News Continuous Bureau | Mumbai
T20 વર્લ્ડ કપ 2022(T20 World Cup)માં ચાર સેમી ફાઈનલ (Semi Final) ટીમો નક્કી થઈ ગઈ છે અને હવે નોકઆઉટ મેચોનું શેડ્યૂલ પણ સાફ થઈ ગયું છે. ન્યુઝીલેન્ડ(New zealand) અને ઈંગ્લેન્ડ (England) પહેલા ગ્રુપમાંથી સેમી ફાઈનલમાં પહોંચી ગઈ છે. આ સાથે જ ભારત(India) અને પાકિસ્તાને(Pakisatan) બીજા ગ્રુપમાંથી સેમીફાઈનલમાં જગ્યા બનાવી લીધી છે. બંને ગ્રૂપના પોઈન્ટ ટેબલમાં ટોચની ટીમો બીજા ગ્રૂપમાં બીજા સ્થાને રહેલી ટીમ સામે સેમી ફાઈનલ મેચ રમશે. આ સ્થિતિમાં ભારતનો મુકાબલો ઈંગ્લેન્ડ(India vs England) અને પાકિસ્તાનનો સામનો ન્યુઝીલેન્ડ (Pakistan vs New zealand)સામે થશે.
આ ટૂર્નામેન્ટની પ્રથમ સેમિફાઇનલ મેચ 9 નવેમ્બરે સિડની ક્રિકેટ ગ્રાઉન્ડ(Sydney Cricket Ground) પર રમાશે. આ મેચમાં ન્યૂઝીલેન્ડનો મુકાબલો પાકિસ્તાન સામે થશે. તે જ સમયે, બીજી સેમિફાઇનલ મેચ 10 નવેમ્બરના રોજ એડિલેડ ઓવલ ક્રિકેટ ગ્રાઉન્ડ પર રમાશે. આ મેચમાં ભારતનો સામનો ઈંગ્લેન્ડની ટીમ સાથે થશે. બંને સેમિફાઇનલની વિજેતા ટીમો 13 નવેમ્બરે મેલબોર્ન ક્રિકેટ ગ્રાઉન્ડ ખાતે ફાઇનલ મેચ રમશે.
આ સમાચાર પણ વાંચો: તિરુપતિ મંદિરે જાહેર કરી તેની સંપત્તિની વિગતો- શું સાચે જ તિરુપતિ મંદિરની અધધ આટલા કરોડની સંપત્તિ છે- આંકડો જાણી સૌ ચોક્યા
જો સેમિફાઇનલમાં વરસાદ પડે તો?
બંને સેમિફાઇનલ મેચ માટે રિઝર્વ ડે રાખવામાં આવ્યો છે. આવી સ્થિતિમાં, જો કોઈપણ સેમિફાઇનલ મેચમાં વરસાદ પડે છે, તો બાકીની રમત બીજા દિવસે યોજાશે. પ્રથમ સેમિફાઇનલ પાકિસ્તાન અને ન્યુઝીલેન્ડ વચ્ચે રમાશે. જો 9 નવેમ્બરે યોજાનારી આ મેચમાં વરસાદ પડે તો બાકીની રમત 10 નવેમ્બરે થશે, પરંતુ બંને દાવમાં ઓછામાં ઓછી 10 ઓવર રમવી જરૂરી છે. જો વરસાદના કારણે ઇનિંગ્સમાં 10 ઓવર નહીં રમાય તો ન્યૂઝીલેન્ડની ટીમ ફાઇનલમાં પહોંચી જશે. કારણ કે, ન્યુઝીલેન્ડનો રન રેટ પાકિસ્તાન કરતા સારો છે અને ગ્રુપ સ્ટેજમાં ન્યુઝીલેન્ડનો દેખાવ પાકિસ્તાન કરતા સારો હતો.
જો બીજી સેમીફાઈનલમાં વરસાદ પડે તો પણ બંને દાવમાં ઓછામાં ઓછી 10 ઓવરની રમતની જરૂર પડશે. જો વરસાદના કારણે શક્ય ન બને તો ટીમ ઈન્ડિયા ફાઇનલમાં પહોંચી જશે. કારણ કે, ભારતનો રન રેટ ઈંગ્લેન્ડ કરતા સારો છે અને ટીમ ઈન્ડિયાએ ગ્રુપ સ્ટેજમાં ઈંગ્લેન્ડ કરતા સારૂ પ્રદર્શન કર્યું છે. જો ફાઈનલ મેચમાં વરસાદ પડશે તો બાકીની મેચ રિઝર્વ ડે પર યોજાશે. જો રિઝર્વ ડે પર પણ વરસાદ પડે તો બંને ટીમોને સંયુક્ત વિજેતા જાહેર કરવામાં આવશે.
આ સમાચાર પણ વાંચો: ભેંસ સાથે ડાન્સ કરતા જોવા મળ્યા કોંગ્રેસના આ દિગ્ગજ નેતા- સોશિયલ મીડિયા પર વીડિયો થયો વાયરલ
