News Continuous Bureau | Mumbai
મુંબઈ સેન્ટ્રલ-ગાંધીનગર કેપિટલ શતાબ્દી એક્સપ્રેસ(Mumbai Central-Gandhinagar Capital Shatabdi Express)માં વિસ્ટા ડોમ કોચ(vistadome coach) ઉમેરવામાં આવ્યો છે. છેલ્લા એક મહિનામાં મુસાફરોના મળેલા જબરદસ્ત પ્રતિસાદ બાદ પશ્ચિમ રેલવે(Western Railway)એ હવે 17મી મેથી આ ટ્રેનમાં કાયમી ધોરણે બે વિસ્ટા ડોમ કોચ ઉમેરવાનો નિર્ણય કર્યો છે.
પશ્ચિમ રેલવેના મુખ્ય જનસંપર્ક અધિકારી સુમિત ઠાકુરના જણાવ્યા મુજબ ટ્રેન નંબર 12009/10 મુંબઈ સેન્ટ્રલ-ગાંધીનગર કેપિટલ શતાબ્દી એક્સપ્રેસને 17 મેથી બે વિસ્ટા ડોમ કોચ સાથે કાયમી ધોરણે જોડવામાં આવશે. વિસ્ટા ડોમ કોચનું બુકિંગ હવે શતાબ્દી એક્સપ્રેસના(Shatabdi Express) અન્ય કોચ સાથે એકીકૃત કરવામાં આવ્યું છે. ટ્રેનના સમયથી લઈને તમામ વિગતવાર માહિતી સંબંધિત વેબસાઇટ પર મળશે..
આ સમાચાર પણ વાંચો: અહો આશ્ચર્યમ… લગ્ન મંડપમાં બત્તી ગુલ અને દુલ્હનો બદલાઈ ગઈ, ચર્ચાના ચગડોળે ચડેલા આ મામલાની જાણો સચ્ચાઈ
અહીં ઉલ્લેખનીય છે કે વિસ્ટા ડોમ કોચમાં 44 મુસાફરોની બેઠક ક્ષમતા છે, જે મુસાફરોને મુસાફરીનો વધુ સારો અનુભવ પ્રદાન કરે છે. કોચમાં કાચની મોટી બારીઓ, કાચની છત, ફરતી બેઠકો અને ઓબ્ઝર્વેશન લાઉન્જ છે. અહીં બેસીને મુસાફરો બહારના દૃશ્યોનો આનંદ માણી શકે છે.
