News Continuous Bureau | Mumbai
Pavagadh Parikrama Yatra પંચમહાલ જિલ્લાના પ્રસિદ્ધ યાત્રાધામ પાવાગઢ ખાતે આજથી પાવાગઢ પરિક્રમા યાત્રાનો ભવ્ય પ્રારંભ થયો છે. બે દિવસ સુધી ચાલનારી આ પરંપરાગત યાત્રામાં રાજ્યભરના શ્રદ્ધાળુઓ મોટી સંખ્યામાં જોડાયા છે. પુરાણો અને પંચાંગોમાં ઉલ્લેખિત આ પરિક્રમા યાત્રાને દસ વર્ષ અગાઉ પુનર્જીવિત કરવામાં આવી હતી, ત્યારબાદ દર વર્ષે પદયાત્રીઓની સંખ્યામાં સતત વધારો થતો જોવા મળી રહ્યો છે.
પાવાગઢ પરિક્રમા યાત્રાની બાવીસ કિલોમીટરની પરંપરાગત પરિભ્રમણ યાત્રા
પાવાગઢ ડુંગરની તળેટીમાં આયોજિત આ પરિક્રમા યાત્રા અંદાજે બાવીસ કિલોમીટર લાંબી પરિધિને આવરી લે છે. યાત્રા બે દિવસમાં પૂર્ણ થાય છે અને તેમાં નાના બાળકોથી લઈને વૃદ્ધ શ્રદ્ધાળુઓ સુધી સૌ કોઈ ઉત્સાહપૂર્વક ભાગ લે છે. આ યાત્રા ભક્તો માટે શ્રદ્ધા, સંયમ અને આધ્યાત્મિક અનુભવનું મહત્વપૂર્ણ સાધન બની રહી છે.
પાવાગઢ પરિક્રમા અને મહર્ષિ વિશ્વામિત્રિ સાથે જોડાયેલ ઐતિહાસિક માન્યતા
ધારણા મુજબ પાવાગઢ પરિક્રમાની પ્રથમ યાત્રા મહર્ષિ વિશ્વામિત્રિ દ્વારા કરવામાં આવી હતી. તેનો ઉલ્લેખ પ્રાચીન પુરાણોમાં જોવા મળે છે. આ ઐતિહાસિક માન્યતાને આધારે દસ વર્ષ અગાઉ પરિક્રમા યાત્રાને ફરી શરૂ કરવામાં આવી હતી, જે આજે શ્રદ્ધાળુઓ માટે વિશેષ આસ્થાનું કેન્દ્ર બની છે.
આ સમાચાર પણ વાંચો : Women Empowerment Gujarat: સુશાસનથી સશક્તીકરણ: આત્મનિર્ભરતાના આકાશમાં ઉડતી ગુજરાતની નારીશક્તિ
પાવાગઢ પરિક્રમામાં માનતા પૂર્ણ થવાની આસ્થા સાથે જોડાયેલા શ્રદ્ધાળુઓ
આ વર્ષે યોજાયેલી પાવાગઢ પરિક્રમામાં પાંચ હજારથી વધુ પદયાત્રીઓ નોંધાયા છે. અનેક શ્રદ્ધાળુઓએ પોતાની માનતા પૂર્ણ થતાં આ યાત્રા કરી છે. કેટલાક આરોગ્ય માટે તો કેટલાક પરિવારની સુખ-શાંતિ માટે પરિક્રમા કરીને મા કાલિકાપ્રત્યે પોતાની અખૂટ ભક્તિ વ્યક્ત કરે છે.
