News Continuous Bureau | Mumbai
Train Accident : મુંબઈના મલાડ રેલવે સ્ટેશન પર અકસ્માતમાં એક યુવકનું મોત થયું છે. પ્લેટફોર્મ નંબર 3 પર ઊભેલા 17 વર્ષના છોકરાને એક સ્પીડમાં આવતી લોકલ ટ્રેને ટક્કર મારી હતી. અકસ્માત એટલો ભયાનક હતો કે તેનું ઘટનાસ્થળે જ મોત નીપજ્યું હતું. આ ઘટના ત્યારે બની જ્યારે તે રેલ્વે ટ્રેકની બાજુમાં લંચ બોક્સ ધોઈ રહ્યો હતો. કહેવામાં આવી રહ્યું છે કે આ ઘટના શુક્રવારે બપોરે બની હતી.

અહીં જુઓ કેવી રીતે થયો અકસ્માત-

વીડિયો વાયરલ

આ સમાચાર પણ વાંચો: Tomato Grand Challenge Hackathon: ભાવ વધારા વચ્ચે, સરકારે ટોમેટો ગ્રાન્ડ ચેલેન્જ હેકાથોનની જાહેરાત કરી. વિગતો જુઓ

સોશિયલ મીડિયા પર આ અકસ્માતનો વીડિયો વાયરલ થઇ રહ્યો છે. જેમાં જોઈ શકાય છે કે યુવક પ્લેટફોર્મ પર રેલવે ટ્રેકની બાજુમાં લંચ બોક્સ ધોઈ રહ્યો છે. આ દરમિયાન તેની સાથે અન્ય એક છોકરો પણ ત્યાં હાજર હતો. થોડીક સેકન્ડો પછી, ટ્રેન તેને અથડાઈને આગળ નીકળી ગઈ. અથડાતાંની સાથે જ તે હવામાં ફંગોળાઈ પ્લેટફોર્મ પર પડી જાય છે. ત્યારબાદ પ્લેટફોર્મ પર હાજર અન્ય પ્રવાસીઓ યુવકને હોસ્પિટલમાં લઈ ગયા હતા, જ્યાં ડોક્ટરે તેને મૃત જાહેર કર્યો. મીડિયામાં પ્રકાશિત અહેવાલો મુજબ હાલ બોરીવલી રેલવે પોલીસે અકસ્માતનો કેસ નોંધીને તપાસ હાથ ધરી છે.