News Continuous Bureau | Mumbai
Virat Kohli Lungi Dance: ભારતીય બેટ્સમેન વિરાટ કોહલી (Virat Kohli) ક્રિકેટના મેદાન પર માત્ર બે જ મૂડમાં જોવા મળે છે, કાં તો તે આક્રમક દેખાય છે અથવા તો મસ્તી કરતા. જોકે, તે ઘણીવાર મેચ વચ્ચે મેદાન પર ડાન્સ (Dance) કરતો જોવા મળે છે. ફેન્સને કોહલીનો મિડલ ગ્રાઉન્ડ પર ડાન્સ ખૂબ જ ગમે છે. હવે આવો જ એક અન્ય વીડિયો (Video) સામે આવ્યો છે, જેમાં તે શાહરૂખ ખાનના ગીત પર ડાન્સ કરવાથી પોતાને રોકી શક્યો નહી અને મેચ દરમિયાન ડાન્સ કરવા લાગ્યો હતો.
મીડિયા રિપોર્ટ મુજબ આ વીડિયો એશિયા કપના સુપર-4માં ભારત અને શ્રીલંકા વચ્ચે રમાયેલી મેચનો છે. વીડિયોમાં જોઈ શકાય છે કે કોહલી ફિલ્ડિંગ પોઝિશન પર જઈ રહ્યો છે, આ દરમિયાન સ્ટેડિયમમાં ‘લુંગી ડાન્સ’ (Lungi Dance) ગીત વાગે છે, જેના પર તે ડાન્સ કરવા લાગે છે. કોહલી (Virat Kohli) નો ડાન્સ જોઈને ભીડમાં બેઠેલા દર્શકો જોર જોરથી બૂમો પાડવા લાગે છે. કોહલીના ડાન્સનો આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.
આ સમાચાર પણ વાંચો : Kerala Nipah Update: કેરળમાં મચ્યો હડકંપ, નિપાહ વાયરસના કેસમાં આંકડો આટલે પાર..જાણો નિપાહ વાયરસ કેવી રીતે ફેલાય છે..
જુઓ વીડિયો
Virat Kohli dancing during “Lungi Dance” song in the stadium.
– The crowd favorite…!!!!!pic.twitter.com/LMPR90YvuJ
— Johns. (@CricCrazyJohns) September 13, 2023
શ્રીલંકા સામે બેટ કામ નહોતું કર્યું
તમને જણાવી દઈએ કે શ્રીલંકા સામે રમાયેલી મેચમાં કોહલીનું બેટ કામ કરી શક્યું ન હતું. તે 12 બોલમાં માત્ર 3 રન બનાવીને આઉટ થયો હતો. તેને 20 વર્ષીય લેફ્ટ આર્મ શ્રીલંકાના સ્પિનર દુનિથ વેલાલાઘે પોતાનો શિકાર બનાવ્યો હતો. કોહલીએ કેચ દ્વારા પોતાની વિકેટ ગુમાવી હતી. વેલ્લાલાઘે માત્ર કોહલીને જ નહીં પરંતુ પાંચ ભારતીય બેટ્સમેનોને પણ પોતાનો શિકાર બનાવ્યા, જેમાં શુભમન ગિલ, ઈશાન કિશન, કેએલ રાહુલ અને કેપ્ટન રોહિત શર્માનો સમાવેશ થાય છે.
કોહલીએ પાકિસ્તાન સામે ફટકારી હતી સદી
ઉલ્લેખનીય છે કે સુપર-4માં પાકિસ્તાન સામે રમાયેલી મેચમાં વિરાટ કોહલીએ શાનદાર સદી ફટકારી હતી. તેણે 94 બોલમાં 122* રન બનાવ્યા. આ દરમિયાન તેના બેટમાંથી 9 ચોગ્ગા અને 4 છગ્ગા આવ્યા હતા. કોહલીની આ આંતરરાષ્ટ્રીય કારકિર્દીની 77મી અને વનડેમાં 47મી સદી હતી.
