News Continuous Bureau | Mumbai
Nilesh Rajgor Patan: આજે આપણે જાણીશું પર્યાવરણ સંરક્ષણ માટે પ્રતિબદ્ધ એક યોદ્ધા વિશે. જેમનું નામ છે શ્રી નિલેશ રાજગોર… સૃષ્ટિ સંરક્ષણ જ જેમના જીવનનું ધ્યેય છે તેવા નિલેશભાઈએ 2015થી વૃક્ષ વાવેતરની લોક ઝુંબેશ શરૂ કરી છે. આઠ લાખથી વધુ વૃક્ષો વાવી ચૂકેલા નિલેશભાઈ એ “વ્યક્તિ-શક્તિ”નું જીવતું જાગતું ઉદાહરણ છે.
Nilesh Rajgor Patan: આઠ લાખથી વધુ વૃક્ષોનું વાવેતર કર્યું
ગ્રીન કમાન્ડો નિલેશ રાજગોર, પાટણ જિલ્લાના કુણઘેર ગામના રહેવાસી છે. પર્યાવરણ સંરક્ષણની લડતના આ પ્રતિબદ્ધ સૈનિકે અત્યાર સુધીમાં તેમના વિસ્તારમાં આઠ લાખથી વધુ વૃક્ષોનું વાવેતર કર્યું છે. 2015થી આ ઝુંબેશ શરૂ નિલેશભાઈ આજે અનેક લોકોનો તે પ્રેરણા-સ્ત્રોત બન્યા છે. નિલેશભાઈના આ પ્રયાસોના પગલે ગ્રીન ફૂટપ્રિન્ટ માં વૃદ્ધિ થઈ છે તેમ જ ટકાઉ વિકાસને વેગ મળ્યો છે. નિલેશભાઈની આ પ્રતિબદ્ધતા દર્શાવે છે તેમનો – પર્યાવરણ- પ્રેમ
Nilesh Rajgor Patan: 3 લાખથી વધુ લોકોને વૃક્ષ-ઉછેર માટેની શપથ લેવડાવી
નિલેશભાઈની આ ઝુંબેશનું મહત્વનું પાસું છે જનભાગીદારી. તેમણે અત્યાર સુધીમાં 3 લાખથી વધુ લોકોને વૃક્ષ-ઉછેર માટેની શપથ લેવડાવી છે.પર્યાવરણ સંરક્ષણના આ ઉત્કૃષ્ટ પ્રદાન નિલેશભાઈ અનેક પુરસ્કારો પણ પ્રાપ્ત કરી ચૂક્યા છે. વર્ષ 2021-22માં તેમને ક્લાયમેટ ચેન્જ એવોર્ડ પણ પ્રાપ્ત થયો હતો.
Nilesh Rajgor Patan: ભાવિ પેઢીમાં પર્યાવરણ પ્રત્યે જાગૃતિ ઉભી કરવી
ભાવિ પેઢીમાં પર્યાવરણ પ્રત્યે જાગૃતિ ઉભી કરવી એ નિલેશભાઈનો ધ્યેય-મંત્ર છે. આ ધ્યેય–મંત્રને સિદ્ધ કરવા માટે તે શાળા કોલેજોમાં સેમિનાર અને વર્કશોપનું આયોજન કરે છે. નિલેશભાઈ પર્યાવરણ સંરક્ષણ માટે વિદ્યાર્થીઓ ઉપરાંત સરકારી અધિકારીઓનો પણ સહયોગ પ્રાપ્ત કરે છે.
આ સમાચાર પણ વાંચો : CM Bhupendra Patel: વિશ્વ પર્યાવરણ દિવસે મુખ્યમંત્રી શ્રી ભૂપેન્દ્ર પટેલે વૃક્ષારોપણ કરીને ‘મિશન થ્રી મિલિયન ટ્રીઝ’ અભિયાનનો પ્રારંભ કરાવ્યો
નિલેશ રાજગોર ની આ પહેલ દ્વારા પાટણ જિલ્લો હરિયાળો બન્યો છે, જેણે આબોહવા પરિવર્તન સામે લડવામાં વૈશ્વિક સ્તરે એક ઉદાહરણ સ્થાપિત કર્યું છે.
