ન્યુઝ કન્ટિન્યુઝ બ્યુરો
મુંબઈ, 22 જાન્યુઆરી 2022
શનિવાર
વિશ્વભરમાં કોરોનાના સંક્રમણ વચ્ચે લોકો ઘણા પ્રતિબંધોનો સામનો કરી રહ્યા છે. પરંતુ કેટલાક લોકો હજુ પણ કોરોનાના નિયમોનું યોગ્ય રીતે પાલન નથી કરી રહ્યા. દરમિયાન, યુએસમાં, એક એરક્રાફ્ટ પેસેન્જરની નાની બેદરકારીએ પાઇલટને પ્લેન પરત કરવાની ફરજ પડી હતી.
મીડિયામાં પ્રકાશિત થયેલા હવાલો મુજબ મિયામીથી લંડન તરફ જતી અમેરિકન એરલાઇન્સ જેટલાઇનર અધવચ્ચેથી જ પાછી આવી ગઈ, કારણ કે એક મુસાફરે કોવિડ માસ્ક પહેરવાનો ઇનકાર કર્યો હતો. આ અંગે એરલાઇને જણાવ્યું કે ‘અમેરિકન એરલાઇન્સની ફ્લાઇટ ૩૮ મિયામીથી લંડન સુધીની સેવા એક મુસાફરે માસ્ક પહેરવાની આવશ્યકતાનું પાલન કરવાનો ઇનકાર કર્યો હતો, જેને કારણે આ ફ્લાઈટ અધવચ્ચેથી મિયામી પાછી વાળી લેવામાં આવી હતી.
જ્યારે બોઇંગ ૭૭૭, ૧૨૯ મુસાફરો અને ૧૪ ક્રૂ મેમ્બરને લઈને મિયામીમાં પાછું ઉતર્યું ત્યારે પોલીસ રાહ જોઈ રહી હતી. એક પોલીસ અધિકારીએ જણાવ્યું કે જ્યારે પ્લેન લેન્ડ થયું ત્યારે પોલીસે તે પેસેન્જરને કોઈપણ દલીલ વગર પ્લેનમાંથી ઉતારી લીધો હતો.
અમેરિકન એરલાઇન્સે કહ્યું કે આ ઘટના અંગે વધુ તપાસ બાકી છે, હાલ આ મુસાફરને એરલાઇન સાથે ઉડાન ભરવા પર પ્રતિબંધિત લોકોની યાદીમાં મૂકવામાં આવ્યો છે.
