાના લાખો ચાહકો છે અને તેના બનાવેલા કપડા મોટી બ્રાન્ડને પણ ટક્કર આપે છે.
કૈયા ત્રીજા ધોરણમાં અભ્યાસ કરે છે અને તે ૪ વર્ષની હતી ત્યારથી જ તેને કપડાં ડિઝાઇન કરવાનો અને સીવવાનો શોખ હતો.અહેવાલ મુજબ, તેની માતાએ તેને એક વર્ષ પહેલા સિલાઈ મશીન અપાવ્યું હતું, ત્યારથી તે પોતાના માટે ડિઝાઈનર ડ્રેસ બનાવી રહી છે.
આ સમાચાર પણ વાંચો : કેન્સર ને માત આપ્યા બાદ ગુજરાત ના સાળંગપુર હનુમાનજીના દર્શનાર્થે આવ્યા બોલિવુડ એક્ટર અને ડિરેક્ટર મહેશ માંજરેકર, સંતોના લીધા આશીર્વાદ; જુઓ ફોટોગ્રાફ્સ
કૈયાને મોટી થઈને ફેશન ડિઝાઈનર બનવું છે અને તે પોતાની ફેશન કંપની પણ બનાવવા માંગે છે. હાલમાં તે પોતાના માટે કપડાં બનાવે છે અને સોશિયલ મીડિયા પર તેના ફોટા શેર કરે છે,લોકો તેની ડિઝાઇનને ખૂબ પસંદ કરે છે.
કૈયાની માતા ટોન્યા કહે છે કે તેની પુત્રીને નાનપણથી જ સ્ટાઇલિશ બનવું પસંદ હતું. નાનપણમાં કૈયા તેના રમકડાં માટે કપડાં બનાવતી હતી. તેનો શોખ જાેઈને જ્યારે તેની માતાએ તેને સિલાઈ મશીન અપાવ્યું ત્યારે કૈયા તેના ડિઝાઈનર ડ્રેસને કારણે સોશિયલ મીડિયા પર સ્ટાર બની ગઈ.
સોશિયલ મીડિયા પર તેના ૫ લાખ ૮૦ હજારથી વધુ ફોલોઅર્સ છે. તેને આઇકોનિક ડિઝાઇનર વેરા વાંગે પણ પસંદ કરી છે અને તેણે તેના માટે ખાસ ગિફ્ટ હેમ્પર પણ મોકલ્યું હતું.
