Site icon News Continuous Bureau | Mumbai

Delhi Airport Attack: દિલ્હી એરપોર્ટ પર પાયલટનો ‘ખૂની ખેલ’: મુસાફરને માર મારી લથપથ કર્યો, એરલાઇન્સે તપાસ બાદ લીધું આકરું પગલું.

પીડિત મુસાફર અંકિત દીવાને સોશિયલ મીડિયા પર પોતાના લોહીલુહાણ ચહેરાનો ફોટો શેર કરીને ન્યાયની માંગ કરી છે. આ પાયલટ તે સમયે ડ્યુટી પર નહોતો અને અન્ય એરલાઈનમાં મુસાફર તરીકે જઈ રહ્યો હતો.

Delhi Airport Attack દિલ્હી એરપોર્ટ પર પાયલટનો 'ખૂની ખેલ' મુસાફ

Delhi Airport Attack દિલ્હી એરપોર્ટ પર પાયલટનો 'ખૂની ખેલ' મુસાફ

News Continuous Bureau | Mumbai

Delhi Airport Attack દિલ્હી એરપોર્ટના ટર્મિનલ-૧ (T1) પર એર ઈન્ડિયા એક્સપ્રેસના એક પાયલટ દ્વારા મુસાફર પર હુમલો કરવાની ચોંકાવનારી ઘટના બની છે. પાયલટે મુસાફરને એટલી હદે માર માર્યો કે તેનું આખું મોઢું લોહીથી ભરાઈ ગયું હતું. આ સમગ્ર ઘટના મુસાફરની ૭ વર્ષની માસૂમ દીકરી સામે બની હતી, જે હાલ આઘાતમાં છે. એરલાઈને પાયલટ વિરુદ્ધ કડક પગલાં લેતા તેને તપાસ પૂરી ન થાય ત્યાં સુધી સસ્પેન્ડ કરી દીધો છે.

Join Our WhatsApp Channel

 

શું હતી સમગ્ર ઘટના?

અંકિત દીવાને સોશિયલ મીડિયા પર પોતાની આપવીતી જણાવતા કહ્યું કે, આ સમગ્ર વિવાદ સિક્યોરિટી ચેક દરમિયાન શરૂ થયો હતો. અંકિત તેના પરિવાર અને 4 મહિનાના માસૂમ બાળક સાથે સ્ટાફ સિક્યોરિટી લાઈનમાં ઉભો હતો, કારણ કે તેની પાસે બેબી સ્ટ્રોલર હોવાથી તેને ત્યાં જવાની સૂચના આપવામાં આવી હતી. આ દરમિયાન એર ઈન્ડિયા એક્સપ્રેસના પાયલટ વીરેન્દ્ર સેજવાલે લાઈન તોડવાનો પ્રયાસ કર્યો હતો. જ્યારે અંકિતે તેને અટકાવ્યો, ત્યારે પાયલટે ઉદ્ધત વર્તન કરતા પૂછ્યું, “શું તું અભણ છે? તને બોર્ડ વાંચતા નથી આવડતું કે આ સ્ટાફ એન્ટ્રી છે?” આ બોલાચાલીએ હિંસક સ્વરૂપ ધારણ કર્યું અને પાયલટે અંકિત પર હુમલો કરી તેને લોહીલુહાણ કરી નાખ્યો હતો.

“ન્યાય જોઈએ કે ફ્લાઈટ?” – પોલીસ પર ગંભીર આરોપ

પીડિત મુસાફરે દિલ્હી પોલીસની કામગીરી પર પણ અત્યંત ગંભીર આરોપો લગાવ્યા છે. અંકિતનો દાવો છે કે પોલીસે તેને ન્યાય આપવાને બદલે એક એવો પત્ર લખવા માટે મજબૂર કર્યો કે જેમાં તે આ કેસને આગળ વધારવા માંગતો નથી. પોલીસે તેને ધમકીભર્યા સૂરે કહ્યું હતું કે, “કાં તો આ પત્ર લખો અથવા તમારી ફ્લાઈટ મિસ કરો અને 1.2 લાખનું વેકેશન બુકિંગ બગાડો.” અંકિતે દુઃખ સાથે સવાલ ઉઠાવ્યો છે કે, શું એક સામાન્ય નાગરિકે ન્યાય મેળવવા માટે પોતાની મહેનતની કમાણીનું બલિદાન આપવું પડશે? આ ઘટનાએ એરપોર્ટ પર સુરક્ષા અને પોલીસની નૈતિકતા સામે અનેક પ્રશ્નાર્થ ચિહ્નો ઉભા કર્યા છે.

એર ઈન્ડિયા એક્સપ્રેસની કાર્યવાહી

એર ઈન્ડિયા એક્સપ્રેસે આ ઘટનાની અત્યંત ગંભીરતાથી નોંધ લેતા ત્વરિત પગલાં લીધાં છે. એરલાઈને આરોપી પાયલટ વીરેન્દ્ર સેજવાલને તાત્કાલિક અસરથી સત્તાવાર ડ્યુટી પરથી હટાવી દઈ સસ્પેન્ડ કરી દીધો છે. કંપનીએ એક સત્તાવાર નિવેદન જારી કરતા જણાવ્યું હતું કે, “અમે અમારા સ્ટાફ દ્વારા કરવામાં આવેલા આવા અશોભનીય વર્તનની સખત નિંદા કરીએ છીએ. હાલમાં આ મામલે આંતરિક તપાસ ચાલી રહી છે અને તપાસના અંતિમ રિપોર્ટના આધારે પાયલટ સામે વધુ કડક શિસ્તભંગના પગલાં લેવામાં આવશે.”

આ સમાચાર પણ વાંચો : Assam train accident: આસામમાં રુંવાડા ઉભા કરી દેતો ટ્રેન અકસ્માત: રાજધાની એક્સપ્રેસ અને હાથીઓના ઝુંડ વચ્ચે ટક્કર, ૮ ગજરાજોના કમકમાટીભર્યા મોત.

માસૂમ બાળકી હજુ પણ આઘાતમાં

બીજી તરફ, આ હિંસક હુમલાની સૌથી માઠી અસર અંકિતની 7 વર્ષની માસૂમ દીકરી પર પડી છે, જે આ સમગ્ર ઘટના સમયે ત્યાં જ હાજર હતી. પોતાના પિતાને અચાનક લોહીથી લથપથ હાલતમાં જોઈને બાળકી અત્યંત ડરી ગઈ છે અને તે હજુ પણ ઊંડા આઘાતમાં હોવાનું તેના પિતાએ જણાવ્યું છે. પીડિત મુસાફરે ન્યાયની ગુહાર લગાવતા માંગ કરી છે કે એરપોર્ટના CCTV ફૂટેજની તટસ્થ તપાસ કરવામાં આવે અને આરોપી પાયલટ સામે કડક કાયદેસરની કાર્યવાહી કરવામાં આવે જેથી ભવિષ્યમાં કોઈ પણ મુસાફર સાથે આવું અમાનવીય વર્તન ન થાય.

 

Eknath Shinde Amit Shah Pune Meeting મહારાષ્ટ્રના રાજકારણમાં ગરમાવો… એકનાથ શિંદે અને અમિત શાહ વચ્ચે પુણેમાં બેઠક, 45 મિનિટની બંધબારણે બેઠકથી અટકળો તેજ
Shiv Sena Hearing શિવસેના કેસની સુનાવણીમાં ગરમાવો બેઠકના મેસેજ મુદ્દે શિંદે જૂથના વકીલની મોટી દલીલ, જાણો કોર્ટમાં શું કહ્યું
Adani Tarali Project Stop Work Order સાતારામાં વન વિભાગની કાર્યવાહી અદાણીના 1,500 મેગાવોટ પ્રોજેક્ટ પર લાગી રોક! 3 દિવસમાં જવાબ આપવો પડશે
Narmada Dam Financial Dispute Resolved 30 વર્ષ જૂનો વિવાદ ખતમ સરદાર સરોવર ડેમ મુદ્દે મોટો ઉકેલ, ગુજરાતમાં નહીં સર્જાય પાણીની તંગી!
Exit mobile version