ન્યુઝ કન્ટિન્યુઝ બ્યુરો
મુંબઈ, 10 નવેમ્બર, 2021
બુધવાર
મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસ અને NCP નેતા નવાબ મલિક વચ્ચે વાકયુદ્ધ ચાલુ છે.
બંને નેતાઓ એકબીજા પર આક્ષેપો કરી રહ્યા છે. દરમિયાન, મહારાષ્ટ્ર કોંગ્રેસના વડા નાના પટોલેએ કહ્યું છે કે રાજ્યની વર્તમાન રાજકીય સ્થિતિ દયનીય બની ગઈ છે અને તેના કારણે રાજ્યની બદનામી થઈ રહી છે.
સાથે જ સીએમ ઉદ્ધવ ઠાકરે પાસે દેવેન્દ્ર ફડણવીસ અને નવાબ મલિકના આરોપોની તપાસ કરાવવાની માંગ કરી છે.
આ ઉપરાંત તેમણે કહ્યું કે રાજ્યના નેતાઓ એકબીજા પર આરોપ લગાવી રહ્યા છે. પૂર્વ સીએમ ફડણવીસ અને મંત્રી નવાબ મલિક દ્વારા એકબીજા પર લગાવવામાં આવેલા આરોપો ગંભીર છે.
ઉલ્લેખનીય છે કે મહારાષ્ટ્રમાં મહાવિકાસ આઘાડીની ગઠબંધન સરકાર સત્તા પર છે. તેમાં કોંગ્રેસ, એનસીપી અને શિવસેના સામેલ છે. કોંગ્રેસ ગઠબંધનનો ભાગ છે, તેથી તેના રાજ્ય પ્રમુખ દ્વારા તપાસની માંગ કરવી મહત્વપૂર્ણ છે.
રેકોર્ડ: મહારાષ્ટ્રમાં અત્યાર સુધીમાં થયું આટલા કરોડ લોકોનું રસીકરણ, દેશનું 2જુ રાજ્ય બન્યું
