News Continuous Bureau | Mumbai
Azam Khan: ઉત્તર પ્રદેશમાં સમાજવાદી પાર્ટીના નેતા અને પૂર્વ કેબિનેટ મંત્રીને મોટો ઝટકો લાગ્યો છે. રામપુરની સાંસદ-ધારાસભ્ય કોર્ટે ડુંગરપુર કેસમાં સાત વર્ષની જેલની સજા સંભળાવી છે. ડુંગરપુરમાં મકાનો તોડવાના કેસમાં પૂર્વ મંત્રી મોહમ્મદ આઝમ ખાનને કલમ 452 હેઠળ સાત વર્ષની જેલની સજા સંભળાવવામાં આવી છે. બાકીના ગુનેગારોને પાંચ-પાંચ વર્ષની સજા ફટકારવામાં આવી છે. કોર્ટે આ સજા ડુંગરપુર કેસમાં આપી છે. કોર્ટે આઝમ ખાનને IPC કલમ 427,504,506,447 અને 120 B હેઠળ દોષિત ઠેરવ્યા હતા.
આ મામલામાં આઝમ ખાન, પૂર્વ મ્યુનિસિપલ પ્રેસિડેન્ટ અઝહર અહમદ ખાન, કોન્ટ્રાક્ટર બરકત અલી, રિટાયર્ડ સીઓ આલે હસનને દોષી ઠેરવવામાં આવ્યા છે. આજે ચોરોને સજા થઈ. આ દરમિયાન આઝમ ખાન સીતાપુર જેલમાંથી વીડિયો કોન્ફરન્સિંગ દ્વારા દેખાયા હતા.
આઝમ ખાનને પુત્રના નકલી પ્રમાણપત્ર કેસમાં સાત વર્ષની જેલની સજા
મીડિયા રિપોર્ટ મુજબ સ્પેશિયલ કોર્ટે આઝમ ખાનને ઘર તોડવા, મારપીટ, તોડફોડ, દુર્વ્યવહાર અને જાનથી મારી નાખવાની ધમકી આપવાના કેસમાં દોષિત ઠેરવ્યા હતા. આ પહેલા આઝમ ખાનને પુત્રના નકલી પ્રમાણપત્ર કેસમાં સાત વર્ષની જેલની સજા થઈ હતી. આઝમ ખાનને નફરત ફેલાવવાના કેસમાં બે વર્ષની જેલની સજા પણ થઈ ચુકી છે.
આ સમાચાર પણ વાંચો : Western Railway : મુસાફરોની સુવિધામાં વધારો, પશ્ચિમ રેલવે દ્વારા આ બે સાપ્તાહિક સ્પેશિયલ ટ્રેનોના ફેરા કરાયા વિસ્તારિત
જાણો શું છે સમગ્ર મામલો
સપાના શાસનમાં ડુંગરપુરમાં આસરા મકાનો બનાવવામાં આવ્યા હતા. આ જગ્યા પર કેટલાક લોકોએ પહેલાથી જ મકાનો બનાવી લીધા હતા. આરોપ હતો કે તે સરકારી જમીન પર હોવાના કારણસર તેને વર્ષ 2016માં તોડી પાડવામાં આવ્યું હતું. આ કેસમાં પીડિતોએ લૂંટનો આક્ષેપ પણ કર્યો હતો. વર્ષ 2019માં જ્યારે ભાજપ સરકાર સત્તામાં આવી ત્યારે રામપુરના ગંજ પોલીસ સ્ટેશનમાં આ મામલે લગભગ એક ડઝન જેટલા અલગ-અલગ કેસ નોંધાયા હતા. આરોપ છે કે સપા સરકારમાં આઝમ ખાનના કહેવા પર પોલીસે શેલ્ટર હાઉસ બનાવવા માટે બળજબરીથી તેમના ઘર ખાલી કરાવ્યા હતા. ત્યાં પહેલાથી બનેલા મકાનોને પણ બુલડોઝરનો ઉપયોગ કરીને તોડી પાડવામાં આવ્યા હતા.
સીતાપુર જેલમાં બંધ છે આઝમ ખાન
આઝમ ખાન હાલમાં સીતાપુર જેલમાં બંધ છે. આઝમ ખાનને અત્યાર સુધીમાં પાંચ કેસમાં દોષિત ઠેરવવામાં આવ્યા છે. તેમના પુત્ર અબ્દુલ્લા આઝમના બનાવટી જન્મ પ્રમાણપત્રના કેસમાં પાંચ મહિના પહેલા તેમને સાત વર્ષની જેલની સજા પણ કરવામાં આવી હતી. આ કેસમાં તે સીતાપુર જેલમાં બંધ છે. તેમની પત્ની, પૂર્વ સાંસદ તાજીન ફાતમા અને પુત્ર, પૂર્વ ધારાસભ્ય અબ્દુલ્લા આઝમને સાત વર્ષની જેલની સજા થઈ ચૂકી છે.
