ટોક્યો ઓલમ્પિક માં મીરાબાઈએ સિલ્વર મેડલ જીત્યા બાદ એક ચર્ચાએ જોર પકડ્યું છે કે, મીરાબાઈ ચાનુ નો સિલ્વર મેડલ ગોલ્ડ મેડલમાં પરિવર્તિત થઈ શકે છે.
પ્રાપ્ત જાણકારી મુજબ 49 કિલોગ્રામમાં ચેમ્પિયન બનેલી ચીનની મહિલા વેઇટલિફ્ટરનો ફરીથી ડોપ ટેસ્ટ થશે.
એન્ટી ડોપિંગ અધિકારીઓએ જજિહૂનો ફરીથી ડોપ ટેસ્ટ માટે ટોક્યોમાં જ રહેવાનો આદેશ આપ્યો છે. જોકે તેનો ફરીથી ડોપ ટેસ્ટ ક્યારે થશે તેની કોઈ જાણકારી નથી.
જો ચીની વેઇટલિફ્ટર ડોપ ટેસ્ટમાં ફેલ થશે તો મીરાબાઈ ચાનુને ગોલ્ડ મેડલ મળી શકે છે.
ઉલ્લેખનીય છે કે મીરાચાનૂએ વેટલિફ્ટિંગમાં મહિલામાં 49 કિલોગ્રામ વર્ગમાં સિલ્વર મેડલ જીત્યો હતો.
