News Continuous Bureau | Mumbai
એક સમય હતો જ્યારે કબડ્ડી(Kabaddi) રમત માત્ર શેરીઓમાં જ જોવા મળતી હતી, પરંતુ હવે આંતરરાષ્ટ્રીય સ્તરે(Internationally) પણ કબડ્ડી રમાય છે. આ વખતે ટૂર્નામેન્ટમાં(tournament) દેશભરમાંથી ૧૨ ટીમોએ ભાગ લીધો છે. સામાન્ય રીતે પુરુષો કબડ્ડી રમતા જોવા મળે છે અથવા અનેક જગ્યાએ છોકરીઓ પણ ખૂબ જ જુસ્સાથી કબડ્ડી રમે છે. પરંતુ શું તમે ક્યારેય મહિલાઓને સાડી પહેરીને કબડ્ડી રમતી જાેઈ છે? હા, આવો જ એક વિડીયો સોશિયલ મીડિયા(Social media) પર વાયરલ થઈ રહ્યો છે.
સોશિયલ મીડિયા પર શેર કરવામાં આવેલ આ વિડીયોની ખૂબ જ ચર્ચા થઈ રહી છે. વિડીયોમાં જોવા મળી રહ્યું છે કે, મહિલાઓ(Women) સાડી પહેરીની કબડ્ડી રમી રહી છે. સોશિયલ મીડિયા પર મહિલાઓનો આ વિડીયો ખૂબ જ ટ્રેન્ડ કરી રહ્યો છે. સોશિયલ મીડિયા યૂઝર્સ મહિલાઓના ખૂબ જ વખાણ કરી રહ્યા છે. આ વિડીયો છત્તીસગઢ ઓલિમ્પિકનો (Chhattisgarh Olympics) છે, જેમાં મહિલાઓ સાડી પહેરીને માથે ઓઢીને કબડ્ડી રમી રહી છે.
આ સમાચાર પણ વાંચો : આ ગુજરાતી વ્યક્તિ બની શકે છે BCCIના અધ્યક્ષ-અમીત શાહની આંખોના તારા છે- બીસીસીઆઈ ફરી મળી મહત્વની બેઠક
हम किसी से कम हैं क्या
छत्तीसगढ़िया ओलंपिक में महिला कबड्डी pic.twitter.com/06QyhY4ojp
— Awanish Sharan (@AwanishSharan) October 7, 2022
IAS અધિકારી અવનીશ શરણે(Avnish Sharan) સોશિયલ મીડિયા પ્લેટફોર્મ ટિ્વટર(Twitter) પર આ વિડીયો શેર કર્યો છે. વિડીયો શેર કરીને કેપ્શનમાં લખ્યું છે કે, ‘હમ કિસી સે કમ હૈ ક્યા… છત્તીસગઢ ઓલિમ્પિકમાં મહિલા કબડ્ડી.’ ૫૧ સેકન્ડનો આ વિડીયો અત્યાર સુધીમાં હજારો વખત જોવામાં આવ્યો છે, લોકોને આ વિડીયો ખૂબ જ પસંદ આવી રહ્યો છે. ૧૩ હજારથી વધુ લોકોએ આ વિડીયો લાઈક કર્યો છે.
છત્તીસગઢની પરંપરાગત રમતોને પ્રોત્સાહન આપવા માટે છત્તીસગઢ ઓલિમ્પિકની શરૂઆત કરવામાં આવી છે. આ ઓલિમ્પિકમાં ગિલ્લી ડંડાથી લઈને પિત્તૂલ, લંગડી દોડ, કબડ્ડી, ખો-ખો, રસ્સાકસી અને બાટી (કંચા) સુધીની ૧૪ પ્રકારની પ્રાદેશિક રમતોનો(Regional Games) સમાવેશ કરવામાં આવ્યો છે.
