News Continuous Bureau | Mumbai
એશિયા કપ 2025નો ખિતાબ ભારતીય ટીમે જીત્યો, તેમ છતાં તેને ટ્રોફી મળી નહીં. ૨૮ સપ્ટેમ્બરના રોજ ભારત-પાકિસ્તાન ફાઇનલ મેચ બાદ પોસ્ટ-મેચ પ્રેઝન્ટેશન શરૂ થવામાં વિલંબ થયો. ટીમ ઈન્ડિયા ટ્રોફી લઈ શકી નહીં, પરંતુ તે પહેલા તિલક વર્માને ૬૯ રનની ઇનિંગ્સ માટે પ્લેયર ઑફ ધ મેચ, તો વળી અભિષેક શર્માને ૩૧૪ રન બનાવવા માટે પ્લેયર ઑફ ધ ટૂર્નામેન્ટ જાહેર કરવામાં આવ્યો. આ સિદ્ધિની સાથે-સાથે તેમને હવાલ એચ9 એસયુવી કાર પણ મળી.
કેટલી છે કારની કિંમત?
Abhishek Sharma અભિષેક શર્માને પ્લેયર ઑફ ધ ટૂર્નામેન્ટ બનવા બદલ હવાલ H9 SUV કાર મળી છે. આ ૭ સીટર કાર તેના શાનદાર લુક્સ, લક્ઝરી ફીચર્સ અને ઑફ-રોડિંગ માટે જાણીતી છે. ભારતમાં હાલમાં આ ગાડી ઉપલબ્ધ નથી, પરંતુ કેટલીક રિપોર્ટ્સ અનુસાર આ જ વર્ષના અંત સુધીમાં તે ભારતમાં લોન્ચ થઈ શકે છે. અભિષેક શર્માને જે હવાલ H9 SUV પુરસ્કાર તરીકે મળી છે, હવાલ સાઉદી અરબ વેબસાઇટ મુજબ ભારતમાં આ લક્ઝરી કારની કિંમત લગભગ ૩૩ લાખ ૬૦ હજાર રૂપિયા છે. આ ગાડી ચીની ઑટોમોબાઇલ કંપની જીડબલ્યુએમ દ્વારા બનાવવામાં આવે છે.
શું છે હવાલ H9 SUVની ખાસિયત?
આ ગાડી લક્ઝરી ફીચર્સથી સજ્જ છે, જેની સીટ આરામદાયક છે. ૧૦ સ્પીકરવાળું સાઉન્ડ સિસ્ટમ અને સામે ૧૪.૬ ઇંચની ટચ સ્ક્રીન ઉપરાંત તેમાં વાયરલેસ ચાર્જિંગની સુવિધા પણ હાજર છે. બ્લાઇન્ડ સ્પોટ માટે સેન્સર લાગેલા છે, ૩૬૦ ડિગ્રી કેમેરા લાગેલો છે અને જો ઈચ્છો તો તેનાથી ઑફ-રોડિંગ પણ કરી શકાય છે.
આ સમાચાર પણ વાંચો; Suryakumar Yadav: દેશનો નેતા પોતે જ ફ્રન્ટ ફૂટ પર રમે છે, PM મોદી ના વખાણ માં સૂર્યકુમાર યાદવ એ કહી આવી વાત
અભિષેક શર્માનું પ્રદર્શન
અભિષેક શર્માની વાત કરીએ તો, તે આખા ટૂર્નામેન્ટમાં સૌથી વધુ રન બનાવનાર બેટ્સમેન રહ્યો. જોકે, ફાઇનલમાં તે માત્ર ૫ રન બનાવીને આઉટ થઈ ગયો હતો. અભિષેકે 2025 એશિયા કપની ૭ મેચોમાં કુલ ૩૧૪ રન બનાવ્યા, જેમાં ૩ અર્ધશતકીય ઇનિંગ્સ શામેલ હતી.
