News Continuous Bureau | Mumbai
Bihar Caste Census: બિહારમાં જાતિ ગણતરી પરનો પ્રતિબંધ હટાવી લેવામાં આવ્યો છે. પટના હાઈકોર્ટે ( Patna High Court) જાતિ ગણતરી (Bihar Caste Census) વિરુદ્ધ દાખલ કરવામાં આવેલી તમામ અરજીઓ ફગાવી દીધી છે. આ મામલે નીતિશ સરકાર (Nitish Government) ને મોટી રાહત મળી છે. રાજ્યમાં હવે જાતિ ગણતરી પર કામ ફરી શરૂ થશે. 4 મેના રોજ, હાઇકોર્ટે, જાતિ ગણતરી વિરુદ્ધ દાખલ અરજીઓની સુનાવણી કરતી વખતે, તેના પર કામચલાઉ સ્ટે મૂક્યો હતો. જો કે હવે નીતીશ સરકારને કોર્ટ તરફથી લીલી ઝંડી મળી ગઈ છે. હાઈકોર્ટે (HC) જાતિ ગણતરી કરાવવાના નીતિશ સરકારના નિર્ણયને યોગ્ય ઠેરવ્યો છે.
કોર્ટે લગભગ 100 પાનાનો આદેશ જારી કર્યો
પટના હાઈકોર્ટે ગત મહિને સતત પાંચ દિવસ સુધી જાતિ ગણતરી (Bihar Caste Census) વિરુદ્ધ દાખલ અરજી પર સુનાવણી કરી. બંને પક્ષોની દલીલો સાંભળ્યા બાદ કોર્ટે 7 જુલાઈએ પોતાનો ચુકાદો અનામત રાખ્યો હતો. બધા ઘણા દિવસોથી કોર્ટના નિર્ણયની રાહ જોઈ રહ્યા હતા. મંગળવારે હાઈકોર્ટે લગભગ 100 પાનાનો આદેશ જારી કર્યો હતો. મુખ્ય બાબત એ છે કે કોર્ટે તે તમામ અરજીઓ ફગાવી દીધી છે, જેમાં સ્ટે માંગવામાં આવ્યો હતો, એવી દલીલ કરીને કે વસ્તી ગણતરીનું કામ માત્ર કેન્દ્ર(centre)નું છે રાજ્યનું નથી.
આ સમાચાર પણ વાંચો : Nora Fatehi : ફેમસ એક્ટર્સ ને કરો ડેટ…’ નોરા ફતેહીએ જણાવી બોલિવૂડ PR ની સચ્ચાઈ
જાતિ ગણતરી બે તબક્કામાં
ગત વર્ષે નીતીશ સરકારે બિહારમાં જાતિ ગણતરી હાથ ધરવા માટે જાહેરનામું બહાર પાડ્યું હતું. આ પછી, જાન્યુઆરી 2023 માં તેના પર કામ શરૂ થયું. જાતિ ગણતરી બે તબક્કામાં હાથ ધરવામાં આવી હતી. પહેલો તબક્કો જાન્યુઆરીમાં અને બીજો એપ્રિલમાં શરૂ થયો હતો. બીજા તબક્કા દરમિયાન, પટના હાઈકોર્ટે જાતિની ગણતરી પર કામચલાઉ સ્ટે આપ્યો હતો. જેના કારણે બિહારમાં આનું કામ અટકી ગયું. તેમજ કોર્ટના આદેશથી ત્યાં સુધી એકત્ર કરાયેલ ડેટા સાચવી રાખવામાં આવ્યો હતો.
