News Continuous Bureau | Mumbai
How To Clean Ceramic And Porcelain Tiles: ડિસેમ્બર મહિનો આવતાની સાથે જ દરેક વ્યક્તિ ક્રિસમસ અને ન્યૂ યરની રજાઓની રાહ જુએ છે, આ સમયે ઘણા મહેમાનો રજાઓ ગાળવા માટે આપણા ઘરે આવે છે, તેથી ઘરની સફાઈ કરવી ખૂબ જ મહત્વપૂર્ણ છે, નહીં તો ઉજવણી નિરસ લાગે છે. જેના ઘરના ફ્લોર અને દીવાલો પર ટાઇલ્સ લાગેલી હોય છે, તેના પર ઘણીવાર ગંદકી અને પીળાશ પડી જાય છે, જેને દૂર કરવી ખૂબ મુશ્કેલ છે. આવી સ્થિતિમાં આપણે તેને ઘસીને સાફ કરવાનો પ્રયાસ કરીએ છીએ પરંતુ આપણને ઇચ્છિત પરિણામ મળતું નથી.
ટાઈલ્સના ડાઘ કેવી રીતે હટાવવા ?
ગંદકી અને પીળાશ દૂર કરવા માટે ફ્લોર અને દિવાલની ટાઇલ્સને અઠવાડિયામાં ઓછામાં ઓછી 2 વખત સાફ કરવી જરૂરી છે. ફ્લોર પર ગંદકી, બાથરૂમમાં ગંદુ પાણી અને રસોડામાં ગ્રીસ સિરામિક અથવા પોર્સેલિનને બગાડે છે, ચાલો જાણીએ કે તહેવારોની સીઝન પહેલા તેને કેવી રીતે ચમકદાર બનાવી શકાય.
આ સમાચાર પણ વાંચો: કામની વાત / બેંકમાંથી નથી મળી રહી લોન? ઓછું થઈ ગયું છે સિબિલ સ્કોર,નોટ કરી લો વધારવાની સરળ રીત
1. લીંબુની છાલ
લીંબુની છાલનો ઉપયોગ ગંદી ટાઇલ્સમાં નવી ચમક લાવવા માટે થાય છે. તેના માટે લીંબુની ઘણી બધી છાલ લો અને તેમાં થોડું પાણી ઉમેરો અને તેને મિક્સર ગ્રાઇન્ડરમાં પીસી લો, તેની સાથે ટોયલેટ ક્લીનર મિક્સ કરો અને પછી આ પેસ્ટને અફેક્ટેડ એરિયામાં લગાવો. થોડીવાર રાહ જુઓ અને પછી સોફ્ટ ડીશ-વોશિંગ સ્ક્રબથી તેને સાફ કરો. ટાઇલ્સ નવી જેવી થઈ જશે. આ વાતનું ખાસ ધ્યાન રાખજો કે ક્યારેય પણ સ્ટેનલેસ સ્ટીલ સ્ક્રબથી ટાઇલ્સ સાફ કરશો નહીં કારણ કે આ ટાઇલ્સ બગડી જશે.
2. બેકિંગ સોડા અને લીંબુ
બેકિંગ સોડાનો ઉપયોગ મોટાભાગે સફાઈના કામમાં થાય છે, તેની મદદથી તમે ગંદી ટાઈલ્સ સાફ કરી શકો છો. સૌથી પહેલા એક બાઉલમાં બેકિંગનો સોડા લો અને તેમાં લીંબુનો રસ નીચોવો. તેના પછી તેને જૂના ટૂથબ્રશની મદદથી ગંદા ટાઇલ્સ પર લગાવો અને થોડીવાર માટે છોડી દો. તમે જોશો કે ડાઘ નબળા થઈ ગયા હશે, હવે તેને સોફ્ટ સ્ક્રબની મદદથી સાફ કરો. જો તમે ઈચ્છો તો આ પેસ્ટમાં સફેદ વિનેગર પણ મિક્સ કરી શકો છો.
આ સમાચાર પણ વાંચો: નિર્મલા સીતારમણ ગિફ્ટ સિટીને સિંગાપોર અને દુબઈની જેમ નાણાકીય હબ બનાવવા માટે લેશે પગલાં
