ન્યુઝ કન્ટિન્યુઝ બ્યુરો
મુંબઈ, 30 ઑગસ્ટ, 2021
સોમવાર
ટોક્યો પેરાલમ્પિકમાં ભારતના જેવલિન થ્રોઅર્સનું શાનદાર પ્રદર્શન ચાલુ છે.
સુમિત અંતિલે ભારતને આ સ્પર્ધામાં ત્રીજો મેડલ અપાવ્યો છે, તેમણે સોમવારે પુરૂષો (એફ 64 વર્ગ)ના ફાઇનલ મુકાબલામાં ગોલ્ડ મેડલ જીત્યો છે.
સુમિતે 68.55 મીટર દૂર ભાલો ફેકીને ગોલ્ડ મેડલ પોતાના નામે કર્યો છે. સુમિત આંતિલનો આ થ્રો વર્લ્ડ રેકોર્ડ પણ બની ગયો છે. ટોક્યો પેરાલિમ્પિકમાં ભારતનો આ બીજો ગોલ્ડ મેડલ છે.
સુમિત પહેલા અવનિ લખેરાએ શૂટિંગમાં ભારતને ગોલ્ડ અપાવ્યો હતો, તેણે સોમવારે મહિલાઓની આર-2 10 મીટર એર રાઇફલ સ્ટેન્ડિંગ એસએચ 1માં પ્રથમ સ્થાન મેળવીને ગોલ્ડ મેડલ જીત્યો હતો.
આ પહેલા સોમવારે જ દેવેન્દ્ર ઝાઝરિયા અને સુંદર સિંહ ગુર્જરે પણ જેવેલિન થ્રોમાં મેડલ જીત્યો હતો. દેવેન્દ્રને સિલ્વર તો સુંદર સિંહે બ્રોન્ઝ મેડલ પર કબજો કર્યો હતો.
જગત મંદિર દ્વારકામાં આજે 5248મો શ્રીકૃષ્ણ જન્મોત્સવ, હજારોની સંખ્યામાં ઊમટ્યા ભાવિક ભક્તો
