News Continuous Bureau | Mumbai
IRCTC Retiring Room: વધતી ઠંડી અને ધુમ્મસના કારણે લાંબા અંતરની ટ્રેનો કલાકો સુધી મોડી દોડી રહી છે. આવી સ્થિતિમાં, જે મુસાફરોએ આ ટ્રેનોની ટિકિટ બુક કરાવી છે તેઓને ભારે મુશ્કેલીનો સામનો કરવો પડી રહ્યો છે. આ મુસાફરો પાસે પ્લેટફોર્મ પર અથવા ‘રેલવે રિટાયરિંગ રૂમ’માં ટ્રેનની રાહ જોવામાં સમય પસાર કરવાનો વિકલ્પ છે. રેલવે દ્વારા આપવામાં આવતી ‘રિટાયરિંગ રૂમ’ (RR)ની સુવિધા વિશે દરેક જણ જાણતા નથી. RR માટે 20 થી 40 રૂપિયા ચૂકવીને, તમે ટ્રેનની અનુકૂળતાપૂર્વક રાહ જોઈ શકો છો.
5 સ્ટાર હોટેલના રૂમ જેવી સુવિધા
રેલવેના રિટાયરિંગ રૂમમાં તમને 5 સ્ટાર હોટલના રૂમમાં ઉપલબ્ધ તમામ સુવિધાઓ મળે છે. જો તમારી પાસે કન્ફર્મ અથવા RAC ટિકિટ છે, તો તમે ‘રિટાયરિંગ રૂમ’ બુક કરી શકો છો. તેના માટે તમારે 48 કલાક માટે માત્ર 40 રૂપિયાનો ચાર્જ ચૂકવવો પડશે. રેલવે સ્ટેશનો પર મુસાફરોની સુવિધાને ધ્યાનમાં રાખીને રિટાયરિંગ રૂમની વ્યવસ્થા કરવામાં આવે છે.
આ સમાચાર પણ વાંચો: આ રહ્યો વડાપ્રધાન નરેન્દ્ર મોદી નો મુંબઈ ખાતેનો કાર્યક્રમ. તમારો ટ્રાવેલિંગનો ટાઈમ આ પ્રમાણે સેટ કરી નાખો.. નહીં તો ટ્રાફિક જામમાં ફસાશો.
મોટા સ્ટેશનો પર રિટાયરિંગ રૂમની વ્યવસ્થા
તેને બુક કરવા માટે, તમારી પાસે કન્ફર્મ અથવા આરએસી ટિકિટ હોવી જરૂરી છે. દિલ્હી, મુંબઈ, ચેન્નાઈ, કોલકાતા અને પૂણે જેવા મુખ્ય સ્ટેશનો પર રિટાયરિંગ રૂમ ઉપલબ્ધ છે. તમે ટિકિટના PNR નંબર દ્વારા રિટાયરિંગ રૂમ બુક કરી શકો છો. રિટાયરિંગ રૂમ એસી અને નોન એસી બંને પ્રકારના હોય છે. આ પેસેન્જરોને ‘ફર્સ્ટ કમ ફર્સ્ટ સર્વ’ ના આધારે આપવામાં આવે છે.
આવી રીતે કરો રિટાયરિંગ રૂમની બુકિંગ
રિટાયરિંગ રૂમ બુક કરવા માટે, તમારી ટિકિટ કન્ફર્મ અથવા આરએસી હોવી આવશ્યક છે. તેના માટે સૌથી પહેલા તમારે રેલવેની વેબસાઇટ https://www.rr.irctctourism.com/#/home પર જવું પડશે. અહીં તમે રિટાયરિંગ ફોર્મના વિકલ્પ પર ક્લિક કરો. તેના પછી, PNR નંબરની મદદથી તમારું બુકિંગ કરો. આપને જણાવી દઈએ કે એક પીએનઆર નંબર પર માત્ર એક જ રૂમ બુક કરી શકાય છે.
ભાડું
PNR નંબરના આધારે IRCTC દ્વારા ફાળવવામાં આવેલા રિટાયરિંગ રૂમ માટે, 24 કલાક માટે 20 રૂપિયા લેવામાં આવે છે. ડોરમેટ્રી માટે તમારે 10 રૂપિયા ચૂકવવા પડશે. જો તમારે 24 કલાકથી વધુ રહેવાનું હોય તો તમારે 48 કલાક માટે 40 રૂપિયા ચૂકવવા પડશે. આ રૂમ વધુમાં વધુ 1 કલાકથી 48 કલાકના સમયગાળા માટે બુક કરી શકાય છે.
